ايه الي ممكن يحصل للعربيه لو اكلت مطب علي 90 وطارت من عليه

**osos_lion** · 30-09-2008 05:14 AM

انا النهرضه وانا ماشي علي الدائري
وطالع من النزله الي تحت الكوبري
وهوووووووووووب
علي 90 العربيه طارت متر او اكتر في الهوا وبعدين اترزعت رزعه
وانا مش عارف اعلارف هي اتضرت ولا لا ازاي
اروح التوكيل واشوف ولا ايه
وايه هي الخسائر المحتمله
وايه احسن حل لما الواحد يشوف مطب؟
ياريت لو حد ليه تجارب يقولها
وحسبي الله ونعم الوكيل فالناس الي عملاه للانتقام من الكائن العجيب الي اسمه عربيه الي كل الي راكبينه تجار مخدرات وحراميه وناس معاها فلوس
لابد من تخسيرهم اموالهم حقد طبقي منهم لله وحسبي الله ونعم الوكيل
وشكر خاص علي المجهودات الجباره والطرق المسفلته والغير موجود بها حفر
وادي جزات الي يجيب عربيه زيرو
عموما الحمد لله

**blazer** · 30-09-2008 05:21 AM

قدر الله و ماشاء فعل
ان شاء الله ميكونش فيه حاجه حصلت بس اهم حاجه انك متكونش سمعت اى صوت غريب فى العربيه بعد الخبطه دى
جرب كدا تحود الدركسيون وتفرمل و شوف النظام لو حاجه لتطقطق ولا بتتهز
اكيد هيكون فى حاجه تضررت
بس ان شاء الله سليمه

**Nour_Peugeot** · 30-09-2008 05:39 AM

بس يا باشا انا مره ماشي علي 100 و عارف ان في مطب و قبل المطب بفتره انا حاسب مقدار المسافه و كده و كانت المطره بتندع و هوووب ادوس فرامل الاقي العربية وخدها زحف علي مطب لو حد شافه يتخد و يفول ده لو انت خدته علي 20 حرااام برده

عموما خد المطب و عديت التقاطع في الهوا والله عديت التقاطع بس الحمد لله ملقتش اي اضرار الحمد لله

**osos_lion** · 30-09-2008 03:45 PM

انا حاسس ان شوارع مصر بمطباتها دي اختبار جامد لقدرات السيارات علي الطيران
بفكر نعمل رالي العتبه ورالي مدينت نصر ورالي مصر الحديده ونشوف انهي اكتر عربيه هتصمد ادام المطب
انا اعدت اجرب العربيه فرامل وحجات ده لسه مظهرش حاجه

**osos_lion** · 30-09-2008 03:47 PM

عموما مستني ردود اهل الخبره وشكرا للناس الي ردت

**limo** · 30-09-2008 04:03 PM

انا مره اخذت مطب بسرعه جدا مش فاكر السرعه كانت كام
فى عامود تحت العتب مباشرا الى بيتركب عليه الكوربيك
المهم العامود ده اتنى

**Ahmad Allawy** · 30-09-2008 04:03 PM

شوف يا سيدي..
طالما مفيش حاجة اصوات ولا حدفة ولا حاجة يبقي خلاص عدت علي خير..
لو وانت ماشي بسرعة لقيت مطب.. فرمل خالص بقدر الامكان.. لحد ما ت
خل ع المطب خلاص.. سيب رجلك من ع الفرامل.. و سيببها تلبس المطب..
اقصي حاجة تلبس ف المساعدين و خلاص..
و المساعدين مش هتتكسر من حاجة زي كده.. عادي يعني.. متقلقش..
و ربنا يسترها ان شاء الله..

**فادى** · 30-09-2008 05:36 PM

عادى أنا ياما خدت مطبات على 90 و 100 و غالبا مبيحصلش حاجة,
العربية مش مصنوعة من البلاستيك, لكن طبعا مطب على مطب على مطب هتتسبب فى أضرار بالغة على المدى الطويل مش فى ساعتها.

**WalidAdel** · 30-09-2008 06:09 PM

شوف ياباشا انا حقولك علي تجربتي و حضرتك تتحكم بلانوس و علي 120 و كنا 4 في العربيه
اصحابي قالولي ان العربيه لما اترزعت طلعت نار من تحت اكتشفت ان دا نتيجة ان بطن العربيه خبط في الارض و نتج عن اللخبطه دي حكه مع الاسفلت و طلعت شراره كده خفيفه و خلاص و بعد كده عملت شويه حاجات كده في العربيه للتاكد ان العربيه سليمه زي مثلا تمشي براحه و تجرب المناوره من غير فرامل علي اساس تعمل اختبار للعفشه و كده لو حاجه ناويه تحصل تسمع اي صوت غريب او جديد علي الاذن و تشوفوا جي من فين كده يعني و بعد كل دا لقيت الحمد لله العربيه سليمه
و ربنا يسترها معاك و معانا