الف مبروك الاستلام وربنا يباركلك فيها ويكفيك شرها ..
عرض للطباعة
الف مبروك الاستلام وربنا يباركلك فيها ويكفيك شرها ..
الف مليون مبروك يا استاذ سمسم ربنا يديك خيرها و يكفيك شرها ان شاء الله .... انا على فكرة شفت عربية في الزقازيق الساعة 11 الصبح امبارح في بنزينة بيومي كانت بتمون قدامي ... مش عارف بقة ده حضرتك و لا حد تاني ... ياريت تقولنا العربية في زيادة في سعرها و لا اية ؟ و هل في اي تغيير في 2015 عن ال 2014 ؟ و اي استفسار تحت امرك
السلام عليكم
انا عضو جديد هنا ف المنتدى وبصراحة دى اول مرة ليا اشترك ف اى منتدى بس انا استفدت كتير جدا منكم نظرا للمشاركات اللى انتو بتنشروها وحبيت استفيد اكتر ف اشتركت معاكم ارجو انى اكون ضيف خفيف عليكم
اولا انا دكتور بيطرى بس هوايتى الوحيدة هى العربيات وكل ما يتعلق بيها انا اول عربية ركبتها كانت لانوس وتانى عربية كانت افيو ودلوقت محتار اجيب بيجو 301 (ودة اللى انا نفسى اجيبها )ولا اجيب اوبترا حالى مثل حال الشعب المصرى كلة ؟؟ انا كنت خلاص هحجز البيجو وكنت متغاضى عن جميع عيوبها وهى الصيانة وقطع الغيار ولكن قرات موضوع غير راى للاسف
والموضوع باختصار للى معندوش وقت هو ان العربية البيجو فيها عيب خطير جدا يتعلق بعمود الحدبات يهدد السلامة ودى حاجة مفيهاش هزار وكنت عاوز استفيد من خبرتكم هل العيب دة اتصلح ولا لسة ؟؟ شكرا مقدما
البلاد الحدث / عطب مفاجئ بـ "بيجو 301" و "سيتروين سي إليزي" يهدد أرواح الجزائريين
ألف مبروك ربنا يبارك لك فيها ويعطيك وخيرها ويكيفك شرها
أولآ / اهلآ بحضرتك وشرفتنا
1- راجع الموضوع اللى حضرتك ارفقتة كويس هتلاقى ان صاحب الموضوع اعتذر عنه لأنه متعلق بموتور 1200 سى سى اللى مبينزلش مصر من الأساس وشركة بيجو تداركت امره غير كدة احنا ملناش دعوة بية
2- بالنسبة للحيرة بين ال301 والأوبترا حضرتك فكرتنى بنفسى اول لما فكرت اغير العربية بس كنت بقارن بين النيسان والأوبترا واخترت النيسان سوبر صالون وكنت بعيط مكنتش طايقها هههههههه و لأن الأوبترا انا كنت حاببها وهى عربية جميلة بس قديمة اوى وخلاص راحت عليها لغاية ما لاغيت حجز النيسان وحجزت بيجو 301 اللى الحمد لله لسة مستلمها من يومين وبصراحة مينفعش تدخلها فى مقارنة او حيرة مع الأوبترا او النيسان لأنها افضل بكل المقاييس شكلآ وموضوعآ وفخامه وتكنولوجيا مع فارق السعر كمان يعنى فئة سعرية مختلفة تقدر تقول عليها افضل عربية لغاية 150 الف
الف مبروك يا أستاذ هشام على العربية و ربنا يباركلك فيها
أنا استلمت عربيتى البيجو 301 الهاى الاين امبارح, و كنت عايز اتأكد من إنى استلمت كل الأوراق اللى انا المفروض أستلمها, و هل فى حاجة ناقصة و لا لأ (بالمناسبة العربية ترخيص 2015 , مش عارف ده ممكن يفرق فى شئ و لا لأ)
1- شهادة مغلفة - شهادة بيانات عن إفراج
2- خطاب مرور
3- مبايعة سيارة
4- صورة (مش أصل) - اخطار ترخيص سيارات
5- صورة (مش أصل - و لونها أصفر) - محضر تسليم سيارات
هل انا كدة أستلمت كل الأوراق و لا فى حاجة ناقصة (لا قدر الله)؟
هل بيكون فى شهادة ضمان على السيارة؟ هل بيكون فى شهادة ضمان على الكاسيت أو اى اجزاء اخرى؟
للمرة الثانية الف مبروك, و شكراً جزيلاً مقدماً على مساعدتك و مساعدة الأعضاء الكرام للمنتدى