-
بطارية اللوجان
سألت النهاردة على اسعار البطاريات فى اسكندرية و كانت كالاتى:
بوش المانى 625ج
فارتا المانى 535 ج العادية و السيلفرج 625
Acdelco سعودى ج 470
Forte كورى 450ج
الاسعار دى بعد ادخال قيمة البطارية القديمة (50ج) فى الجديدة
هل الاسعار دى معقولة و لا مبالغ فيها؟؟؟
التوكيل بيقول امبير البطارية 60-65 معكوسة و الراجل بتاع البطاريات بيقول حط 70 امبير الخرج بتاعها 60 امبير (حسيت انه اى كلام) ز
ياريت الرجالة اللى سبقونا فى تغيير البطارية يفيدونا بخبراتهم
ملحوظة: سعر البطارية فى التوكيل 900 ج !!!
-
AC delco السعودى ممتازه بس المفروض القديمه تتحسب ب 70 جنيه
-
ايه سي ديلكو كويسة
واسال عليها في الابراهيمية عند شركة فارتا في شارع بتوع البطاريات هناك كتير وهتلاقي السعر اقل من 450 كمان ممكن يوصل 400 وهي بيقولوا 70 بس هي بتطلع 62 او 60 مش فاكر بالظبط بس كويسة
-
بطارية العربية 70 امبير فعلا
-
A C Delco بطارية ممتازة بالمقارنة بباقى البطاريات ودائما تذكر السعر مقابل القيمة
-
يا جماعه معلش حد يفهمني حاجه بس ... ما المقصود بكلمة معكوسه مش البطاريه مرسوم عليها القطب الموجب والسالب وانا بوصلها فى العربيه بركب الموجب فى الموجب والسالب فى السالب ... ليه بقه كلمة معكوسه دى ؟؟
-
أعتقد أن ده ترتيب أقطاب البطارية يعنى مثلا بدل ما الموجب شمال و السالب يمين يبقى السالب شمال و الموجب يمين و ده لتركيب البطارية في مكانها الصحيح و الله أعلم
-
يا جماعه هو فيه بطاريات القطب الموجب فيها ناحية اليمين والسالب ناحية الشمال ولا كله بيبقى شكل واحد لو سمحتم يا جماعه حد ممكن يفهمنا أكتر كلمة معكوسه دي ايه ظروفها لأن البطاريه لو اتركبت غلط ممكن تعمل مشاكل كتيره في العربيه فبرجاء الاهتمام
-
ايوة بتبقى اماكن الاقطاب معكوسة عن البطاريات العادية بس الموجب بيركب في الموجب و السالب في السالب بردو
-
يعني لما أروح أشتري بطاريه أقول للراجل أنا عاوز بطاريه معكوسه معلش يا جماعه انا عارف اني متقل عليكم
Content Relevant URLs by
vBSEO 3.6.0 PL2