كل شئ عن الماكينة التيربو 1800

سلام عليكم يا شباب.

انا بقالي فترة بدور على سكودا a4 محترمة اوتوماتيك و مش لاقي، الناس بتبالغ في الاسعار او الحالة بتبقى متهانة و مش نافعة.

فقولت يا واد فكر برا الصندوق و هاتلك عربية مانوال بسعر رخيص شوية و سقطلها ماكنة 1800 تيربو و يبقى اسمك راكب عربية مافيهاش عيب ( تكييف و عالية عن الارض و حمالة اسية و ثبات جبار و امان و ماتور عفي ، هو الواحد عاوز اية اكتر من كدة ؟)
سألت على الماكينة في الحرفيين قالولي من 12 ل 14 الف بالتركيب بكل حاجة ، فقولت لازم ادخل اسأل الفطاحلة بتوع سكودا عن الماكينة ديه.
انا عارف طبعا ان قطع غيارها مش هتبقى زي المكن الاس ار ١٦٠٠ العادية بس:

هل الماكينة اعتمادية ؟
ايه اخبار اسعار قطع غيارها ؟
هل قطع غيارها زي قطع غيار مكن اودي التيربو ؟
ايه اللي انا هغيره في العربية بالضبظ لما اسقط الماكينة ديه ؟

محتاج ردود اصحاب الخبرة و اللي جربو المكنة دي

و اهيه تبقي فرصة نجمع اكبر قدر من المعلومات عنها لكل اللي محتار زيي كده

و شكرا

اقتباس:

---

المشاركة الأصلية كتبت بواسطة A.mohamed

سلام عليكم يا شباب.

انا بقالي فترة بدور على سكودا a4 محترمة اوتوماتيك و مش لاقي، الناس بتبالغ في الاسعار او الحالة بتبقى متهانة و مش نافعة.

فقولت يا واد فكر برا الصندوق و هاتلك عربية مانوال بسعر رخيص شوية و سقطلها ماكنة 1800 تيربو و يبقى اسمك راكب عربية مافيهاش عيب ( تكييف و عالية عن الارض و حمالة اسية و ثبات جبار و امان و ماتور عفي ، هو الواحد عاوز اية اكتر من كدة ؟)
سألت على الماكينة في الحرفيين قالولي من 12 ل 14 الف بالتركيب بكل حاجة ، فقولت لازم ادخل اسأل الفطاحلة بتوع سكودا عن الماكينة ديه.
انا عارف طبعا ان قطع غيارها مش هتبقى زي المكن الاس ار ١٦٠٠ العادية بس:

هل الماكينة اعتمادية ؟
ايه اخبار اسعار قطع غيارها ؟
هل قطع غيارها زي قطع غيار مكن اودي التيربو ؟
ايه اللي انا هغيره في العربية بالضبظ لما اسقط الماكينة ديه ؟

محتاج ردود اصحاب الخبرة و اللي جربو المكنة دي

و اهيه تبقي فرصة نجمع اكبر قدر من المعلومات عنها لكل اللي محتار زيي كده

و شكرا

---

وعليكم السلام ورحمة الله وبركاته .......................تفكيرك حلو جدا بس شوف حاجة مهمة اوى .حاول تجيب الموتور من audi a3 وشوف العربية الاودى كانت بتنزل 1.8t ولا لا لو بتنزل يبقى فل نص امامى تاخد منه المكنة بالعفشة وكل حاجة ما عدا حاجة الاودى زى الطابلو والفوانيس ..............بكده يبقى معاك عربية سوبر لوكس عالمفتاح ولا تقل فى اعتماديتها عن ال1.6 وبنزين 92 زى الtsi عادى .............واستنى رد باقى الا عضاء الكرام

شكرا يا احمد على اهتمامك و ردك.

الموضوع محتاج لفة على الرجل في السلام. بس مهما كان بتوع قطع الغيار مش هيقولولك الحقيقة. اللي هيفيدني فعلا تجارب الاعضاء هنا للمكنة ديه و نصاءحهم.

مستني باقي ردود الاعضاء الكرام.

اقتباس:

---

المشاركة الأصلية كتبت بواسطة A.mohamed

شكرا يا احمد على اهتمامك و ردك.

الموضوع محتاج لفة على الرجل في السلام. بس مهما كان بتوع قطع الغيار مش هيقولولك الحقيقة. اللي هيفيدني فعلا تجارب الاعضاء هنا للمكنة ديه و نصاءحهم.

مستني باقي ردود الاعضاء الكرام.

---

بيتهيالى ما حدش جرب الموتور ده .............هو كموتور معروف فى الاودى الa3 بس ما نزلش كتير .هما حاجتين تتاكد منهم "توافر قطع الغيار .اسعارها " اما كموتور ما تقلقش منه

من الواضح ان مفيش حد جربه فعلا يا احمد.

او مفيش حد حابب يشاركنا خبرته.

فيت يا جماعة الردود ؟

باشا المواتير الرياضية او الاداءها عالى و خاصة التربو هتلاقيها مش منتشرة هنا عالمنتدى.

انا ممكن اقولك على كام واحد موجودين علي الفيسبوك ممكن يفيدوك فى الموضوع دة, بس معرفش هل دة ضد قوانين المنتدى ولا لأ.

اقتباس:

---

المشاركة الأصلية كتبت بواسطة 1.8tee

باشا المواتير الرياضية او الاداءها عالى و خاصة التربو هتلاقيها مش منتشرة هنا عالمنتدى.

انا ممكن اقولك على كام واحد موجودين علي الفيسبوك ممكن يفيدوك فى الموضوع دة, بس معرفش هل دة ضد قوانين المنتدى ولا لأ.

---

لو كده ابعت له عالخاص ..................

