رأيي بى ام لو الحاله نظيفه والعداد قليل
رأيي بى ام لو الحاله نظيفه والعداد قليل
هات زيرو طبعا مفيهاش كلام
انا بحب الاوبل انسجينيا اكتر من البيجو 508 بس معرفش ايه افضل كأداء بصراحة بس حاسس الاوبل افخم واشيك
bmw ركوببة
واعتقد ان الموتور 2000cc جبار
على حسب احتياجاتك تقدر تحدد ونحاول نساعد حضرتك
1-بى ام 320 موديل 2010 عربيه لا غبار عليها وثبات واوبشنز مالهاش حل بس عيبها ضيقه من ورا يعنى اللى بيقعد ورا بيبقى مش مرتاح قوى يعنى تنفع شبابيه اكتر من عائليه
2-اوبل انسيجنيا عربيه شياكه وفخمه واوبشنز كتير بس فى اعلى فئه يعنى ماتتركبش غير اعلى فئه علشان تحس فعلا بالعربيه وان مش ناقصك حاجه
وموتورها قوى بس يعيب العربيه توكيل منصور وقطع غيارها الغاليه علشان هى اعلى فئه عند منصور
3- بيجو 508 عربيه قويه وشيك وفخمه و امكانيتها كتير وحتى الان مظهرش ليها عيوب وتنفع عائليه لانها واسعه
وتوكيلها اتحسن عن الاول كتير وقطع غيارها معقوله لان فى التوكيل
فلو حضرتك شاب وليك فى الجرى وتقدر على مصاريف الصيانه يبقى البى ام هى الاختيار الاول
لو حضرتك متزوج ومعاك اولاد والعربيه هاتقعد معاك فتره يبقى الاوبل او البيجو مع مرعاه سعر قطع غيار الاوبل بس اوبشن اعلى او تجيب البيجو خليجى ويبقى حققت المعادله الصعبه كل الاوبشن وعربيه قويه
اتمنى اكون افدت حضرتك وتحت امر حضرتك فى اى استفسار
البي إم خسارتها في إعادة البيع فادحة
كل سنة بتنقص أكثر من اللي قبليه
وشوفت حاجات فالسوق قريب كان العداد حوالي 40 الف كيلو وكان مطلوب فيها 220 الف
البي إم الصيانات بتاعتها نار
العربية فخمه مافيش كلام
لكن يبقا عندك إختيارات موازية وزيرو وضمان على السيارة 3 سنوات وتروح للمستعمل
يبقا بصراحة حرام عليك
إحساس ان حد كان راكب العربية قبلك وياترى عمل فيها إيه بيبقا فيه توتر شوية
إلا إذا ضامن اللي هتشتري منه وتوسمت فيه الخير وعملت إتصالاتك وجبت الملف بتاعها من مركز الصيانة ولقيتاه مصروف عليها والراجل مهتم بصيانتها يبقا توكل على الله
انا شوفت إلانسجينيا وبصراحه وهم
وفيها طابع شبابي أكثر من البيجو ال 508
إستخير ربنا وشوف إنت هتميل لإيه
508
ازيكويا عبدو بك،،،،،موجود والله بس مشغول حبه مع المعرض بخلص اجراءات الورق والتراخيص واللذى منه،،،دعواتك تخلص على خير ان شاء الله
عاوز اقولك انى مركبتهاش الا مرتين بس فعلا العربيه مبهره،،،،فعلاً تحس انك قاعد فى صالون عربيه محترمه جداً كميه اوبشنز فوق الوصف كل يوم بكتشف فيها حاجه جديده،،،اخرها،،ان جوه العربيه فيه كاميرات سنسورز،،لو سبت العربيه مقفوله وشباكها مفتوح،،وحد حاول يدخلها بتشغل الانذار فوراً،،،وفوانيس الزينون العدسات فيها بتتحرك حسب اتجاه الدركسيون،،،،حاجات كتييييييير لسه حدعبس واعرفها بقى،،،
اكيد ان شاء الله اول ما استلمها رسمى واخد عليها سنه حنزلكم تقرير محترم وربنا يكرم