الموضوع: ( صورة لكلب فقير ) أين الرحمة في قلوب سكان المعادي !!

البني ادم هو الي بيفقر نفسوا من كتر المعاصي والذنوب الي بيرتكبها
فمن اعمالهم سلطتت عليهم. + ان عندهم عقل المفروض بيفكروا فيه بتلاقي الانسان المعدم الي بيشتغل باليومية مخلف لي اربعه خمس ست سبع عيال وفوق كده وكده تلاقيه بيتعاطى هو وعيالوا مخدرات وهباب ازرق.... طبعاً انا بتكلم على نوعية معينة من البشر عندهم مخ خارج نطاق التغطية ومع ذلك مفيش حد بيموت من الجوع وسندويتش فول او علبة كشري تشبعوا لكن الحيوان البريئ الضعيف ده الي لا حول ولا قوة له في الحياة. هيعمل ايه !!! وبعدين لو عملتم زوم على الصورة. هتلاقي ان عمر الكلب. لا يتعدى ستت أشهر فقط. يعني لسه جرو او شاب صغير في عز شبابوا وعندوا انيمية كدة وجسموا جلد على عضم .

فين زمان الكلاب يا اخي كانت تجري ورانا و ورى العربيات تهو هو. كده بكل قوة وشموخ ... النهدرة الكلب بقى مش قادر يصلب طولوا ياعيني ... ولو جت قطة باخيت في وشو ياخود بعضوا ويجري !!!

بس فعلاً كل شيء في الدنيا اتغير .... والنصاص قامت ياجدعان الي يخلي الكلاب تخاف من قطط و بقينا في زمن البواب. بقه يقل ادبوا ويتطاول على السكان ويمسك رئيس اتحاد ملاك العمارة يضربوا ويشتمو. ... احنا بقينا في زمن سواق التوك توك. ممكن يدي سواق العربية درس في المرور والاخلاق ومش بعيد ينزل يتطاول. على دكتور او مهندس. او حتى استاذ جامعة يتطاول عليه باللسان وباليد وبالضرب ... بس شوف يا اخي وتأمل وتدبر معي برغم معناة هذا الكلب المسكين. وشدة جوعه وبئسه ... لكن عمروا مافكر يعض اي ايد حول منوا ... عمروا مافكر. يسرق او يشتم او حتى يهو هو علي رايح والي جاي ويبلطج عليهم ويشتغل قطاع طريق ويثبت. اي كلب ماشي في المنطقة ... او حتى يروح يخطف اللقمة من بوق اي. كلب زميل له ... او حتى ياخود اي عضمة مش بتاعتوا. ... تحية كبيرة بجد. لهذا الكلب المسكين وكل الحب والتقدير لهذا الكلب الي واقف ورى العربيات. وممسيكش فوطة صفرة. وكل عربية ايوه ياباشا. تعاله تعاله حضن ومور ياباشا ايووه بس خلاص كده. ولا اقولك هات عجلة كمان قدام علشان لو في عربية عاوزة تركن (( واي هبل. في اي هبل )) ويقرفك على هات عجلة قدام وهات عجلة ورى. قال يعني بقه استاذ ورئيس قسم الركنة في مصر وعمدة المنطقة لا وبكل سخافة يسئلك هتتأخر ياباشا (( انتا مال اهلك هتأخر. ولا هبات ولا هتنبل هو انتا حاطط العربية على حجرك )) وتيجي تديلو جنية يقولك ايه ده ياباشاا. عاوزين جنية كمان عليه تقلش ماسكلك ساعه الاخ وبيحاسبك بالساعة. ... بجد بجد تحية كبيررررررررررة لهذا الكلب المسكين. الي لا بيضر حد ولا بيكلم حد ... هو في حالوا والناس في حالها ... مش زي كتير من الناس تبقى في حالك. والناس برضوا في حالك ومالك :) ... بجد حال الكلاب. عندنا في مصر بقت تصعب على الكافر وفوق الفقر ده كلو. وشح الطعام بتلاقي عيال صغيرة بتجري وراها تحدفها بالطوب ... وتيجي تكلمهم تلاقي العيل يبوق فيك كده بكل قلت الادب ويقلك ايييييييييه فيييييي ايه. احنا بنلعب ياعموا .... (( يا ولاد التيت. بتبطح. الكلب. بالطوبة. او بالزلطة في دماغوا. ونفوخوا وتقلي بلعب )) يانهر ازرق ياجدعان ... لا ويقلك سيبهم أصل دول اطفال وبيعلبوا ... يانهر ازرق اذا وهما اطفال وبيعملوا كده اومال لمن يكبروا هيعملوا ايه :) ... وتحياتي