كنت عايز اعرف ازاى اخلى نور الصالون ينور مع فتح العربيه من الريموت بتاع الأنذار قبل ما افتح الباب ؟؟؟
عربيه النترا
عرض للطباعة
كنت عايز اعرف ازاى اخلى نور الصالون ينور مع فتح العربيه من الريموت بتاع الأنذار قبل ما افتح الباب ؟؟؟
عربيه النترا
زرار نور الصالون له ثلاث أوضاع حضرتك ثبته فى النص وجرب ان شاء الله هيشتغل مع الريموت
شغال مع فتح الباب نفسه مش فتح الريموت
فالأوكتافيا مثلا اول ما تفتح العربيه بالريموت نور الصالون ينور فالألنترا نور الصالون بينور مع فتح الباب نفسه مش من الريموت
انا عايز اخلى نور الصالون ينور لما اعمل unlock من الريموت قبل ما افتح باب العربيه
حضرتك استنى حد من خبراء الألنترا يقدر يفيدك أكتر منى أو لو كدة أبقى أسألهم فى التوكيل أو أى مركز خدمة
زى الفيديو ده من الثانيه 5 لــ 11
LED reading light mod with remote control - YouTube
:help1:
انا عاملها فى عربيتى اوبل وانا بركب الإنذار الكهربائى هوا اللى عملها
قبل ما تركب الانذار كان ايه اللى بيحصل قصدى يعنى انك لما كنت بتفتح بالمفتاح النور الداخلى كان بينور قبل ما تفتح الباب ؟ ولا ﻷ ؟
انا اقصد بالفتح بالمفتاح هو تحريك المفتاح يمين او شمال
و بفتح الباب هو دخول العربيه
اعتقد انك لازم توصل كابل نور الصالون على جهاز الانذار
لو معاك كتالوج جهاز الانذار ممكن تصورهولنا و نبص معاك
انذار ولف
مش عندي الكتالوج
روح لكهربائى بيفهم كويس فى الانذار وهوة حيقولك ينفع تتعمل ولا لاة
العربيه لو مفيهاش الاوبشن ده يبقي الحل الاخير وانت بتركب انذار هتخلي الصنايعي يوصل علي الزرار اللي في الباب لان معظم اجهزه الانذار بيبقه فيها اوبشن كتير ساعات الصنايعي ما يشغلهاش الا لو انت طلبت زي تشغيل نور الانتظار والنور الصغير ونور الصالون مع الفتح بالريموت
متابع
انا اشتريت اوكتافيا a5 اليجانس شاشة الحساس الخلفى شغال صوت بس مش ظاهر على شاشة الكاسيت اعمل اية وهل دة عيب كهرباء ولا عيب فى الكاسيت
بالنسبة لتشغيل النور على الريموت دي سهلة أوي وفيه موضوع في قسم الاوبل فيه شرح بالتفصيل
جعل نور الصالون لا ينطفئ مع الباب مباشرة وتأخيره وجعله ينطفئ سنة بسنة
أولا المكونات المطلوبة :
1- ترانزيستور bd242 وهذه صورته :
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://im52.gulfup.com/BMgNm7.jpg
على فكرة حرف ال c اللي موجود على الترانزيستور الكبير bd242c
ده بيرمز لأعلى فولت بيشتغل فيه الترانزيستور
لو ما لقيتش حرف أو لقيت a أو b مفيش مشكلة الكل هيشتغل طالما الدايرة هتشغلها في العربية
2- ترانزيستور a733 وهذه صورته :
http://im52.gulfup.com/IRqWZ8.jpg
3- مكثف 1000uF/16v وهذه صورته :
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://im70.gulfup.com/dbt9XP.jpg
4- دايود سيليكون 1 أمبير وهذه صورته :
http://im70.gulfup.com/Q6Gg3g.gif
طريقة التوصيل
دلوقتي وقت الجد
