بالنسبة للناس اللي بتتكلم على التخفيض,
اعرف مستشار في مجلس الدولة معرفة شخصية حكالي ان كان في عرض للمستشارين للاشتراك في وادي دجلة ب سبع الاف بس.
اه والله :)
عرض للطباعة
بالنسبة للناس اللي بتتكلم على التخفيض,
اعرف مستشار في مجلس الدولة معرفة شخصية حكالي ان كان في عرض للمستشارين للاشتراك في وادي دجلة ب سبع الاف بس.
اه والله :)
اذا كان فى اعضاء فى المنتدى عايزين يشتركو
ممكن نجمع بعض ونشوف العدد ممكن نقدر نعمل تخفيض
سوال: ال 70 الف اشتراك ل كام فرد ف الاسرة
انا عرف ان الموضوع قديم بس انا حبيت احكيلك تجربتى مع فرع الشيراتون فى رمضان فى حالة انك لسة لم تشترك
1- فرع الشيراتون زحمة جدا جدا لاقصى درجة و خاصة فى رمضان وفى وسط الاسبوع
2-خدمات النادى تأثرت بالزحام يعنى مثلا حبيت مرة اتسحر هناك ملقتش ترابيزة واحدة نظيفة ممكن تأكل عليها و لما تقول للويتر يقولك دا اختصاص الهاوس كيبينج و يكون الحل انك تلغى فكرة السحور او تلف النادى على حد ينظف المكان
3-طبعا كثرة الزحام تؤدى الى مشاحنات و للاسف لايوجد امن بالنادى بل يوجد شوية عيال مسميانهم controlو تلاقيهم بيكلموا مع بعض او بيتفرجوا على الماتشات و ملهومش دعوة بالبيحصل فى النادى
4-طبعا لو حبيت تشتكى من اى حاجة و قلت انا عايز المدير او حد من الادارة طبعا بيسوحوك و متعرفش توصل معاهم لحاجة
للاسف النادى كان من 3 سنوات ممتاز و نموذجى بس قبول الاشتراكات الكثيرة ادت الى انهيار خدمات النادى
احب اضيف معلومات عن هذا النادي قرائتها من جروب النادى للاعضاء على الفيس بوك
وتتلخص الشكوى ان النادى تقريبا لا يشترى الاراضى المقام عليها النادى ولكن بياجر الاراضى انتفاع لمدد كبيرة 20 سنه مثلا
وان وضعة القانونى فى الدولة انه نادى شركات (مش فاهم القانون كويس) لكن الناس اللى فاهمه بتقول ان الشركة دى لو حصل ليها اى مشكلة او النادى افلس او اصحاب الشركة باعوة او هاجروا خارج البلاد فان الاعضاء ليس لهم الحق فى العضوية وفقا لقانون الشركات لان النادى غير مقيد فى اتحاد الرياضة تقريبا. واللى عاوز يتاكد من الكلام ده هما كاتبينه وعمالين يجمعوا ناس عشان بيرفعوا قواضى.
النقطة التانية فعلا النادى بيكون زحمة جدا وخاصة فى اى مناسبات - انا فاكر يوم شم النسيم اللى الماضى النادى كان عامل زى علبة السردين (فرع التجمع) ومفيش اى اماكن للجلوس
مستوى النادى بقى فى الهبوط الى الهاوية اسعار الوجبات مرتفع جدا عن زمان بالاضافة ان الاكل اصبح سئ جدا وكميته قليلة عن زمان
اى حاجة بفلوس وبيقفلوا حمام السباحة الكبير للتدريبات ولو انت مش مشترك (250 جنية فى الشهر للكورس) يبقى اللعب فى حمام السباحة العائلى وده تحس انك فى جمصة من كتر الزحام فى الصيف لازم تروح بدرى وتحجز تربيزة والترابيزات مزنقة جمب بعضها
اه نسيت اقول حاجة مهمه الناس كانت اشارت اليها
موضوع انهم بيهتموا بعمل عروض جامده للمستشارين وتخفيضات باقساط مريحة للظباط الجيش والشرطة والقضاه... ده عشان لو حصلت مشكلة هما حاسين بيها الناس دى تقدر تسندهم وتقدر تعمل تكتل مسموع - يعنى لما تلاقى 2000 قاضى مثلا هيعملوا تاثير على الدولة
كل كلام حضرتك صحيح
وضيف عليه
1- ان النادى مش بيديك عقد للاشتراك علشان لو هتقاضيه مجرد استمارة اشتراك ولو خدتها
2- توريث العضوية للاولاد مفيش ، لانه نادى خاص
3- لا يخضع لرقابة الشباب والرياضة ومفيش جمعية ولا مسائلة ولا انتخاب للمجلس
ولو اختلفت مع عامل ولا موظف اللى بيحقق فى الواقعة الشئون القانونية فى النادى وتاخد ايقاف بالشهر والاتنين
4 - فرع اكتوبر 1 له قرار ازالة
5 - مستوى الاعضاء بقى متدنى جدا ً
6 - ممنوع تجيب اكل من برة النادى ، ومفيش غير مطاعم النادى وشركة زلابيا . واكل مطاعم النادى غالى وجايز اغلى من برة
العضوية تورث لو انت مشترك فى نادى تبع الشباب والرياضة
دجلة لا
الوحيد اللى تبع الشباب والرياضة فيه المعادى ومش هتدخل فيه بعضوية الشباب والرياضة اللى اولها 0100