حل لابعاد الكلاب عن العربية

**starlanos** · 27-02-2014 09:24 PM

المشاركة الأصلية كتبت بواسطة porosski

سيبهم تاخد ثواب و إن شاء الله ربنا يجعله في ميزان حسناتك ولو خايف ان الغطاء يتبهدل هو كده كده هايتبهدل بعد فترة من الجو والتراب او يتسرق لا قدر الله ،على الاقل هايحرسوه .
بس بالله عليك بلاش تأذيهم .

يافندم معايا لانوس مغير كابوت بسبب الكلاب
واالسقف في بعض التطبيقات بس مقدرش حتي اسمكرة

**ahmedk7** · 28-02-2014 12:04 AM

بص انا كان بيحصل معايا كده بس كنت برش عليه مية كل مرة لغاية مبيعرف انه ميعدش على العربية بس كام مرة و حيتعلم او لو خليت السقف مبلول مش حيعقد عليه وفى حل تجيب السلك الشاءك و تحطه على السقف

**Elkordy2000** · 28-02-2014 03:01 AM

ليها حل ممكن ترش علي غطاء السياره شطه أو فلفل اسود مطحون حيخلي الكلب يشم رائحته فيهرب , المشكلة بس ان انت الصبح لازم تشيل الغطاء بالراحه علشان عينك انت مش تحرقك وكذلك وانت بتغطيها , لغاية ما الكلاب تحرم تقرب من عربيتك ...... الطريقه ده انا مجربتهاش للأمانه انما واحد قالي عليها زمان ..... جربها يمكن تجيب نتيجه

**enghany** · 28-02-2014 03:16 AM

المشاركة الأصلية كتبت بواسطة ahmedk7

بص انا كان بيحصل معايا كده بس كنت برش عليه مية كل مرة لغاية مبيعرف انه ميعدش على العربية بس كام مرة و حيتعلم او لو خليت السقف مبلول مش حيعقد عليه وفى حل تجيب السلك الشاءك و تحطه على السقف

واللهي ياباشا انا ساعات انزل الاقي خمس ست كلاب قاعدين عاملين ميتنج علي العربيه فلو الميه بقا لكل دول توصل خرطوم احسن و ترشهم هههههههه