معلش كنت عايز اعرف اخد مين معايا احسن ( عفشجي ولا ميكانيكي ولا سمكري ) و اخد مين تاني في ناس قالتلي خد محامي عشان تكتب عقود العربيه :؟؟؟
وهل اجيب من النت احسن ولا من سوق السيارات
عرض للطباعة
معلش كنت عايز اعرف اخد مين معايا احسن ( عفشجي ولا ميكانيكي ولا سمكري ) و اخد مين تاني في ناس قالتلي خد محامي عشان تكتب عقود العربيه :؟؟؟
وهل اجيب من النت احسن ولا من سوق السيارات
والله انا زيك النت كله مافور والسوق كله تجار فلو هتروح السوق يا اما تاخد سمكرى تكون واثق فيه عشان ميبيعكش يا تكشف ف مراكز صيانه محترمه وابعد عن الورش وبخصوص العقد متشتريش الا برخصه وتاكد من صاحبها وشاسيه وموتور واستعلام امنى بس بتدفع عربون بعد ماتكشف كويس وبتاخد عقد ابتدائى وركز ع اسم اللى بيمضى كمان مره متشتريش عربيه فيها توكيل وابعد عن التجار ولو نازل الجمعه الجايه ننزل سوا انا برده بدور
ابعد عن السوق وغنيله وريح نفسك من المشاكل شوف اصحابك
الافضل انت تشترى من حد معرفه او معرض يكون ليه اسم حتى لو اغلى شويه بس تريح دماغك
ونصيحه علشان حصلت مع واحد اعرفه اتاكد من رقم الموتور علشان بعد ما اشترى العربيه اكتشف انه مغير موتور ومش معاه الورق ورجع العربيه تانى وحصل حوار
انزل السوق و شوف العربيات لو حاجة عجبتك اتكل على اللة مع التاكد من رقم المتور و الشاسية و الف مبروك مقدما و متشغلش بالك بل كلام الكتيييير و لو ليك نصيب هتشيل عربية تمام
بلاش أحسن
السوق كله تجار و عربياتهم شمال
كل أصحاب العربيات بيبيعوا من على النت
السوق بقى كله تجار
دور على dubizle & contact
و خليك صبور و إن شاء الله هتلاقي حاجة مناسبة
نصايح عامة:
1- بلاش العربيات اللي فيها توكيل
2- إكشف فالتوكيل (200-300) حاجة بسيطة بالنسبة لتمن العربية إضافة لأنك مش ممكن هتاخد ميكانيكي و سمكري و عفشجي و كهربائي بالكتير أوي هيبقى معاك ميكانيكي و يبقى حالة العفشة و السمكرة و الضفيرة ربنا يستر فيهم
شوف الموضوعين دول
http://www.nilemotors.net/Nile/402847-a.html
http://www.nilemotors.net/Nile/390203-2.html
تحياتي
شكرا ليكم يا رجاله :)
طب معلش مش فاهم : يعني رقم الموتور و رقم الشاسيه المفروض يبقوا متطبقين مع ايه ؟؟؟
فعلا انا بدور بقالى كتير والسوق كتير حذرونى منه