هو أنا كده مزوّدها؟! - نصيحة في تاريخ انتاج الكاوتش...
دلوقت انا كنت بدوّر على طقم كاوتش للعربية - شاهين 2004 - بحب اغير الكاوتش كطقم وقبل ما يجيب آخره عشان أبقى في السليم (الطقم الحالي مشي 20 ألف كم في 6 سنين وشهرين وحالته مش وحشة Lassa Miratta)
المهم بعد البحث والتمحيص وقراءة موضوعات كتير هنا في المنتدى عن نوع الكاوتش المناسب وصلت لأن ناس كتير جداً بتشكر في كاوتش الـ Yokohama الياباني ووصلت لأن المقاس المطلوب 185/70R13 موجود في موديل الـ A.Drive بس وطلبت من الزملاء هنا أماكن توّفره:
http://www.nilemotors.net/Nile/401748-drive.html
سألت عندنا لقيته موجود عند محلين بسعر 400 و420 جنيه للفرده لكن تاريخه 6/2012 (3012) فقلت أشوف حاجة أجدد في القاهرة
نزلت امبارح (شارع أحمد سعيد) للأسف أجازتهم الأحد! لقيت 4 محلات بس فاتحين 3 معندهومش وواحد عنده (محل جديد) المهم سعره عالي (420) قلت له ماشي المهم تاريخهم كام قال 3112 ينعي برضه نص 2012 مشيت وقلت مش دلوقت
السؤال بقى ومعلش طوّلت عليكم...
هل الكاوتش لو انتاج من سنة ونص يبقى شغال والا مركون؟ (بلاش منّه؟ والا عادي اجيبه؟)
أو تنصحوني بحاجة متوفرة أكتر (حالياً) تبقى إيه؟
الاستخدام يومي لكن قليل جداً كمسافة وحابب الكاوتش يكون طري وحنيّن ع العفشة وصوته واطي (انا سفري قليل ومش بتاع سرعة وشد وفرامل على سرعة)
وشكراً مقدماً على الافادة
