الله يبارك فيك
بص ياباشا هو انا لسه ماركبتوش لكن ان شاء الله اركبه المره الجايه
هو اسمه وحده فصل وهو قطعتين قطعه بتركب فى العربيه وقطعه صغيره بتبقى معاك مع المفتاح ودى بتستخدمها لما تيجى تدور
هى طبعا بتركب عن طريق ضفيره العربيه فلازم تركبها فى التوكيل علشان الضمان وهى مش بتاثر على حاجه انا واحد صاحبى مركبها بره ب 250 ج بس علشان هو خارج الضمان
هى وحده فصل بتفصل الكهربا وطلمبه البنزين وده امان اضافى فوق المفتاح المشفر
ليه بقى ؟
نفرض مثلا انت ماشى وواحد ثبتك واخد منك المفتاح المشفر اكيد هيدور العربيه ويمشى لكن لو انت مركب وحده الفصل وجه يدور بالمفتاح الاصلى حتى مش هتدور الا لما تستخدم وحده الفصل
فده نوع من زياده الامان وخصوصا فى ظل الاوضاع السيئه اللى فى البلد وممكن تجيبه وتركبه فى اى توكيل مش لازم طنطا اهم شئ خلى التوكيل اللى انت بتتعامل معاه يركبهولك