مين اشترك فى وادى دجله وندمان

**M.Mosaad** · 25-08-2015 11:59 AM

مشترك من 2010 و بروح فرع التجمع و ساعات فرع شيراتون

فرع شيراتون صغير بس شيك اوي و منطقة ديستركت اللي قدامه مخلياه بيكون خروجه متكامله للاسرة كلها

موضوع فصل العضويه اللي اعرفه ان العضو التابع بيدفع 10% من قيمة الاشتراك ساعة فصل العضويه و شفت الموضوع دة في حالات طلاق بس مشفتوش في حالات توريث

حسب كلام النادي ان كل الاراضي ملك للشركه اللي بتدير النادي ما عدا ارض شيراتون حق انتفاع علشان جنب المطار

الاعضاء من اي فرع بيشتركوا في كل مسابقات الشباب و الرياضه سواء سباحه او تنس او اسكواش مش عارف دة معناه يه قانونيا بس محدش قال لاي لاعب مش هينفع تدخل مسابقه علشان انت مش تبع الشباب و الرياضه

متفق في نقطه الاكل و اسعارة بس دخلت نوادي تانيه و لقيت الحال زي بعضه و في الغالب الاكل اسوا جداااااااااا

النادي زحمه في الويك اند زي اي نادي تاني

حجز الالعاب و خصوصا السباحه في مشكله و فعلا عليه اقبال كتير و بالنسبه للتجمع بيتعمل دلوقتي حمام سباحه اوليمبي تاني مش عارف هيعالج المشكله دي و لا لأ

ببساطه النادي بيحاول يقدم خدمه كويسة في تطور ملحوظ الفترة السابقه للاحسن - كل اصحابنا في الوهور و الاهلي و الشمس قاعدين عندنا في النادي علشان فرق المستوي و الخدمات

النادي مش روعه بس افضل حاجة متوسطه في مصر في رايي الشخصي

علي المستوي الشخصي انا اخدت شقه في اللوتس في التجمع و فوجئت انهم هيعملوا فرع جديد هناك و لما بحب اغير ببساطه بروح اي فرع تاني اقضي يوم كتغيير للولاد

**fepsceasar** · 25-08-2015 12:12 PM

على فكرة في تضخيم لمشاكل النادى ..هو انا مشترك ومش ندمان ..يمكن اكتر اللى ضايقنى مشكلة الزحمة فى اشتراكات الالعاب وزحمة النادى فى الويك اند ..
اللى اعرفه ان العضوية تورث عادى بتدفع 10% لفصل العضوية ..من تجربتي ما فيش اى فرق بين 0100 و0400 فى اى حاجة او ما حدش سالنى وانا بستفيد باى خدمة عن الموضوع ده وما عرفتوش الا من الجروبات
في نقطة كمان ما فيش جمعية عمومية ومتهيالى كل اللى اشترك كان عارف كده

**A.Saad** · 25-08-2015 02:12 PM

https://www.facebook.com/groups/327623067434284/

الزحمة فيه :

بتقف تستنى فى الجيم

نفس الوضع فى الساونا

حمام سباحة زحمة

اماكن الجلوس شرحهم

الوضع بيبان فى الويك اند والليل

**A.Saad** · 25-08-2015 03:06 PM

الزحمة معروفة
ممكن حضرتك تكون مش معتبر انها زحمة ومتقبلها
بس اما تقف ربع ونصف ساعة على جهاز فى الجيم ولا تستنى دور جاكوزى او تدور على ترابيزة ومتلاقيش يبقى زحمة
اما اسرة تجمع كراسى من كل ترابيزة شوية وتقعد على جنب يبقى زحمة

يوم جمعة الصبح رحت الساعة 11 لقيت الزحمة فى الجيم ابتدت
بالنص الموظف قالى الزحمة تبتدى من 11
تعالى قبل كدة

وغير ده الاجهزة المعطلة وسوء الصيانة
اكتوبر 2 بقاله سنة او اكتر مفتوح واجهزة الجيم ناقصة
اكتوبر 1 اجهزة مشاية معطله تقريبا كانوا 5
الجاكوزى فضل مقفول حوالى شهرين علشان يتعمل له اصلاح
المعادى الجيم فيه سيء برده

الايام دى فيه حملة لمقاطعة مطاعم النادى علشان غلو اسعار الاكل وسوء جودته