ممكن رايكم بخصوص شباك الومتال مطبخ ونوع خلاطات

**inceptor** · 26-02-2014 04:08 PM

انا كنت عاوز اعمل شباك الحمام والمطبخ الومتال

ممكن تنصحونى بنوع معين وسعره تقريبا كام؟؟ وهل ف اختلاف ف الانواع انا بسمع ف دبل وعادى مش عارف الفرق ولا الاسعار

ونفس الوقت عاوز اجيب خلاطات الحمام والمطابخ بس عاوز نوع نضيف ويكون سعره معقول
ف بيقولوا ايدال ستاندر و ف جوهرى بس سعره عالى اووى تقريبا ف ياريت نصايحككم
وشكرا لكم

**smsm2015** · 26-02-2014 04:21 PM

بالنسبه للشباك فيه قطاع السعد كافى جدا ومش محتاج الاغلى باذن الله وسعره فى حدود 350 جنيه ونوع الزجاج يكون مصنفر او اسلامى .....

بالنسبه للخلاط فيه جولد مصرى ممتاز سعر الطقم حوالى 750 ج

**inceptor** · 26-02-2014 05:55 PM

انا متشكر لسرعة الرد وجوابك اخى الكريم
ياريت اللى عنده معلومات او اراء اخرى ياريت يقولى

**ASHAALAN** · 26-02-2014 08:46 PM

بالنسبة للخلاط , نمرة واحد جروهي , بعد كده ايدال ستاندرد , مطلعش بره دول عشان تريح دماغك في المستقبل

**salodas** · 27-02-2014 01:25 AM

صح جدا ... الخلاطات (جروهى او أيديال ستاندرد) .... متجبش غيرهم لو عاوز حاجة تنساااااااااااها .
الشبابيك ... مش محتاج غير قطاع السعد ... كويس جدا وكمان انت مش محتاج دبل فى المطبخ ولا الحمام ... الدبل فقط أنا عامله فى غرف النوم مش أكتر .

ربنا يوفقك

**inceptor** · 27-02-2014 08:43 AM

انا متشكر ليكم جدا جدا، خلاص الخلاطات حسمع نصايحكم يا جروهى يا ايديال حشوف فرق الاسعار واقرر

اما الشبابيك انا سمعت ان قطاع السعد مش حلو اوى والجامبو او ps احسن ايه رايكم ف الكلام ده؟

والقطاع ده بيفرق ف ايه؟؟؟

**mohamedbook** · 27-02-2014 09:08 AM

طيب وال جروهي دي بتيجي من اي مكان اشتريها من فين وياريت لو حد يقلي صناعتها ايه ايطالي ولا محلي

**inceptor** · 27-02-2014 12:32 PM

الجروهى المانى مش عارف منين بس اعتقد مظلوم عنده والسلاب

**shiko85** · 27-02-2014 12:58 PM

السعد سئ جدا جدا جدا جدا
ps للمطبخ و الحمام هيكون ممتاز الاسعار من 500 تقريبا بس الاسعار بتختلف حسب الدهان و نوع الزجاج (شفاف - عاكس - فاميه عاكس - اسلامى - انجليزى مسنفر ) و سمك الزجاج
الدوبل لعزل الصوت فالأماكن المزدحمه مش للمطابخ

**inceptor** · 27-02-2014 09:26 PM

المشاركة الأصلية كتبت بواسطة shiko85

السعد سئ جدا جدا جدا جدا
ps للمطبخ و الحمام هيكون ممتاز الاسعار من 500 تقريبا بس الاسعار بتختلف حسب الدهان و نوع الزجاج (شفاف - عاكس - فاميه عاكس - اسلامى - انجليزى مسنفر ) و سمك الزجاج
الدوبل لعزل الصوت فالأماكن المزدحمه مش للمطابخ

انا متشكر لحضرتك جدا جدا

طب انا دلوقتى واحد حيبقى لون موف و التانى بنى ، والزجاج مش عارف اعمله راي حضرتك اعمله ايه للمطبخ والحمام؟
ويبقى تقريبا المتر بكام؟؟