سؤال ضرورى فى الشيكات

**أحمد كمال** · 28-02-2014 08:57 PM

المشاركة الأصلية كتبت بواسطة alaa74

كلام مظبوط يا احمد باشا بس عندى تعديل صغير
الشيك لو حتى مقفول التظهير (يعنى مشطوب على كلمه لأمر )
ممكن يتصرف عادى جدا ومش لازم صاحب الحساب اللى له حق التوقيع وده
حسب قانون الشيك الجديد وبعد التعديل على القانون .

لكن بعض البنوك بتحاول تأمن نفسها شويه وتريح دماغها ودى امثله للحالات دى :

1- بنك بيطلب تفويض بأسم اللى هيصرف وموقع من من له حق التوقيع وعليه صحه توقيع من البنك سواء مشطوب لأمر أو مش مشطوب (يعنى مقفول التظهير أو لأ )
زى البنك العربى الأفريقى الدولى (وعلى فكره مش كل فروعه ).
2- بنك تانى بيطلب ختم الشيك بختم الشركه المحرر لها الشيك سواء مقفول التظهير أو لأ
وبدون تفويض وتصرف عادى زى البنك الأهلى سوستيه جنرال .
3- بنك تالت ولا بيطلب تفويض ولا ختم ولا أى حاجه حتى لو مقفول التظهير بخلاف ان اللى هيصرف الشيك بيظهره فقط (يعنى بيكتب بياناته على ظهر الشيك ويصرف عادى حتى لو مشطوب على لأمر ) زى البنك التجارى الدولى .

وكل الحالات دى صادفتها فى مكان عملى
علشان كده دايما بننصح أى حد لو هيكتب شيك سواء بأسم شركه أو بأسم شخص
أنه يسطر الشيك (بعمل خطين متوازيين على وجهه الشيك ) وبالاجراء ده مش هينفع الشيك
يتصرف الا من خلال ايداعه بحساب المستفيد (اللى الشيك بأسمه ) عن طريق غرفه المقاصه
من خلال البنك المركزى .
طبعا هو إجراء أمن 100% لأن لو حتى الشيك اى حد حاول يصرفه من على الشباك حتى ولو
كان صاحب الحساب مش هيعرف .

يعنى ممكن الأستاذ صاحب الموضوع يصرف الشيك عادى وحسب القانون .

مقفول التظهير يعني مكتوب عالهامش العلوي "لا يصرف الا للمستفيد الأول" ... مش الشطب غلى لأمر

**أبو صلاح** · 01-03-2014 09:06 AM

المشاركة الأصلية كتبت بواسطة mk3

معلومات ممتازه من تيلر محترف مشهود له بالكفاءه.
اسمحلى انتهز الفرصه واسألك على كيس تانيه
لو شيك اترفض بسبب عدم تطابق التوقيع والاخ مصدر الشيك رافض يطلع شيك اخر ايه التصرف فى الحاله دى ؟

سؤال حلو وفعلا محتاج اجابة
لكن كان بعض الشركات لما كانت بتتعامل معانا كانت بتطلب اجراء احترازي
يعني بيطلب مني بعد اصدار الشيك اني احط عليه صحة توقيع قبل تسليم الشيك للجهة المستفيدة
لكن فعلا السؤال لو تم اصدار الشيك ووقت الصرف التوقيع غير مطابق او مزور ايه العمل ؟

**Trondo** · 01-03-2014 11:50 AM

كلام جميل و فيه نقطه تانيه ياريت توضحها
دلوقتى لا يصرف الا للمستفيد الاول يعنى اللى الشيك بأسمه بس يعنى ميتظهرش غير باسم صاحب الشيك
طيب اه الفرق بينها وبين غير صالح للتداول ؟

و يعنى ايه غير قابل للتحويل ؟

و دلوقتى انا كتبت شيك و عاوز اللى يصرفه يكون فى ميعاده مش قبل كده
و مش عاوز اسطره علشان دا هيجبره انه يحطه فى حسابه فى البنك
و ممكن ميكنش عنده حساب بنك اصلا
فيه حاجه تانيه ؟ و لا مفيش ؟

انا عميل cib ويلس و البنك فى تقدم مستمررر :))

