صوت ونه في طرنبة الباور؟

**madoahmad** · 25-02-2014 03:08 PM

في صوت ونه عندي في طرنبة الباور.. الميكانكي قالي عادي امشي عليها ولما الطرنبة تبوظ خالص غيرها ..دلوقتي في ترشيح زيت باور في الماسورة الي داخله طرنبة الباور...عاوز اعرف سعرها كام والميكانيكي بياخد كام وهل فعلاً بيرفع الموتور بره العربية؟؟؟؟؟؟
(أرجو الافادة)

**Thebutcherr** · 25-02-2014 03:34 PM

الونة غالبا من قلة الزيت لازم تراجع الرشح و غالبا الونة هتختفى لو مختفتش يبقي ابتدت تبوظ

**Omar Mahmoud** · 25-02-2014 05:07 PM

اتاكد من زيت الباور

**janarad** · 25-02-2014 09:35 PM

الطرمبة اتحرقت ... غالبا انت كان عندك ترشيح من الاول بس ما اخدتش بالك من مستوى الزيت او كنت بتقرص على الدركسيون يمين او شمال اوى على ار بى ام عالى .

**احمدشلبى** · 25-02-2014 11:20 PM

بص يا سيدى هتغير الطرمبه بواحده استيراد سعرها من 200 الى 300 جنيه وخدها على تجربه اما بالنسبه للتركيب فاللى بيتفك السيور بما فيه سير الكاتينه لكن مفيش تسقيط موتور ولا حاجه.

**madoahmad** · 26-02-2014 03:34 PM

[gdwl]

المشاركة الأصلية كتبت بواسطة احمدشلبى

بص يا سيدى هتغير الطرمبه بواحده استيراد سعرها من 200 الى 300 جنيه وخدها على تجربه اما بالنسبه للتركيب فاللى بيتفك السيور بما فيه سير الكاتينه لكن مفيش تسقيط موتور ولا حاجه.

[/gdwl]

علي فكرة طرنبة الباور ديه باظت وانا بغير السيور بصراحه مش عارف الميكانيكي عمل ايه ممكن يكون شد سير الدينامو جامد ..المهم الصوت ظهر بعد السيور علي طول

**madoahmad** · 05-03-2014 01:56 PM

للعلم ... انا غيرت طرمبة الباور النهارده جبت واحده استيراد ب 290 ج ومصنعية 50 ج والميكانيكي فعلا فك سير الدينامو بس وغيرها ... واقدر اقول ان في 3 صنايعية انا علمت عليهم انهم حمييييير. ودول الي قالولي هنسقط الموتور وهنرفع الموتور ...

**Mahmoud.Fathy** · 05-03-2014 09:43 PM

انا غيرتها بواحدة استيراد ب 150 والراجل خد 50 جنيه تركيب والكلام ده من يجي 6 شهور وشغالة زي الفل ولا فيه تسقيط ماتور ولا رفع ولا بتنجان ... انا غيرتها وانا بغير طلمبة المياه