a113 ولا a213

**mohaismail** · 01-10-2008 03:37 PM

ابعد عن 213

**Nader** · 01-10-2008 04:08 PM

المشاركة الأصلية كتبت بواسطة semsem85

يا اخ نادر ولا قلب جامد ولا حاجة هو الواحد هيشتري كل يوم بس بصراحة مرتاح ليها من حيث الحجم والشكل والسعر ده المتوفر وبقول التوكيل مضمون عمره مايهعمل حركة نقص زي بعض التوكلات التانية علي الاقل معروف واالاخ حسام خرج يعني هيظبط الموضوع اكتر فالواحد هيتوكل علي الله وربنا يسهل ويقع في بطيخة حمرا ان شاء الله

ربنا يوفقك.

**ahmedfadel** · 01-10-2008 05:09 PM

خلاصة الموضوع .......
لو عايزها عائلية يبقي 213 احسنلك بكتير
لو شبابي يبقي 113 كويسة

**medo1970** · 04-10-2008 01:05 AM

على فكره يا جماعه شكلها مش وحش للدرجه دى
وفى الأول والآخر هى عملية أزواق

**نور العمر** · 09-10-2008 06:20 PM

أنا معاكو شكل 213 مش وحش قوي للدرجة .. عجباني وكمان التابلوه بتاعها من جوة آخر شياكة عن 113

**fahd_628** · 09-10-2008 07:31 PM

بصراحة شكل السبيرانزا 213 دية بايظ و فية حاجة غلط انا كل ما اشوفها فى الشارع بتنرفزنى جدا جدا جدا جدا جدا جدا جدا بدرجة غبية و بتجيبلى حالة عصبية لأنة لايمكن يكون فية مصمم عاقل يعمل عربية بالشكل دة :(

انا عارف انى حاططتها فى دماغى بس بجد شكلها بينرفزنى

**alaa_dodo2** · 02-11-2008 05:59 PM

يا اخى انا عندى 213 وكنت محتار زيك كدة عشان الاولاد فضلت 213 وبصراحة بكل المقاييس احسن من 113 من الداخل اوسع واحلى وتابلوها احلى والشنطة كمان بانت اهميتها لمل سافرت بيها وحطيت فيها شنط واغراض كتير اتحدى113تشيلها
وبعدين بصراحة انا بشتكى ان العفشة بتعتها ناشفة شوية لكن تعالو شوفو 113 اصحابها بيقولو عليها اية فى صيانة 1000 مع التقفيل المصرى الى بيشتكى من حدفة يمين جامدة واللى بيشتكى من رداءة تقفيل الصالون والتابلوةو اللى فرامل اة بى اس عطلانة واللى التابلوة معلق معاة فى انوار بصراحة مهازل التقفيل المصرى
خلانى اقول الحمد الله على الصينى احسن الف مرة.
اما بالنسبة للشكل ممكن تكون الناس مستغربة شكلها لانة شكل جديد الناس قدام حتتعود علية وبصراحة تابلوة وصالون رائع تقعد جوة موضوع تانى