**ahmed_badawy14** · 01-03-2014 12:40 PM

اخ trondo هتلزم الشيك بمعاد صرف يبقي لازم تسطره و لاسف ده لازم يتودع في حساب و صلاحيه الشيك بالعمله المحليه 3 سنينو نص قدام و 3 سنين و نص ورا ازاي ... حقولك يعني الشيك لو معاده 15/11/2011 ممكن تيجي تصرفه عادي جدا جدا لان لسه فاضله حوالي سنه ... طب لو مكتوب الشيك 15/11/2016 يتصرف عادي لانه عادي في فتره ال 3سنين و نص ... ايه هي الجمل الي تقفل الشيك بقي كذا واحده و اختار منها علي مزاحك لما تحب تقفل الشيك و تخلي شخص واحد يصرفه ( يصرف للمستفيد الاول . غير فابل للتداول . غير قابل للتحويل .first payee only )

**ahmed_badawy14** · 01-03-2014 12:43 PM

النقطه الاخيره قفلت الشيك باسمه و معهوش حساب باسمه في البنك بس في بنك تاني يروح في قسم التحويلات و يعمله مقاصه و يسمع في حسابه في البنك التاني خلال اربه ايام عمل و عموله التحويل 2 % ( 20 جنيه حد ادني و 250 جنيه حد اقصي من التحويل)

**ahmed_badawy14** · 01-03-2014 12:48 PM

بالنسبه لرفض الشيك بسبب التوقيع .. عندنا في البنك رفض الشيكات بنسبه 99.9999999 % ... بسبب عدم كفايه الرصيد فقط لا غير ... لان طبعا سمعه صاحب الشيك بتتاثر جدااا بالشيكات المرتده .. فاحنا عندنا اوبشن حلو جدا ... لو الشيك مش مطابق التوقيع بنبعت للفرع الي طلع منه الشيك يعني لو حساب الشخص في فرع العبور بنبعت لفرع العيور ... ناخد موافقه ع التوقيع ... يروح موظف خدمه العملاء مكلم صاحب يلكد معاه انت طلعت شيك بمبلغ كذا و لشخص كذا .. يقولم اه .. خلاص نصور الموافقه و يتصرفله ... اي حاجه انا تحت امركو فيها

**Trondo** · 01-03-2014 12:53 PM

نورت المحكمه وشاكر جدا لتعبك

**mk3** · 01-03-2014 02:34 PM

المشاركة الأصلية كتبت بواسطة ahmed_badawy14

بالنسبه لرفض الشيك بسبب التوقيع .. عندنا في البنك رفض الشيكات بنسبه 99.9999999 % ... بسبب عدم كفايه الرصيد فقط لا غير ... لان طبعا سمعه صاحب الشيك بتتاثر جدااا بالشيكات المرتده .. فاحنا عندنا اوبشن حلو جدا ... لو الشيك مش مطابق التوقيع بنبعت للفرع الي طلع منه الشيك يعني لو حساب الشخص في فرع العبور بنبعت لفرع العيور ... ناخد موافقه ع التوقيع ... يروح موظف خدمه العملاء مكلم صاحب يلكد معاه انت طلعت شيك بمبلغ كذا و لشخص كذا .. يقولم اه .. خلاص نصور الموافقه و يتصرفله ... اي حاجه انا تحت امركو فيها

طب يا غالى لو سافر بره او لو انكر بمعنى وجود سوء نيه لاى سبب كخلاف مثلا او دلع فى تسلم البضاعه وعلى اساسه طلع شيك توقيعه مش مضبوط

**mk3** · 01-03-2014 02:35 PM

المشاركة الأصلية كتبت بواسطة ahmed_badawy14

اخ trondo هتلزم الشيك بمعاد صرف يبقي لازم تسطره و لاسف ده لازم يتودع في حساب و صلاحيه الشيك بالعمله المحليه 3 سنينو نص قدام و 3 سنين و نص ورا ازاي ... حقولك يعني الشيك لو معاده 15/11/2011 ممكن تيجي تصرفه عادي جدا جدا لان لسه فاضله حوالي سنه ... طب لو مكتوب الشيك 15/11/2016 يتصرف عادي لانه عادي في فتره ال 3سنين و نص ... ايه هي الجمل الي تقفل الشيك بقي كذا واحده و اختار منها علي مزاحك لما تحب تقفل الشيك و تخلي شخص واحد يصرفه ( يصرف للمستفيد الاول . غير فابل للتداول . غير قابل للتحويل .first payee only )

اكتب جمله قفل الشيك فين ؟

-

الموضوع: سؤال ضرورى فى الشيكات

LinkBack

أدوات الموضوع

عرض

-

-

-

المواضيع المتشابهه

سؤال فنى ضرورى جدا جدا

سؤال ضرورى

استفسار عن الشيكات البنكيه

سؤال ضرورى؟

الكلمات الدلالية لهذا الموضوع

المفضلات

المفضلات

ضوابط المشاركة