قضايا ايصالات الامانة

**egyptawy2010** · 25-02-2014 09:43 PM

ياجماعة انا لسة شايف برنامج بيعرض اوضاع السجناء الا محكوم عليهم فى قضايا ايصالات امانة

ممكن حد يتسجن عشان ما دفعش ثلاجة او غسالة او هكذا

ما حدش عارف ممكن نوصل ازاى للناس دول

**r0xer** · 25-02-2014 09:45 PM

واو! تصدق دي فكرة جامدة؟ احنا ليه مفكرناش قبل كدا العمل الخيري يكون في حاجات زي كدا؟

الله يفتح عليك...حد عنده فعلا فكرة او معلومة عن الناس اللي حالاتهم زي كدا؟

**egyptawy2010** · 25-02-2014 09:55 PM

اه ياجماعة بجد

لسة واحدة مسجونة جايبة تلاجة وكاتبة 36 ايصال امانة كل ايصال بقضية

والله لا خير فينا ان لم نساعد هولاء ياريت بدل ما نلم عشان نجيب عجل او عشان نجيب بطاطين نركز شوية مع الناس دول
فخروج مسجون واحد ممكن ينقذ اسرة كاملة

**alfath8** · 25-02-2014 11:59 PM

جزاك الله خيرا على الفكرة بس يا ريت بجد يكون الموضوع ده بداية لينا كلنا فى منتدى نايل موتورز للتعاون على البر والتقوى
عارف لو كل عضو اتبرع بس ب 10 جنيه ممكن نفك كرب كام مسجون

**egyptawy2010** · 26-02-2014 12:39 AM

يايريت لو احد المحامين يحاول يقولنا ازاى نقدر نوصل للناس دول ونسوى هذه النوعية من القضايا وانا مستعد ادفع اجر هذا المحامى

**mahmoud_ali** · 26-02-2014 01:33 AM

متابع

**saddam** · 26-02-2014 01:45 AM

صديقي المواطن
أذكر في التسعينات وممكن اﻷخوة العمداء واللواءات في الموقع يفكرونا برضو حيث أذكر كان عناك عنبر في السجن أبو زعبل كان إسمه توشيبا العربي أو كريازي مش فاكر بالظبط بس كان بيتسجن فيه فقط أصحاب القضايا التافهة بتوع إيصالات اﻷمانة للأجهزة المنزلية بإعتبارهم جت فترة بقوا كتير أوي وبإعتبارهم لا يشكلوا خطورة كباقي السجناء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ملحوظة أنا أشجعكم على هذا اﻹتجاه ولكن علينا أن نفحص كل حالة على حده فمن كتب إيصالات وسدد ولو أجزاء بسيطة من اﻹيصالات فهذه أو هذا إنسان كان في نيته السداد ولكن خذلته الظروف فهذا نأخذ بيده ونساعده ولكن من كتب إيصالات ولا نية سداد لديه بتاتا فهذا لم تكن نيته نية خير وهذا النوع لا تأخذنا به شفقة ولا رحمة

**KemozTanta** · 26-02-2014 07:46 AM

المشكلة اكبر من ثمن ثلاجة او خلافة ، للاسف معظم المسجونين بيكونوا أميين يجهلوا القرأة والكتابة وتجار معندهمش دم ولا ضمير يمضيهم علي 10 او 15 وصل أمانة علي بياض ويحط فيهم رقم مضاعف 100 مرة من سعر الثلاجة !
يعني حضرتك لما تروح تتفاوض مع التاجر اللي واخدة منه ثلاجة تلاقي مطلعلك وصولات ب 100 الف جنية ويقولك اتفضل ادفعهم وانا اروح اتنازل !!
هو دا الموضوع ويوم ماتنجح تتفاوض معاه دا لو محترم يعني ممكن يقبل ب 50 الف جنية ! عشان ثلاجة ب2500 جنية مثلاً

**EngAhmedSayed** · 26-02-2014 08:22 AM

المشاركة الأصلية كتبت بواسطة kemoztanta

المشكلة اكبر من ثمن ثلاجة او خلافة ، للاسف معظم المسجونين بيكونوا أميين يجهلوا القرأة والكتابة وتجار معندهمش دم ولا ضمير يمضيهم علي 10 او 15 وصل أمانة علي بياض ويحط فيهم رقم مضاعف 100 مرة من سعر الثلاجة !
يعني حضرتك لما تروح تتفاوض مع التاجر اللي واخدة منه ثلاجة تلاقي مطلعلك وصولات ب 100 الف جنية ويقولك اتفضل ادفعهم وانا اروح اتنازل !!
هو دا الموضوع ويوم ماتنجح تتفاوض معاه دا لو محترم يعني ممكن يقبل ب 50 الف جنية ! عشان ثلاجة ب2500 جنية مثلاً

ودة اللى حصل
فى برنامج عمرو الليثى و كان بيتفقد سجن القناطر لنساء
لقى اية بقى
اللى كانت جايبة ثلاجة و بتجهز بناته و اتحبست فى وصل امانة 2000 ج
لما روحو يتفوضو مع التاجر علشان يتنازل خد 35000 جنية
و اتنازل حتى عمرو الليثى طلب قال خد حقك و خد مصريف القضية بس مش افترى و جشع حاجة زبالة

بس فى الاخر ندعى و نقول

ربنا يهدى