ارجو تسعير النترا 2009 رشة جانبين من ذوي الخبرة

السلام عليكم يا جماعه انا قدامي عربية النترا 2009 اوتوماتيك كاملة ماعدا فتحة السقف ورشه جانبين وماشيه 77 الف كيلو و الرخصة تنتهي شهر 3 يعني كمان ايام ومطلوب فيها 90000 جنية ومش عارف لاني فعلا مبفهمش فالسيارات فقلت اخد رايكم وياريت تفيدوني

من فضلك حدد الامكنيات بالظبط كل حاجة بتفرق فى السعر

فعلا لو بل حالة دى من 85 الى 90 واللة اعلم انشاء اللة الاخوة الاعضاء يفيدوك

اظن 86 الف كويس جدا عليها

دا تاجر ؟

الف شكر يا جماعه على ردكم وربنا يوفق ان شاء الله الامكانيات للاستاذ الى سأل عنها هي اتوماتيك زجاج كهرباء فرش جلد جنوط موديل 2009 ماشية 77 الف بس رشة جانبين .

الله اعلم بس تقريبا تاجر

اعتقد من 86 ل 88 متزيدش عن كدة لان ال 2011 بتباع ب 89 و 91

اقتباس:

---

المشاركة الأصلية كتبت بواسطة kareem fawzy

اعتقد من 86 ل 88 متزيدش عن كدة لان ال 2011 بتباع ب 89 و 91

---

مش للدرجه دى يا استاذ كريم ال 2011 لو فابريكه بتعمل من 95 الى 100 وتزيد دا ال 2007 الفبريكه اول فئه بتعدى 80 مرتاح طيب خد دى واحد صاحبى اشترى 2010 كل اللى فيها فتحة سقف واوتو ب 113.5 واحنا قولناله غاليه واحد تانى اشترى 2011 اعلى فئه 105 الموديل دا مطلوب جدا وبينطلب فيه اسعار مبالغ فيها

والله يا جماعه انا شوفت عربية موديل 2011 مطلوب فيها 108000 بصراحه هي كانت جميلة وبعدين الشكل ده جميل ومطلوب جدا بيفكرني بالكرولا الدبة مطلوبة جدا واسعارها عاليه مع انها موديلات بقالها 5 سنين واكثر

88 الف

85 الف

النترا 2009 تاجر دفع فيها 97000 لكنها فتحة سقف وفابريكة بالكامل وطبعا اتوماتك وجنوط خليجى

88 معقولة