موضوع يهمك...لوحة الكنترول لقائد الفلوانس الفيس ليفت
ده شرح مبسط للوحة الكنترول لسائق الفلوانس فيس ليفت:
http://i59.tinypic.com/1zc0239.jpg
1- مفتاح رقم واحد لفتح و ضم المرايات الجانبية و ده 3 حركات:
- يمين للضم
- شمال للفتح
- وسط للفتح و الضم مع تدوير السيارة أو مع الكارت الذكى أو مع زر الكنترول الأسود فى أكر الأبواب
2- بكرة التحكم فى ضبط المرايا كهربائياً
3- مفتاح أختيار المرايا شمال أو يمين لضبطها كهربائياً و ده حركتين فقط
4- أربع مفاتيح لفتح و غلق الأربعة زجاج كهربائياً: مع العلم أنهم كلهم بيشتغلوا بلمسة واحدة (one touch) فى الطلوع و النزول مع نظام حماية الأطفال (anti pinch) و هو النزول ثانية فى حالة الأصطدام بأى عائق
5- زر أمان الأطفال الكهربائى مزود بلمبة بيان: و هو حركتين
- يمين سوف يضىء لمبة البيان مع صوت لتوضيح غلق البيبان الخلفية و الشبابيك الخلفية لعدم عبث الأطفال
- شمال تنطفىء اللمبة و يفتح القفل
* مميزات أخرى:
- السنتر لوك العمومى موضوع فى وسط الكونسول فى مكان رائع و هو مزود بلمبة بيان لتوضيح حالة السنتر سواء مفتوح أو مغلق
- بإمكان تفعيل خاصية الغلق المركزى للسيارة أو إلغائها و ذلك لغلق السنتر عند وصول السيارة لسرعة 10 كم/ ساعة
- أزرار الزجاج الأربعة و فتحة السقف تستطيع أستخدامها بعد غلق موتور سيارة و لمدة تصل ل 10 دقائق ما لم تفتح باب السائق
- جميع أنوار السيارة و الكاسيت تغلق تلقائياً بمجرد فتح باب السائق طبعاً بعد غلق موتور السيارة ولكنها تبقى طالما ظل باب السائق مغلقاً
- تستطيع أستخدام مخارج ال 12 فولت و الكاسيت و الموتور مغلق و لكنها تفصل بعد 10 دقائق لحماية البطارية و لكنك تستطيع تشغيلها لفترات أخرى (10 دقائق فى كل مرة)
- فى حالة التحميل على البطارية و الموتور مغلق (تشغيل كاسيت و شاحن لفترات طويلة) تظهر رسالة تحذير أن البطارية مجهدة و يجب تشغيل السيارة لإعطائها شحنة
- فى حالة الموتور شغال...و حضرتك جايب الفتيس على N و شادد فرامل اليد و ده وضع طبيعى كتير مننا بيعمله لما ينزل يشترى حاجة بسرعة مثلاً....تظهر رسالة تحذير قوية فى الشاشة و تومض سريعاً مع صوت عالى باللون الأحمر محذرة أنك يجب أن تحرك الفتيس للوضع P خوفاً من أن تكون على مطلع أو منزل....
فعلاً قمة الأستمتاع مع فلوانس......