اقتباس:

---

المشاركة الأصلية كتبت بواسطة ahm662

لو كده ابعت له عالخاص ..................

---

يا ريت لو تبعت على الخاص يا باشا. و اكون لك من الشاكرين.

باشا انا تحت امرك بس الفكرة الرسايل قبل كدة مسحت منها كتير و اللى فاضل منها عزيز عليا فصعب امسحهم.
فعشان كدة انا مينفعش ابعت او استقبل رسايل.

اقتباس:

---

المشاركة الأصلية كتبت بواسطة 1.8tee

باشا انا تحت امرك بس الفكرة الرسايل قبل كدة مسحت منها كتير و اللى فاضل منها عزيز عليا فصعب امسحهم.
فعشان كدة انا مينفعش ابعت او استقبل رسايل.

---

تسلملي يا كبير
جرب تبعت رسالة ليا بس تقفل الاوبشن ده وانت بتبعت:

"حفظ نسخة من هذه الرسالة في مجلد صندوق الصادر."

طبعا معرفتش ابعتلك رسالة عشان اشكرك، فقولت اشكرك هنا

الف شكر يا 1.8 Tee :)

ايه الاخبار

طيب ممكن كود الموتور
للافادة عن قطع غيارة او موديلات العربية الموجود فيها الموتور

بالتوفيق ان شاء الله

يا جماعه الموتور ده موجود بكثره في بورسعيد ومكن نضيييف اوي وسالت علي سعر واحد بس بتاع باسات كان ب 7000 بالفتيس والضفيره والكنترول والموتور ده بيخرج 150 حصان ولو فتيس مانيوال يشتغل معاه عادي لكن لو اتوماتيك لازم الفتيس الاستبترونيك لانه بتاعه علشان الكنترولات تظبط مع بعضها وعموما كود الموتور للاوكتافيا a4هو فيه 4 اكواد ب 4 مواتير (AGU-ARZ-ARX-AUM) دول بتوع A4

اقتباس:

---

المشاركة الأصلية كتبت بواسطة hitmangate

يا جماعه الموتور ده موجود بكثره في بورسعيد ومكن نضيييف اوي وسالت علي سعر واحد بس بتاع باسات كان ب 7000 بالفتيس والضفيره والكنترول والموتور ده بيخرج 150 حصان ولو فتيس مانيوال يشتغل معاه عادي لكن لو اتوماتيك لازم الفتيس الاستبترونيك لانه بتاعه علشان الكنترولات تظبط مع بعضها وعموما كود الموتور للاوكتافيا a4هو فيه 4 اكواد ب 4 مواتير (agu-arz-arx-aum) دول بتوع a4

---

طب عال اوى وقطع الغيار الجديدة متوفرة ولا ...

اقتباس:

---

المشاركة الأصلية كتبت بواسطة ahm662

طب عال اوى وقطع الغيار الجديدة متوفرة ولا ...

---

متوفره استيراد بس جديد بصراحه مش عارف يعني مثلا سير الكاتينه بتاعها مختلف لأنه 2 كامه علويه مش واحد كامه

فين يا جماعة بقية الردود. اصحاب الخبرة فين ؟

الموتور دة جميل وأداؤه ممتع جدا .... (للأسف مش هقدر أفيد أكتر من كدة )...
لكن اللي أعرفه إن ناس كتير بتنزله في غولف فجرب تسأل في منتدي فولكس ...

انا خلاص بعد ما تواصلت مع كام حد من الاشخاص المحترمين و طمني. ان شاء الله هجيب الماكنة ديه و هجربها. هي الحياة ايه غير تجارب!

No risk, no fun

علشان كده انا ان شاء الله هاخد الريسك و انفذ

بس انا كان املي ان الناس اصحاب الخبرة و اللي جربو الماكينة ديه يفيدونا و نوصل لاكبر قدر من المعلومات عنها لباقي الاعضاء

على فكرة، لو الناس اطمنت للماكينة ديه و ناس كتير جابتها، قطع غيارها هترخص و التجار هيجيبوها كتير، و الكل هيستفيد

فلو سمحت ياللي بتقرا الكلام بتاعي ده دلوقتي لو عندك الماكينة دية او لو تعرف حد معاه الماكينة ديه احكيلنا تجربته. وانت المستفيد في الاخر ان شاء الله.

اقتباس:

---

المشاركة الأصلية كتبت بواسطة A.mohamed

انا خلاص بعد ما تواصلت مع كام حد من الاشخاص المحترمين و طمني. ان شاء الله هجيب الماكنة ديه و هجربها. هي الحياة ايه غير تجارب!

No risk, no fun

علشان كده انا ان شاء الله هاخد الريسك و انفذ

بس انا كان املي ان الناس اصحاب الخبرة و اللي جربو الماكينة ديه يفيدونا و نوصل لاكبر قدر من المعلومات عنها لباقي الاعضاء

على فكرة، لو الناس اطمنت للماكينة ديه و ناس كتير جابتها، قطع غيارها هترخص و التجار هيجيبوها كتير، و الكل هيستفيد

فلو سمحت ياللي بتقرا الكلام بتاعي ده دلوقتي لو عندك الماكينة دية او لو تعرف حد معاه الماكينة ديه احكيلنا تجربته. وانت المستفيد في الاخر ان شاء الله.

---

طب تمام ......على بركة الله بس اسال على الاودى الa3 علشان ان كان بينزل منها 1.8 تربو موديلات 98-2003 يبقى تمام اوى وهتبقى قطع الغيار متوفرة وجديدة وف مجموعة الفولكس قطع الغيار ايا كانت معمرة فا متقلقش تماما من الموتور اللى تقلق منه توافر قطع الغيار بس .........مش اكثر