كورسا 1200 موديل 94,,,2 باب

**mario1551** · 27-02-2014 03:09 AM

مساء الفل أو صباح الفل بما إن الساعة 3:05AM
أنا معايا كورسا 1200 موديل 94,,,2 باب
كنت عايز اسأل على أنواع المساعدين الكويسة واللي مش مضروبة في السوق دلوقتي!!!
ويا ريت لو حد يعرف اجيبهم منين وبكام!!!
وكمان عايز اسأل إزاي أعمل ايدل ليرن للعربية عشان أنا حاسس إنها مهرتلة شوية
وبالمرة بقى لو حد يعرف ممكن الاقي فرش داخلي للباب بتاعي فين وبكام تقريبا,,,على فكرة أنا فرش الباب عندي غالبا مختلف عن الكورسا ال 4 باب لان أنا الباب عندي أطول شوية من العادي!!!ويا ترا لو عايز اجيب مكن زجاج كهربا)2 بس طبعا( اجيبو منين وبكام؟؟؟ ولا أروح لبتوع البيبان اللي بيركبوه كله بـ400 بالمكن بـكل حاجة؟؟؟
وكمان كنت عايز أعرف لو في فوانيس رنجات للكورسا؟؟؟وبكام برده؟؟)دول مش مهمين قوي يعني بالنسبالي بس عايز أعرف برده لو موجودين وسعرهم كام؟؟
معلش أنا بسأل كتير بس زي ماقولتلكم قبل كده,,,,بس أنا بعتمد على كلامكم جدا عشان كده بأسالكم على المفيد :)
وشكرا مقدما

**mario1551** · 27-02-2014 03:24 AM

نسيت اسألكم على التوربيدو اجيبه منين وبكام برده؟؟؟

**mario1551** · 27-02-2014 03:34 AM

هي ديه الرنجات ال أنا عايز أعرف سعرها كام؟؟

**haisam ali** · 27-02-2014 12:19 PM

كل اللى انت سالت عليه ده لازم تجيبه استيراد .... فأنت عايزلك لفه محترمه كده عند بتوع الاستيراد ..... هذا وبالله التوفيق

**mario1551** · 28-02-2014 12:48 AM

أنا نزلت النهاردة الحرفيين وسألت على المساعدين الجديدة نوع مايل)بيقولوا الماني( بـ650 جنيه!!!
وسألت على الاستيراد بـ 400 وممكن آخد واحد بس لان أنا اللي بايظ عندي هو المساعد الشمال بس,,,و مساعدين الشنطة بـ 100 ال 2
أما بقى فرش البيبان لقيته بـ 250 البابين,,,الفرش بس ,,,او500 الفرش كله بـمكنتين كهربا بالضفيرة بتاعتهم من غير الزراير,,,,بس ممكن أحاول اخدهم فوق البيعة

وسألت كمان على كرسيين للعربية ولقيت جوز كراسي بتوعها الأصلي بـ 700 ,,,,بالمناسبة محدش يعرف سروجي كويس وسعره كويس؟؟؟لان أنا الكراسي عندي معوجة من ناحية واحدة!!! ومحتاجة سروجي كويس ابن حلال يعدلهم!!! بدل ما اضطر اجيب الكراسي ديه!!!!

بالنسبة للفوانيس بقى مسألتش عليها,,,,مش عارف ليه مجاش في بالي!!!

**haisam ali** · 28-02-2014 12:55 AM

انا عايزك تلف على كذا واحد بتاع استيراد وتجيب اسعار كويسه عن كده لان فيه بعض حاجه غاليه ..... والفوانيس دى مش هتلاقيها استيراد لازم تشتريها جديد وهتلاقيها عند بتوع الكماليات العاليه تقريبا جوز الفوانيس دول موجودين انا شوفتهم قبل كده كانوا ببتاع ٩٠٠ جنيه .... وربنا يهدينا كلنا للصالح

**haisam ali** · 28-02-2014 11:55 AM

المشاركة الأصلية كتبت بواسطة mario1551

شكرا على ردك :)
بس إيه اللي إنت شايفه غالي؟؟
الكراسي ممكن اهز في تمنهم شوية اعتقد يعني,,,,المساعدين ممكن أحاول آخد ال 2 بـ300 بدل 400
انما مش أكيد يعني هينزلوا السعر,,,أنا حاسس إن الاسعار معقولة نسبيا

فعلا هوه انا قصدى على الكراسى ولو اخدتهم ب ٤٠٠ جنيه يبقى تمام جدا .... هذا وبالله التوفيق