سوال مهم عن موتور البيتلز 1600 بيسحب بنزين ولا ال1300 احسن

**drjadoire** · 30-09-2008 06:36 AM

ازيكم يا شباب كل سنه وانتم طيبين
انا معروض عليا بيتلز 1600 موديل 81 موتورها حلو جدا
بس محتار عشان 1600 وخاتيف لتكون بتسحب بنزين وال1300 يكون احسن منها
يا ريت اللي عندهم البيتلز يفيدوني ويقولولي ال1600 ايه عيوبه ويا تري حيعمل كام في الصفيحه مني
وهل اصرف نظر ولا لا
علما بان الموتور حالته حلوه
بس مش عارف اعمل ايه وايه مميزات الموتور 1600
مستني ردكم

**Komostrano** · 02-10-2008 03:02 AM

سيدى الفاضل انت بتستفاد من الموتور ال1600 فى العربية اللى بيكون فيها تكييف علشان بيكون ماتور قوى و ما يسخنش مع تشغيل التكييف لكن بالنسبة لحالتك طبعا الافضل خليك فى ال1300 لانه هيوفر معاك بنزين بفرق كبير و العربية كده كده ما فيهاش تكييف و ارشحلك بقوة البيتلز ال1303 لانها على سوست كباية فى الامام و الخلف و ناعمة فى المطبات مش زى ال1300 الى على دنجل

**drjadoire** · 05-10-2008 10:24 PM

طيب دلوقتي الافضل ليا موديلات السبعينات ولا الثمانينات
وانا قدامي واحده موديل 69 يعني مقربه من السبعين
هي ولا البرازيلي ولا ايه ريكم يا جماعه يا ريت تفيدوني

**hotboja** · 05-10-2008 11:13 PM

انا معاية بيتلز 1302 وهى 1600 سى سى وفعلا حكاية انو سريع ايوة فعلا وبيسحب مع البى ام كمان فا لو كنت عايز تجرى او بتحب تشد مع اى حد فا 1600 احسن لو كنت عايز تركب تكيف فيما بعد مع العلم انك لزم تكون معاك 1500 او 1600 اقل من كدة مش هينفع

تانى حاجة سحب البنزين تقريبا عالى بس الصرحة مش عارف بظبط قد اية

فى حاجة تانية لو برزيلى السعر بتاعة اقل حوالى 5 الى 7 عن سعر الالمانى

لو فى حاجة مثلا ستينات ومعدلة سبعينات حلوة مثلا
وسعر التكيف بتاعة من اول 1500 الى 2500 جنية

وممكن لو عايز1303 فى اتوماتك بس السعر هيدا من اول 21 وانت طالع

وفى زاى بتاعتى 1302 برضو كويسة

وفى 1300 ودة الموديل اللى منتشر فى مصر

وبس وربنا يوافقك فى البيتلز اللى تدور علية

ايوة نسيت حاجة

فل 1300 فى حاجة اسمة الرقابة لزم تكشف علية(المكان اللى تحت الجنط الستبن) لو كنت فى برومة او مجبوطة اوعى تاخدة ولو ببلاش
فى ال1302 او 1303 مفيهاش الرقابة دى على شان الجنط بيكون نايم مش واقف

بس خلاص
سلام

**أحمد سالم** · 08-10-2008 11:45 AM

السلام عليكم
انصحك عن تجربة مع البيتلز التى احتفظ بيها حتى الان
الموتور 1600 افضل بكتير ومافيش فرق فى موضوعالبنزين خالص
انا ركبت 1600
وركبت 1300
فى البنزين زى بعض لان العربيه اصلا موفره جدا فى البنزين عن اى عربيه تانيه
هى بس المشكله فى ضريبة الترخيص
اما الموتور 1600 انا رحت بالعربيه للاسكندريه من القاهرة طبعا ورجعت
ب فل تانك بنزين 80 كان تقريبا بحاجة وثلاثين جنيه قب لما انقل على بنزين 90
وكمان قعدت الف وادور هناك يوم بالعربيه
طبعا بالنبة للعربيات 1303 هى افضلهم بس مصاريفها كتير وعفشتها غاليه لانها عفشة مرسيدس
لو عايز عربيه عمية ومناسبه للطريق المصرى ومطباطه وحفره وكل مشاكله نصيحه من مجرب
خليك فى 1300 ولو ماتورها 1600 هتبقى زيها زى 1303 بالظبط
والله على مااقول شهيد

**drjadoire** · 10-10-2008 03:29 PM

ايوةا يا جحماعه بس ال1600 موديل 69 يعني قديمه بس حلوه شكلا
اما ال1300 برازيلي موديل 97 اعمل ايه انا محتار جدا

**أحمد سالم** · 10-10-2008 05:17 PM

النصيحه خليك فى الحديثه
اولا امن من ناحية الترخيص
وثانيا مهما يكون ماتور 1600 قوى
لاكنه قديم
اما ماتور 1300 بتاع الموديل الحديث اكيد اقل فى معدل الاستهلاك
طبعا انا اقصد استهلاك عمر الماتور
مش استهلاك البنزين

**drjadoire** · 10-10-2008 09:24 PM

كلامك صح يا باشا وانا جبت ميكانيكي وفعلا اتتفقت علي البرازيلي لان طلعت عربيه فابريقه وموتورها فيه زيت بسيط كنت خايف منه بس قالي ده بخار الزيت عشان فيه بوجيه كان قاطع مش اكتر
يا تري البرازيي ليه عيوب وايه اهم حاجه اخد بالي منها
وهل حيسحب معايا ويشد ولا بطيءه البيتلز ال78 1300 سيسي؟؟؟ظ

**أحمد سالم** · 17-11-2008 09:10 AM

اتوكل على الله
مافيش فرق كبير بين البرازيلى والالمانى ده عن تجربه والله
اصلا اغلب العربيات الالمانى اللى موجوده هتلاقى معظم قطع الغيار اللى فيها برازيلى
فسيبك من موضوع المانى وبرازيلى ده
المهم انها بيتلز
والله اسمع كلامى انا بتكلم ع تجربه