افتح قوس يابني وزود واحد وسيب القوس مفتوح

**medo_31** · 25-02-2014 03:43 PM

والله يا جماعة انا معجب بالعربية دي جداً ومحتار بينها وبين بيجو 301 لكن موضوع الصدا ده صد نفسي وخلاني اعيد تفكيري
ومنتظر معاكم اشوف نهاية المشكلة ايه

**J A G U A R** · 25-02-2014 04:39 PM

لازم فعلا تعملو شكوه جماعيه وتروحو تطلعو ميتيك ابوهم ..

**محمد بدر** · 25-02-2014 04:43 PM

ياصديقي العزيز هل هدا الصداء وقف عند الأبواب فقط
لو كان كده يبقي ان شاء الله ليها حل المشكلة ان الصداء يكون إمتد لأماكن أخري
وفي كل الأحوال وبعيد عن التعويضات وخلافه لأن ده شئ مفروغ منه
انا شايف ان غبور لازم تكون فضيحته بجلاجل لأنه يستحق ذلك
يعني الناس المتضررة لازم ولابد تعمل تنويه في الجرائد والمجلات وده أقل ما يستحقه
بالرغم من أني كنت أول المشككين في الموضوع ده مكنتش مصدق

**M I D O** · 25-02-2014 05:19 PM

المشاركة الأصلية كتبت بواسطة midooo_119

كده يبقى انا كمان هلاقى عندى .. قولى يا ميدو فرش الابواب بيتفك ازاى عشان اشوف

انا فكيتة في التوكيل بس اخدت بالي بيتفك ازاي ..
بص في جوة الفرش مربعين بلاستيك كدة هتدخل مفك رفيع من الجمب وتفتحهم لبرة زي الباب كدة وبعدين تفك المسامير الي تحتهم وبعدين هتلاقي مسمارين تحت في قاعدة الفرش معا الباب هتفكهم وتمسك الفرش من فوق تضغط لتحت وتشدة لبرة هيتفك معاك

**M I D O** · 25-02-2014 05:19 PM

المشاركة الأصلية كتبت بواسطة toyota4arab

فعلا لام تتخذ اجراء قوي معاهم وحاول تجمع اكبر عدد ممكن من الناس المتضرره

ان شاء الله مش هسكتلهم وجاري تجميع المتضررين

**M I D O** · 25-02-2014 05:20 PM

المشاركة الأصلية كتبت بواسطة akedwany

مش عارف اقولك أيه !! انا زعلتلك بجد ربنا يصبرك انا توقعت برضه انه مش بيحطوا عزل من الصدا

انا اسمع و حضرتك سيد العرفين ان حماية المستهلك شغالة كويس و ابقوا برضه اعملوا مظاهرة قدامه و هاتوا الاعلام

ربنا يباركلك يا باشا و انا هروح حماية المستهلك برضو ان شاء الله

**M I D O** · 25-02-2014 05:20 PM

المشاركة الأصلية كتبت بواسطة رمضان شوقى

الحل الوحيد معظم مالكى العربية فى جميع المحافظات يتفقوا على ميعاد للمقابلة كل مجموعة فى محافظتهم و فى ميدان معروف للكل و فى يوم واحد و موعد واحد يتم الأتفاق فيه مع باقى الأعضاء فى جميع المحافظات لتقديم شكوى جماعية من محافظات مختلفة للسيد و كيل أول وزارة الصناعة و السيد وزير الصناعة و جهاز حماية المستهلك وقفة جماعية متفق عليها اذا اردتم الحل............ برجاء تبنى هذه الدعوة للمصلحة العامة بل و أريد عمل وقفة جماعية فى أبو رواش لمدة يوم أو أثنين بعيد عن ذلك لا يوجد حل ....

كلام جميل بس هيبقي صعب التنسيق و الافضل تجميع البيانات من الانترنت عشان يكون اسرع وواحد يتولي عملية الشكوي ضد التوكيل

**M I D O** · 25-02-2014 05:21 PM

المشاركة الأصلية كتبت بواسطة emad500

مطلوب نقف مع بعض فى مشكله زى دى ومش الناس المتضرره فقط لا يجب ان نكون ايجابيين انا مشارك فى اى وقفه احتجاجيه امام غبور لوقف المهزله دى ومع العلم انا لسه مااشتريتش العربيه دى مستنى فى المعرض يوم 13/3 وان شاء الله هاشتريها مافيش مشكله حتى لو فيها صدا علاجه سهل وكلنا عارفين المهم مافيش مشكله ولا شكوى من الموتور او العفشه حتى الان الحمد لله انما غضبى وطلبى للوقفه الاحتجاجيه ان ده اهمال واستهتار بحقوقنا كمستهلكين دافعين دم قلبنا في العربيه دى حتى لو ناس هاتستقل المبلغ انما ده بالنسبه لمعظمنا مبلغ كبير وحسبنا الله ونعم الوكيل فى الكلب غبور ده لان عنده جوده المفروض تكتشف العيوب دى وتعالجها قبل ما تنزل السوق .

كلام جميل وربنا يكرمك وتستلم علي خير بدون صدأ ان شاء الله و العربية والله فعلا جميلة لولا التوكيل الغبي الي بيدمر فيها

**M I D O** · 25-02-2014 05:21 PM

المشاركة الأصلية كتبت بواسطة د.عماد صلاح

لازم تعملوا يوم تشتكوا فيه جميعا من موضوع الصدا ده
الابواب واضح انها راكبه بالصدي بتاعها وده مش عيب صناعه ده جريمه
العربيه دي عيبها الاساسي هو غبور باسترخاصه و جشعه و عدم احترامه لعملاؤه
العربيات اللي في الخليخ ممتازه و تقفيلها ممتاز ومشاكلها مقبوله
كان الله في عونك يا ميدو و ان شاء الله تجيب حقك و لا تتنازل عن تغيير الابواب و ليس مجرد معالجتها

الباب راكب بدون معالجة صدأ اساسا لانة مستحيل يصدي بالسرعة دي

**M I D O** · 25-02-2014 05:22 PM

المشاركة الأصلية كتبت بواسطة medo_31

والله يا جماعة انا معجب بالعربية دي جداً ومحتار بينها وبين بيجو 301 لكن موضوع الصدا ده صد نفسي وخلاني اعيد تفكيري
ومنتظر معاكم اشوف نهاية المشكلة ايه

بصراحة العربية جميلة لاكن طبعا مفيش مقارنة معا ال 301 هية افضل

الموضوع: افتح قوس يابني وزود واحد وسيب القوس مفتوح

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الجيش ينجز القوس الجنوبى الشرقى من الطريق الدائرى الإقليمي

بتشد مع مين يابني انت عبيط !!!

بطاقتك يابني

العب , وزود مهاراتك في ركن السياره

عايز مساعده فى التعامل مع ملفات الملتى ميديا ادخل وسيب سؤالك

الكلمات الدلالية لهذا الموضوع

المفضلات

المفضلات

ضوابط المشاركة