الموضوع: عايز اوطي صوت الموتور ينفع؟؟؟؟؟؟؟

فيه عازل بيركب فى الكبوت من جوة

اية نوع عربيتك؟

فيه طريقتين

الاولى تخفيض الاهتزاز و دى اغلاهم
الثانيه زياده عزل الكابينه علشان ما تسمعش الصوت

علشان تخفض الاهتزاز فيه عربيات بيكون مواتيرها فيها (Balance shaft) و دى لازم يتعملها (phasing) كل 100 الف او مع تغيير سير الكاتينه لو ماتورك ميتسوبيشى او هوندا يبقى عندك ده (ما اعرفش الماركات التانيه فيها ولا لا)

قواعد الموتور نوعين (Firm) و (floating) لو النوع الثانى بيكون فيه زيت جوه الحشو الكاوتش . لو الزيت مسيل يبقى القاعدة لازم تتغير حتى لو الكاوتش سليم

مدخل الهواء بيركب عليه (resonator) و ظيفته الغاء صوت فلتر الهوا و لازم تغير العمه او علبة الفلتر علشان ال( resonator) ما بيتبعش لوحده

لو بصيت فى عربيه ميتسوبيشى حتلاقى بلوك اسود ورا فتحة الفلتر هو ده ال resonator) ساعات بيكون مخروم او الكاوتشه بتاعته بايشه فا ممكن شويه سليكون يوطو صوت الفلتر. لو بدلت فلتر الهوا بواحد رياضى ال resonator) لازم يتفك و الصوت حيعلى

فيه صوت بيطلع من شجرة الشكمان و مش حاتعرف تعمل فيها حاجه الالو غيرتها بواحد رياضى اكبر او ركبت حاجه اسمها (flex joint) و دى ماسوره مصنوعة من سلك شبكى زى مواسير السخان اللى بتجيبها من عند السباك و دى وظيفتها عزل الماتور عن الشكمان علشان ما يضخمش الصوت و دى بتتباع بس غاليه

فيه برضه علبة resonator) بتتباع للشكمان لو الصوت جى منه
علشان نعرف ايه احسن طريقه لازم نعزل كل صوت لوحده و بنستخدم جهاز اسمه (spectrum analyzer) و ده بيدينا قوه الصوت لكل ذبذبه

احنا شركتنا بتعمل الدراسه دى للمولدات الضخمه و طبعا التكلفه مش هاتكون مناسبه علشان عربيه

اسهل حاجه انك تزود عازل الكابينه و ده بيكون عبارة عن فرخ زي السوليفان بيتلزق تحت فرش الباب علشان البومبيه بتاع صاج الباب بيشتغل زى طبله بتضخم صوت الشارع

اللرابط د فيه الفرش ده
http://www.noisekiller.co.uk/sound_p...ehicles_04.php

اتمنى اكون افدتك لان موضوع ال vibration ده تخصصى

المشاركة الأصلية كتبت بواسطة Migo123

طيب في حاله عزل العربيه كاملة يعني الموتور والابواب والشنطه (زي الويب سايت)
التكلفة ممكن تكون كام تقريبا ؟؟؟

مثال على الاسعار على الرابط ده

http://www.dynamat.com/store/store-car.asp

ياجماعة انا بجد والله متشكر اوي علي الردود والافادات دي كلها انا كنت تقريبا فقدت الامل ان حد يرد عليا عشان كدا مكنتش متابع الموضوع (وكمان عندي امتحانات باطنة مطلعة عيني)
zarkor باشا كلامك تمام بس حاسس ان تكلفته عالية اوي بالنسبة للعازل بئي هو دا اللي انا اصدي عليه زي ماسيف ووليد قالوا
وكنت عايز اسالك علي حاجة كمان العازل لو اتركب تحت فرش الابواب هيقلل الصوت في الكابينة تمام؟طب لو ركبته كمان علي الكبوت من جوة هل هيقلل صوت الموتور نفسه بالنسبة للناس اللي ماشية في الشارع؟؟

بالمناسبة العربية فورد اسكورت 99 ومفيش اي حاجة مضايقاني فيها غير صوت الموتور لانو عالي فعلا بس شكلي كدا قربت الاقي حل بمشاركتكم المفيدة اوي دي ليا

المشاركة الأصلية كتبت بواسطة wkisho2005

ياجماعة انا بجد والله متشكر اوي علي الردود والافادات دي كلها انا كنت تقريبا فقدت الامل ان حد يرد عليا عشان كدا مكنتش متابع الموضوع (وكمان عندي امتحانات باطنة مطلعة عيني)
zarkor باشا كلامك تمام بس حاسس ان تكلفته عالية اوي بالنسبة للعازل بئي هو دا اللي انا اصدي عليه زي ماسيف ووليد قالوا
وكنت عايز اسالك علي حاجة كمان العازل لو اتركب تحت فرش الابواب هيقلل الصوت في الكابينة تمام؟طب لو ركبته كمان علي الكبوت من جوة هل هيقلل صوت الموتور نفسه بالنسبة للناس اللي ماشية في الشارع؟؟

بالمناسبة العربية فورد اسكورت 99 ومفيش اي حاجة مضايقاني فيها غير صوت الموتور لانو عالي فعلا بس شكلي كدا قربت الاقي حل بمشاركتكم المفيدة اوي دي ليا

العفو يا باشا و ربنا يوفقك فى الامتحانات

شوف ياسيدى... اهم حاجه علشان توفر فلوسك تحدد الصوت داخللك منين و ياسلام لو قدرت تحدد مصدر الصوت

يعنى ممكن الصوت اللى انت سامعه صوت الشكمان او صوت الفتيس او صوت فلتر الهواء ... انا ماركبتش الفورد الاسكورت فا مش عارف ايه اعلى صوت فى دول

ممكن تجرب بسماعة الدكتور بتاعتك تحط عليها حاجه تكتم الصوت علشان ودانك ما توجعكش و تحاول تمشى على جدران الكابينه من جوه و تشوف اكتر حته مدخلالك صوت و تشيل الموكيت من عليها و يمكن تلاقى المصدر . ممكن مثلا الشكمان قريب شويه من بطن العربيه فيرج البودى. ممكن عصايه الفتيس مش معزوله من تحت. ممكن كاوتش الابواب ضعيف و مش مالى الفراغ بين الباب و البودى. ممكن كاوتش الزجاج ناشف.

بجد مش عارف اساعدك ازاى بس هى دي الحاجات اللي بندور عليها علشان نعمل soundproofing