الموضوع: اوبل انسيجنيا ولا هيونداى ix35

اوبل انسيجنيا

المشاركة الأصلية كتبت بواسطة omaranes77

حضرتك اسة متطلباتطك يعني عايز امان ولا وسع ولا سحب ولا اية بظبط عشان نقدر نسساعد حضرتك

هو الاتنين فيهم وسع وبالنسبة للسحب فأعتقد ان الاوبل تكسب لانها 170 حصان اما الامان فبردو الاوبل تكسب

المشاركة الأصلية كتبت بواسطة saddam

صديقي المواطن
قولا واحدا في مصر ولوالدك أنصح ب هيونداي آي إكس 35
بره مصر حتكون إنسيجنيا أفضل

ده ردي في حدود ما طرحته حضرتك واﻵن إسمحلي نتدخل في الموضوع
المفاضلة الصح التي يجب أن تعرضها على والدك هي بين كيا سبورتج وبين بيجو 508 إن ولما تكلمني شوية عن والدك وسنه حديك النصيحة والخيار الصح مثلا لو تعبان وشقيان في حياته عشانكم وإنتو نفسكم يرتاح آخر أيامه ويقضيها في فخامة وبرستيج حتاخدله بيجو 508 إنما هو لا زال منخرط في حياتكم وحياة أحفاده وكل شوية حد منكم حيستلف عربيته وطفل طالع وطفل نازل فحتجيبوله سبورتج

وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

1- لية فى مصر ix35 افضل وبرة مصر الانسيجنيا افضل؟
2- انا سمعت شكاوى كتير من الاسبورتج ان عفشتها ناشفة وانها منظر ضخم من برة انما من جوة ديقة وقصاد كدة سمعت ان ix35 بتشم البنزين وواسعة من الصالون والشنطة كبيرة وعفشتها وسحبتها ناعمة غير انها تقفيل اوروبى فى التشيك ودة مخليها نازلة بالمواصفات الاوروبية وفى ناس بتقول ان ال ix35 مختلفة عن اى عربية هيونداى تانية ودة بسبب انها تشيكى
3- بالنسبة للبيجو 508 انا والدى لة تاريخ طويل مع العربيات الالمانى يعنى كان راكب مرسيدس 200 وبعد كدة مرسيدس زلمكة وبعد كدة اوبيل فيكترا فهو ميال اكتر انة لو هيركب اوروبى فهيكون المانى بردو غير ان الانسيجنيا نازلة بأمكانيات جبارة ودة مش معناة ان ال 508 وحشة بس بمقارنة مع الانسيجنيا اعتقد انها تكسب
4- انا والدى بطبعة ميال للفخامة اكتر وكان بيفكر فى الاوبل بس المميزات الكتير اللى فى ال ix35 خليتنا نحطها فى مقارنة معاها

المشاركة الأصلية كتبت بواسطة omar-saad

الاوبل ااحسن لوالدك
هو اصلا راكب اوبل مش هايعرف يتمتع بالهيونداى
دا غير ان العربية دى فخامة برستيج اداء كل حاجة متوفرة فيها
الهيونداى تقل عنها بكتير
الا لو هو عايز عربية عالية عن الارض
يبقى الاسبورتاج افضل كتير
عربية متجربة فى السوق واوبشنز و شكل احلى بكتير من الix35
وربنا يوفقكوا للخير

هو موضوع علو العربية دة مش يفرق مع والدى اد ما يفرق معاة الفخامة وجودة الخامات والتقفيل ودة يبقى متوفر اكتر فى الانسيجنيا

المشاركة الأصلية كتبت بواسطة Thebutcherr

هو حضرتك كانك بتسال الزرافة اطول و لا الحصان اسرع !!!
دي ركوبة و دي ركوبة تانية خالص
كل شيء مختلف
الماني و كوري
suv و سيدان
يعني كل حاجة غير التانية !!

هو حضرتك عندك حق فى موضوع الزرافة والحصان دة بس هو الواحد ممكن يكون مقتنع بعربية يقعد يسمع كلام من واحد تانى فيخلية يغير رأيو خالص ويقعد مع حد تالت فيقنعو بعربية غير الاتنين اللى فى الاول وكل واحد تتكلم معاة يقعد يتفنن فى تحسين صورة العربية اللى هو عايز يقنعك بيها