طبعا المكونات اللي فاتت رخيصة ( 3 جنيهات وربع) من أي محل الكترونيات
نيجي للتركيب
هفترض إنك مالكش أي خبرة بالالكترونيات أو التعامل معاها وبالتالي هنخلي العملية سهلة جدا
طبعا أي مبتدئ الكترونيات ممكن يعمل الدايرة بطريقة أفضل لكن في النهاية هيطلع نفس الأداء
دلوقتي امسك الترانزيستور الكبير ( bd242 ) كأنك بتقرا الكتابة اللي عليه هتلاقي ليه 3 رجول (ابعدهم عن بعض )
ونفس الحكاية بالنسبة للترانزيستور الصغير ( a733 )
حط الترانزيستور الصغير قدام الترانزيستور الكبير
لف الرجل اللي في النص بتاع الترانزيستور الصغير ( رقم 2 ) على الرجل اللي في النص بتاع الترازيستور الكبير ( رقم 2 )
كرر نفس العملية مع الرجلين الشمال ( لف الرجل الشمال بتاع الترانزيستور الصغير (رقم 3 ) على الرجل الشمال بتاع الترانزيستور الكبير (رقم 3) )
ابعد الرجل اليمين بتاع الترانزيستور الصغير ( رقم 1 ) عن الرجل اليمين بتاع الترانزيستور الكبير ( رقم 1 )
المكثف هتلاقي ليه رجلين واحدة أطول من التانية والقصيرة مكتور قبالها علامة (-)
الدايود هتلاقي له رجلين بس كل رجل في ناحية وفيه رجل منهم جنبها خط أبيض (الرجل اللي فوق)
هنمسك الرجل بتاع الدايود اللي جنبها خط أبيض مع الرجل الطويلة بتاع المكثف مع الرجل اليمين بتاع الترانزيستور الصغير ( رقم 1 ) ونلفهم على بعض
قص كل الرجلين الطويلة بمقص
متخليش حاجة لامسة التانية
دلوقتي عندنا الرجل اليمين بتاع الترانزيستور الكبير ( رقم 1 ) دي هنوصل فيها حتة سلك حمرا صغيرا ونوصلها بسلك نور الصالون اللي جاي من الباب أو المفتاح
والرجل القصيرة بتاع المكثف هنوصل بيها حتة سلك سودا صغيرة ونوصلها بأي أرضي في العربية
دلوقتي هتلاقي عندك رجل للدايود لسه مش واصلة بحاجة
دي هتوصلها بالرجل اليمين ( رقم 1 ) بتاع الترانزيستور الكبير ( bd242 ) اللي وصلنا فيها السلك الاحمر
كمان رجل المكثف القصيرة اللي وصلنا بيها السلك الأسود هتتوصل برضه بالرجلين اللي في النص اللي هما ( رقم 2 ) من كل ترانزيستور
لف شريط لحام عازل حول الشغل بتاعك من غير ضغط علشان ما تعملش قفلة
افتح باب العربية واقفله وبص لنور الصالون
لو عايز تخليها تشتغل مع الريموت
الترانزيستور الصغير هتجيب c1815
الترانزيستور الكبير هتجيب bd241
هتفصل رجل الدايود من الارجل الوسطانية اللي فيها السلك الأحمر وتوصلها مع سلك فتح السنتر
المكثف هوا اللي بيحدد الوقت اللي النور هيضل شغال فيه قبل ما يطفي
انا متشكر جدا لحضرتك على الأهتمام
بس انا كنت عايز اخلى نور الصالون ينور مع فتح العربيه بالريموت
بكرر شكرى لحضرتك
ماهو سلك فتح السنتر بياخد إشارة من دايرة الريموت
النتيجة النهائية إنك لما تفتح السنتر بالريموت نور الصالون هيفتح لمدة معينة تعتمد على قيمة المكثف
وعلى فكرة فيه كتير عملو الدايرة دي وهي موجودة في قسم أوبل تحت عنوان " كمان لخاطر فادي" ودواير تانية
شوف اللينك ده
http://www.nilemotors.net/Nile/419043-a.html