ربنا يباركلك فيها و يكفيك شرها..و شكرا علي التقرير
رقم العضوية : 155965
تاريخ التسجيل : 13Feb2014
المشاركات : 8
النوع : ذكر
الاقامة : الاسكندريه
السيارة: سانديرو 2014
السيارة[2]: أكسينت 2006
الحالة :
بسم الله الرحمن الرحيم
احب ارحب بكل المنتدى الجميل وفعلا مفيد جدا فلذلك قررت انقل لكم تجربتى مع الرينو سانديرو اوتومامتيك 16V 1600 CC.. انا كنت امتلك قبلها هيونداى اكسنت 2006 الشكل القديم (وداه علشان تعرفو انا جاى منين )..
مش حبتدى من الاول علشان محدش يذهق انا كنت محتار شهور طويله اجيب ايه بعد الاكسنت خاصه انها كانت مريحانى جدا لحد ما عملت معايا موقفين صعبين .ماره مرضيتش تربط فرامل والماره التنيه انها مش بتستحمل الاجهاد يعنى اسافر و الف وتكيف وكده الموضو صعب , بتكركر وتبتدى تزرجن .. العربيه الاكسنت حلوه مش وحشه بس ليها استخدام معين .
المهم ربنا كرمنى بعد تفكير طويل وهدانى للسانديرو .. وداه لانى كنت حاتط ميزانيه حولى 100 الف جنيه .. فعلا مكنتش لاقى حاجه فى السوق احسن من السانديرو فى الحدود ديه وكنت فعلا مقتنع جدا بالعربيه لانى قرأت الكاتلوج كله بتاع العربيه و الاوروبى فعلا يحترم ..
تجربتى مع العربيه بمنتهى الصدق والاخلاص امام الله (العداد 2000 كلم فى 3 شهور) وادعولى بالبركه..
- الدريكسيون تقيل شويه صغيره بالنسبه لدريكسيون كهرباء بس فعلا معقول وحسه امان جدا
- العفشه تحفه واختراع وكل حاجه ممكن تتقال كويسه , لما بدخل على مطب بكون متوقع اهتزاز اكتر من كده بكتير بس لان العافشه مالتى جوينت فعلا عامله فرق وتحس ان العربيه ثابته فى الملفات او الخطوط المستقيمه حتى لو عديت على مطبات كتيره ورا بعضهم .
- ارتفاع العربيه جميل جدا ومناسب اوى للشاورع المصريه حتى وانا محمل حموله كامله (3 على الكنبه و الكرسى الجمبى)
- التكيف بجد جميل جدا جدا وفعلا ثلاجه
- العربيه من تحت فعلا شبه مصفحه (طبعا مش ضد النتفجرات )
- الفرامل بجد حاجه تحترم ..مزهله وعبقريه (الكلام داه مفيش فى اى مبالغه)
- جربت العربيه على 165بسم الله ماشاء ا لله ثبته وتحس بالامان الى حد كبير .. كنت ممكن ازود بس الطريق مسمحليش .
- الاوتوماتيك بتعها جميل جدا وبينقل بسلاسه جدا على 2.5 الف لفه من غير نتش و لا اى حاجه بس محتاجك تفهمه وديه مش هاعرف اوصفها لان العربيه فعلا حساسه جدا لرجلك على دواسه البنزين بشكل انت مش متخيله .
- العربيه واسعه من جوه اشانطه كويسه تشيل حوالى 3 شنط سفر كبار من بتوع الخليج دول بتوع زمان وشويه لوازم كمان :)
- التوكيل جميل جدا وناس كويسه اوى .انا رحتلهم علشان دراع المالتى فنكشن كان فيه السالب (-) ثقيل شويه وهما غيرولى الدراع كله من غير ولا كلمه فى حوالى شهر لانهم ببجبوه من باره .
فى حاجت اكيد مش قد كده داه شئ طبيعى ... انا مش حتكلم على اماكن الزراير ولا الكلاكس لانى شايف ان العربيه نزله كده وبالتعود حتاخد علاهم اوى فى وقت قصير جدا ..
- طلاء العربيه ممكن يكون خفيف شويه ،يعنى فتحت الباب خبط فى الحيطه حاجه خفيفه ساب علامه جمده شويه (فى ناس قلتلى طبيعى جدا)
- لما بقرص على المكنه شويه فى شد يعنى بكون ماشى على 130 او 140 امسك فرامل جامد بسمع صوت الموتور عالى شويه مش عارف داه طبيعى ولا لأ بس انشاء الله هسال فى التوكيل
- استهلاكل البنزين حسه عالى شويه جوه البلد يعنى بيوصل 11لتر ! فى الطرق المفتوحه معقول بيوصل 9لتر.
- حسيت انا المرايه الجانبيه خفيفه اوى يعنى لطشه وحلقيها فى الارض على الرغم انى خبطها اكتر من ماره وربنا سطر .
احساسى بالعربيه بجد ممتاز وانها فعلا عاليه والكراسى عاليه اكيد مش جيب بس احساس بالامان انك مرتفع شويه عن الارض .
شكرا ..واتمنى ان اكون افدتكم فى شئ
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
ربنا يباركلك فيها و يكفيك شرها..و شكرا علي التقرير
رقم العضوية : 154801
تاريخ التسجيل : 18Jan2014
المشاركات : 20
النوع : ذكر
الاقامة : Cairo
السيارة: Toyota
السيارة[2]: Renault Scenic
الحالة :
ربنا يبراكلك فيها و يكفيك شرها
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
كلام حضرتك مشجع وجميل
ربنا يباركلك فيها وتاخد خيرها
رقم العضوية : 158344
تاريخ التسجيل : 03Apr2014
المشاركات : 4
النوع : ذكر
الاقامة : مصر
السيارة: لايوجد
السيارة[2]: لايوجد
الحالة :
اولا مبروووووووووك علي العربيه وربنا يكفيك شرها
ثانيا هل انا قريت صح سانديرو 2014 اوتوماتك لو صح ممكن حضرتك توضح جبتها منين وبكام؟
رقم العضوية : 158344
تاريخ التسجيل : 03Apr2014
المشاركات : 4
النوع : ذكر
الاقامة : مصر
السيارة: لايوجد
السيارة[2]: لايوجد
الحالة :
لو ممكن اي حد تاني ينفي او ياكد المعلومه علشان انا في طريقي لشراء عربيه وكان عجبني السنديرو اوي بس مشكلتي انها مانيوال
المفضلات