عرض للطباعة
واحد صحبى عنده عربيه بيبعها ولكن عنده مشكله انا معرفتش ارد عليه فيها
بيقولى هى عليها 12 الف فى البنك لسه وهو معهوش حاليا يخلصها فقالى هو لو واحد جه اشتراها ينفع اقوله نروح البنك ندفع الجزء الى باقى واعملك عقد ابتدائى وناخد المخالصه ونروح المرور وناخد باقى الفلوس
فانا معرفش الفكره ديه تنفع ولالا فهل كلامه ده صح ويمشى فعلا ولا ايه ؟
لانى معرفش ازاى يبيع عربيه تبع بنك
صديقي المواطن
قولا واحدا البيع والشراء بالطرق المكعبلة فده إختصاصي بحكم أحسب نفسي ملك التقسيط في المنتدى وده كله من باب الغرور والتكبر
بص يا مواطن
صاحبك حيلاقي مشتري حيبيعله العربية بعقد بيع إبتدائي وعليه بصمة إبهام البائع وبصمة إبهام المشتري ويطلع عالشهر العقاري يعمل للمشتري توكيل إسمه توكيل عام في بيع أو شراء كل السيارات من ماركة تويوتا مثلا من موديل 2008 وحتى 2014 وتاخد كل فلوسك أمام موظفة الشهر العقاري وبعديها بكام دقيقة ترجع تعمل ليه توكيل إدارة وفي التوكيلين مش حتحتاج رخصة سارية وحتسيب 7 آلاف مثلا ومتزودش عن المبلغ ده وتكتبه وصل أمانة بالمبلغ ده وعليه بصمة صباعه كمان وتحط في العقد اﻹبتدائي شرط جزائي لكل من يماطل سواء البائع أو المشتري بمبلغ 10 آلاف جنيه وتطلع عالبنك والمشتري معاك حتدفع إنت 5 آلاف والمشتري يدفع ال 7 آلاف للبنك وتاخد المخالصة وتديهاله وكفى الله المؤمنين القتال بتوكيل اﻹدارة اللي معاه حيروح يجدد رخصة العربية ويفك حظر البيع ثم حيطلع عالشهر العقاري يبيع العربية لنفسه بالتوكيل العام سيارات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة مقرونة بنصيحة
إنصح صاحبك يستلف ال 12 ألف أشرف له ﻷنه كده كده المواطن المصري عشان يخش معاك الموال ده أقل واجب حيطير من سعر العربية من 10 إلى 15 ألف حسب العربية وحتقعد كتير تعلن عليها عقبال متبيعها
اقتباس:
المشاركة الأصلية كتبت بواسطة saddam
منا قولتله فعلا يدفع المستحقات اكرمله لان المشترى دايما مبيحبش يخش فى القصص ديه
يتصرف فى الفلوس احسن و يبعها و يبقى يرجعهم
تمام ده كان رايى فعلااقتباس:
المشاركة الأصلية كتبت بواسطة lad