تحذير من ميكانيكي نصاب في إسكندريه

**strongxx** · 28-02-2014 06:10 PM

الميكانيكي ده موجود في شارع صلاح الدين في منطقة الجمرك
بالظبط....حتدخل شارع صلاح الدين المتفرع من شارع فؤاد...أول تقاطع أشاره حتقابلك حتنزل علي رجلك عند الإشاره حتدخل يمين عكس أتجاه العربيات حتلاقي علي إيدك الشمال أول شارع شمال تقابله...حتدخله...حتلاقي علي ناصيته محل قطع غيار إستيراد....حتدخل الشارع ده حتلاقي في وشك مبني كبير كان زمان مصنع بوليفارد للغزل والنسيج...دلوقتي بقي إتقسم عنابر للمخازن والشركات الحرفيه والمطابع وخلافه
حتلاقي باب كبير للمبني ده حتدخله حتلاقي العنبر بتاع محل الميكانيكي في وشك علي اليمين.................................

الميكانيكي ده روحت له بعربيه هيونداي إكسيل 94
العربيه خليجي انا أول يد....كانت أوتوماتيك وعلشان مصاريفه كتير قلبتها مانيوال....والحاج صحته تعبت فقلنا نرجعها تاني اوتوماتيك.........
سألت في الشارع ده عن حد بيفهم في الأوتوماتيك ولاد "" الحلال "" دلوني عليه
روحت له....جاب لي مكنة اوتوماتيك وركبناها وإلي عرفته بعد كده إنها مكنة أوتوماتيك إكسيل 88.......وانا للأسف غشيم لأني مش ميكانيكي وماليش خبره....لاقيته بيتكلم في مصنعيات 900 جنيه و 1000 جنيه ده غير تمن المكنه نفسها

....إسبوعين...والمكنه مش مرتاحه مع الموتور وعملت مشاكل في الغيارات....روحت لهم تاني فكه تاني ومعرفش عمل ايه و ركب تاني وغير حاجه أسمها بلف وفلتر....وطبعا إيدك بقي علي المصنعيات بتاع 700 جنيه ده غير تمن الحاجه نفسها
وبعدها طرمبة الباور ضربت....غيرنا تلات طرمبات لأن طرمبة الإكسيل مش موجوده.....وإيدك علي مصنعيات 500 جنيه ........

وفجأه ألاقي الموتور نفسه بعدها بفتره بيطلع دخان أبيض....و هوب ده عايز عمره....لأ يبقي الأحسن يتغير بواحد تاني إستيراد.....وإيدك بقي علي تمن الموتور وتمن المصنعيه إلي كانت بتتكلم في 700 جنيه تقريبا والموتور بحوالي 3000 جنيه تقريبا
وسافرت انا والحج كمل معاها المشوار....
ومن يومين أسمع الحج بيقولي العربيه موتورها عايز عمره...وراح للميكانيكي الأساسي " هو ملهوش في الأوتوماتيك" لاقاه بيقوله الكربراتير مش شغال أصلا ده مش عارف خرطوم ايه متوصل دايركت علي الموتور والكربراتير ملغي وشغل آآآآخر عك في عك

وعلشان أكون حقاني والواحد يقول إلي له وإلي عليه
" مشكلة طرمبة الباور إتحلت بطريقه عجبتني.....شالوا القلب البايظ وجابوا قلب طرمبة فيرنا جديده وإتوفقت جوه شاسيه طرمبة الإكسيل وبقت زي الحلاوه في القشطه"

**mohamed salhin** · 28-02-2014 07:47 PM

حسبى الله ونعم الوكيل فى الجشع دا

**EngAhmedSayed** · 28-02-2014 07:53 PM

شكرا على التحذير
وربنا يعوض عليك

نستاذنك ابقى خد كوبى من الموضوع و ضيفه هنا

http://www.nilemotors.net/Nile/174445-a.html

ربك المستعان

**hossam_elwani** · 28-02-2014 10:28 PM

ربنا يكون فى عونك

**saddam** · 28-02-2014 11:27 PM

صديقي المواطن
بصراحة أعانك الله على ما أنت فيه
ولكن هناك حقيقة خافية عن معظم الشعب المصري لتحويل عربية مانوال إلى أوتوماتيك فدي شغلانة متخصص فتايس أوتوماتيك وليس شغل ميكانيكي ده قولا واحدا
وقد إستوقفني تعليقك عن إنكو غيرتوها من أوتوماتيك لمانوال عشان مصاريفها الكتير مش قادر أفهم يعني إيه مصاريف كتير الأوتوماتيك ملوش غير عيب واحد وهو إنه عايز بطارية صاحية على طول ﻷنها لو نامت العربية مش حتدور وطبعا برضو مش متخيل إنها لو نامت معاك وهي مانوال كل مرة حتشغلها زق من جماعة الخير فمشكلة البطارية حتحط كبل في شنطة العربية ولما تفضى تمد كبل ﻷي مواطن شريف غير كده الزيت بس هو اللي غالي قول حتغيره ب 300 جنيه مرة كل سنتين برضو بلاش غير كده فتيس أكسل مش حيزيد عن 1500 جنيه فمن اﻷول تغيير عربية أوتوماتيك إلى مانوال فدي جريمة بحد ذاتها
وأنا يا راجل يا طيب فيه ناس دلوأتي بيستلموا إمجراند 7 مانوال موديل السنة بيكلموني عشان أقلبهالهم أوتوماتيك قبل ميركبوها
ونسأل الله الثبات
وربنا يعوضك حضرتك برضو متستاهلش اللي جرالك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال