المشاركة الأصلية كتبت بواسطة حسين عشري
صديقني صدام المواطن المحترم
بداية شكرآ على أهتمامك
بالنسبة لسعر أعادة البيع فهل ممكن توضح لي العر يوصل ل 80 الف بعد قد أيه عشان انا باشوف على كونتاك عربيات موديل 2012 معروضه باكثر من كده و بعدين بالنسبه للمكنه ممكن تحتاج تغيير بعد مده قد ايه في تصورك لو الاستخدام بحكمه مش هري و اهمال متواصل و بهل ممكن يركبلها من المكن الي حضرتك اتكلمت عنه بدون مشاكل في القواعد و في المرور و لا لأ و اعتقد ان العربية دي سحب امامي مش خلفي يبقى هينفع و لا لأ و لو عندك تاكيد على نوع السحب امامي او خلفي ياريت تفيدني
بالنسبه للصوت العالي ففي مشاركه من احد ملاكها عن الصوت مرتبط بغلق الزجاج و كون الصوت في العادي مش عالي قوي و انا بافكر اتصل باحد ملاكها و الي بيعرضوها للبيع عشان اجربها يوم مع دفع ايجار له عشان اكون جربتها بعد استخدامها لفترة يعني مستعمله هيبقى وضعها ايه
و بالنسبه للملابس المتسخه اعتقد دي مبالغه عشان المفترض انها عربية جديده و موضوع الاعطال في تصوري بيني و بينه مده و اي عربية تهمل فيها هتبهدل صاحبها و الي خلفوه كمان
بالنسبه لأزمة السولار فمصر مرت بازمة بنزين عادي و لو امكن بعد كده و الظروف لطشط قوي اغير المكنه بنزين زي ما حضرتك قلت
بالنسبه لموضوع انها مش هتتسرق لأي سبب يبقى مصلحه و لو ان الحرميه اليومين دول بيسرقوا حتى العربيات التعبانه القديمة اي حاجه تجيب حق شمة بودره او سيجارة بانجو حتى
و بالطبع و قتها لا قدر الله لو طلبوا فديه 15 او 30 الف هادفع و انا مبتسم للحياه
بالنسبه للشد ف السرعه في شوارع القاهرة مقطعه بعضها لدرجة ان الواحد بيكره نفسه م الميكروباصات للتكاتك و خلافه
مستني تعليقك .....
و دمتم للنضال و لو اني مش فاهم يعني ايه ...... ههههههههه