الموضوع: سكودا فابيا موديل 2002 بعض اسعار قطع الغيار

المشاركة الأصلية كتبت بواسطة engahmedsayed

سكودا فابيا
موديل 2002 موتور 1400 سى سى
بعض اسعار قطع الغيار

طقم دبرياج 500ج بس انا لقيت الديسك و البلية حالتهم كويسة فا اشتريت اسطوانة 110 جنية صينى
زي الفل بس كنت أفضل الحاجات المهمة دي ميتجبش فيها الصيني

طقم كوبلن 370ج تركى
سعر كويس جدا والحاجة التركي نضيفة اوي

مقص 230ج تركى و للعلم المقص الفابيا يركب يمين و شمال
زي الفل يا باشا

جوان وش سليندر الفليشيا 30ج
هنا بقي انا عندي اعتراض لآن جوان الفيليشيا مشابه لجوان الفابيا في فتحات ومجاري المياه تماما ولكن بيختلف في فتحات البساتم لان فتحات البساتم في جوان الفيليشيا بتبقي أصغر من فتحات الفابيا بحوالي 1 - 1.5 مم في الداير وبالتالي لما تركبه علي الفابيا البستم في حركته ممكن يحك في جوانب الجوان فبيقلل من عمر الجوان الآفتراضي ويبقي معرض للتلف والتأكل وبيزود أستهلاك البنزين وقد يؤثر علي السحب كمان

غطاء زيت فليشيا علشان اخد الجوان بتاع الغطاء 15ج
تمام يا باشا وعلي فكرة جوان غطاء الزيت بيتباع لوحده برده
وانا كنت جايبة بـ 5 جنيه تقريبا

علبة زيت باكم 15 ج
فلتر زيت 40ج
فلتر الزيت سعره 30 جنيه لانه منغير صمولة ربط
ولو ركبت فلتر زيت الجولف أبو صموله سعره 35 جنيه

جركن زيت تعاون الاحمر غسيل للموتور 1000 كيلو 55ج
جركن مياة تبريد حمرا توتال 68 جنية
كنت حطيت مياه hepu g-12الحمرا أفضل لانها الآصلي بتاعت العربية

غسيل دورة التبريد 30ج
مصنعية 500 جنية
المصنعية كويسة

تظبط زاويا 30 جنية

تم علم جوان وش سليندر
تم تغيير المقص لانى كان مكسور
الكابلن كانت بطقطق
تم تغيير اسطوانة الدبرياج للانتهاء عمرها الافتراضى و الحمد لله دواسة الدبرياج اخف من دواسة البنزين
غسيل دورة التبريد علشان الطحينة بتاعة جوان وش السليندر
و غسيل العربية من الداخل و الخارج و غسيل الموتور 35 ج

و دة اللى تم فى عربيتى

و الحمد لله كل حاجة كويسة

بس نقطة تغيير حساس الكامة دة عامل مشكلة فى للمبة الزيت ان شاء الله يتم التغيير



ربك المستعان

تحياتى بالتوفيق للجميع

م / احمد سيد

منسق قسم سكودا

الله ينور يا باشا
والف مبروك علي الصيانة
وانا بعد أذنك حطيت بعد الملاحظات علي بعض النقاط