الموضوع: مساعدة في الاختيار بين استرا و سيراتو و فلوانس و مازدا 3

الف شكر يا باشا....بس المشكلة اني بدور علي حاجة اليومين دول و كمان لسة مش معروف حتنزل امتي شكلها مش قبل اخر السنة

المشاركة الأصلية كتبت بواسطة hunting_eagle

ممكن تنتظر الشكل الجديد من مازدا 3

نزلت في امريكا و اوروبا


و اتعرضت في معرض دبي في شهر 11 اللي فات

و المفروض انها هتتباع في الامارات على شهر 4


فأفضل انك تنتظر .. هتبقى هى الأختيار الأفضل

تحياتي

كلام جميل وصحيح والله أعلم.

المشاركة الأصلية كتبت بواسطة 2tsh

الف شكر يا باشا....بس المشكلة اني بدور علي حاجة اليومين دول و كمان لسة مش معروف حتنزل امتي شكلها مش قبل اخر السنة

كده يبقى واحدة من اتنين لا ثالث لهما:
فلوينس: عملية الياباني، وفخامة الأوروبي، مضروبين في الخلاط ..
أو...
أسترا: ألماني على أبوه ( حتى ولو كانت تقفيل بولندي ) ثبات شياكة فخامة متانة جودة، وبرضه عملية لأنها ماحدش اشتكى منها خالص.. حتى الآن.
والله أعلم.

المشاركة الأصلية كتبت بواسطة ahmzd

كده يبقى واحدة من اتنين لا ثالث لهما:
فلوينس: عملية الياباني، وفخامة الأوروبي، مضروبين في الخلاط ..
أو...
أسترا: ألماني على أبوه ( حتى ولو كانت تقفيل بولندي ) ثبات شياكة فخامة متانة جودة، وبرضه عملية لأنها ماحدش اشتكى منها خالص.. حتى الآن.
والله أعلم.

الف شكر يا باشا فعلا الاوبل لا غبار عليها بس اللي محيرني كمان حكاية الاوبشنز يعني مثلا انا سألت في كيا عرفت ان الفئة اللي ب 169، 000 فيها اوبشنز مش موجودة في استرا و فلوانس زي باركينج سنسورز امامي و خلفي ، مثبت سرعة ، مرايات led , ناقل الحركة موجود كمان في الدركسيون ، كولينج بوكس ، والفانوس الled الجميل
المشكلة ان دي اوبشنز مش موجودة في الاوبل ولا الفلوانس
كمان الفلوانس مفيهاش نظام الثبات الالكتروني بس ميزتها انها واسعة واعتقد بعد الموتور cvt بقت افضل في سحبها
المشكلة هو الاختيار بين الماني و الاوروبي ولا كوري بالاوبشنز اللي موجوده فيه

ولو فيه عند حضرتك ملاحظات علي اي منهم ياريت حضرتك تقولها لي اكون شاكر جدا

المشاركة الأصلية كتبت بواسطة meggieboy

أحسن أربع عربيات موجودين حالياً فى فئة 150 ألف و حتى 200 ألف هما:
- أوبل أسترا
- تويوتا كورولا
- كيا سيراتو
- رينو فلوانس

الأربعة كويسين جداً و كل ملاكهم مبسوطين منهم و مفهمش مشاكل متكررة....

كل واحدة فيهم ليها مميزات و عيوب مش موجودة فى الأخرين

طبعاً موضوع التوكيلات بتاعهم مهم جداً برده فى المقارنة لأنك هترتبط بيه لمدة 3 سنوات على الأقل و هم عدد سنوات الضمان....

بالتوفيق فى الأختيار.....

الله يبارك فيك يا باشا بس سؤال لو حضرتك حتختار اي منهم ايهم تفضل و ليه
كورولا جميلة جدا بس موضوع انها واطية اللي الواحد بيسمع عنها دي مخوفاني علشان كده فضلت اختار بين البقية حضرتك عارف الطرق و المطبات