| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

  1. #1

    الصورة الرمزية eltanamly

    رقم العضوية : 126382

    تاريخ التسجيل : 21Jun2012

    المشاركات : 93

    النوع : ذكر

    الاقامة : Al Maadi

    السيارة: Kia Rio 2015

    السيارة[2]: MB W 204 C180 2013

    دراجة بخارية: Honda VTX 1800

    الحالة : eltanamly غير متواجد حالياً

    Lightbulb لما بنيجي نستلم العربية - Facebook Twitter whatsapp انشر الموضوع فى :

    hasad">

    السادة الافاضل:
    الموضوع دا كان موجود على PAGE بيقولك BY2OLLAK على ال-FACEBOOK

    ف قلت ممكن يكون مفيد ل حضراتكم

    عن خطوات إستلام عربية جديدة إن شاء الله



    شير عشان غيرك يستفيد

    لما بنيجي نستلم العربية طبعا الواحد بيبقي ساعات مش عارف يعمل ايه نظرا لأنه معندوش خبرة .. في السطور الجاية دي هنشرح إيه الخطوات اللي هتعملها لما تروح تستلم عربيتك الجديدة.

    في البداية، وقت الاستلام دايما حاول على قد ما تقدر تستلم العربية بالنهار وخاصة والشمس عمودية يعني من الضهر للعصر عشان اي حاجة تشوفها كويس، وبعدين نعمل الخطوات الجاية دي.


    من برة العربية:
    - تاخد لفة حوالين العربية وتبص اذا كان فيها اي خبطة او خدوش او مرشوشة او فروق، ولو الاستيكر الابيض ده موجود شيله في ساعتها عشان لو فيه حاجة مستخبية كده ولا كده.
    - تبص تحت العربية وتشوف فيه حاجة ملحومة في العربية من تحت او صدأ.
    - تفتح وتقفل الابواب وتشوف لما بتتقفل مظبوطة ولا فيه فرق.
    - تشوف وقفة العربية بشكل عام من بعيد مظبوطة تمام ولا معووجة.


    من جوة العربية:
    - تبص ع الفرش او الفيبر يعني متقفل مش مكسور ولا مشروخ و لا حتة مفكوكة.
    - تشوف الازاز سليم وبيطلع وبينزل بدون مشاكل ولا بتسمع صوت تزييق والاكرة شغالة كويس او لو الازاز كهربا الزراير شغالة كويس بدون ما تعلق طالع نازل اكتر من مرة ورا بعض.
    - المسوجر بيقفل ويفتح بدون مشاكل، الاكرة برة و جوة تمام والسنترلوك ان وجد.
    - الكاوتش اللي حوالين القايم و الباب تمام مش مقطوع ولا فيه اي مشاكل.
    - تقعد على الكرسي وتشوف بيطلع لقدام ولورا، والضهر بيرجع لورا وقدام والفرش والكرسي تمام مفيهوش اي قطع.
    - تشوف الكنبة سلمية مش ملخلخة ولا فيها اي قطع، ولو الكنبة من اللي ضهرها بيتقفل ويتفتح تشوفها بتتقفل وتتفتح تمام بدون مشاكل.
    - تشوف احزمة الامان كلها لما تشدها بترجع تاني ولا بتعلق والمكان اللي بيدخل فيه الحزام سليم ولا بيعلق.
    - الكاسيت او السي دي تجرب كل زرايره و فتحاته والسماعات والصوت، وتشوف الراديو والاريال ميكنش مكسور ومحطوط منظر والصوت تمام.
    - شوف الولاعة شغالة ولا لأ، والطفاية موجودة ولا لأ.
    - تشوف درج التابلوه بيفتح كويس ومش مشروخ ولا فيه مشكلة، والشماسات بتفتح وتقفل ولا لأ.
    - المرايات بتفتح وتقفل بدون مشاكل.
    - راجع على كل الفيبر بتاع العربية من اول التابلوه مرورا بعتب الباب لحد الشنطة، واتأكد ان كله متركب تمام و مش ملخلخ و لا فيه كلبسات مكسورة.

    بعدين نبص على الشنطة:
    - تشوف الشنطة بتتفح وتقفل تمام ولا فيه مشاكل والمفتاح شغال ولا بيعصلج.
    - تبص في الشنطة وتشيل الفرش اللي موجود وتبص مفيش صدأ والاستبن موجود والكوريك او المثلث وشنطة الاسعافات لو بتنزل مع العربية موجودين ولا لأ.
    - الرف اللي بيتحط عليه السماعات سليم ولا مكسور.


    بعد كده نطلع الحوض او يعني المكان اللي فيه الموتور:
    - تفتح من جوة وتشوف الكبوت بيفتح ويتقفل كويس ولا فيه مشكلة.
    - تبص ع الحوض وتتأكد ان ميكونش فيه صدأ.
    - مفيش اي حاجة مفكوكة و كله سليم و كله لسه جديد.
    - تراجع السوائل بقي كلها زي زيت الموتور تكشف عليه و زيت الفرامل و مية المساحات و الريدياتير.


    أخر مرحلة وهي تجربة العربية:
    - ندور العربية ونسخن العربية ونسمع صوت الموتور كويس وهادي ولا فيه مشكلة، وهل فيه اي صوت زي دوشة او رجرجة ولا لأ.
    - تلف الدريكسيون يمين وشمال، وهل فيه مشاكل او صوت تزييق.
    - تجرب الدواسات تدوس دبرياج وتجيب الأول والتاني والتالت والرابع والخامس لو موجود، ومارشدير وفرامل اليد بتطلع وتنزل بدون مشاكل.

    إنتهت النصايح ومبروك العربية الجديدة

    Sherif Eltanamly.


  2. #2

    الصورة الرمزية محمد بلال

    رقم العضوية : 60717

    تاريخ التسجيل : 02Feb2010

    المشاركات : 1,187

    النوع : ذكر

    الاقامة : اتشرف بأن تكون مصر

    السيارة: ....

    السيارة[2]: اكسنت 1500 مو 99

    دراجة بخارية: no

    الحالة : محمد بلال غير متواجد حالياً

    افتراضي -

    مبروك

    رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا


  3. #3

    الصورة الرمزية abohend

    رقم العضوية : 150948

    تاريخ التسجيل : 01Nov2013

    المشاركات : 1,317

    النوع : ذكر

    الاقامة : الأسكندرية

    السيارة: بيجو 301 MT

    السيارة[2]: بيجو 206

    الحالة : abohend غير متواجد حالياً

    افتراضي موجود -

    الموضوع ده فالمنتدى من 2011
    http://www.nilemotors.net/Nile/244408-a.html

    مش عارف مين ناقل من مين
    و يمكن يكون نفس الشخص


  4. #4

    الصورة الرمزية kokowasfy

    رقم العضوية : 132066

    تاريخ التسجيل : 08Dec2012

    المشاركات : 2,022

    النوع : ذكر

    الاقامة : الجيزة

    السيارة: لانسر بومة 2008

    السيارة[2]: مرسيدس

    الحالة : kokowasfy غير متواجد حالياً

    افتراضي -

    hasad">

    شفت الكلام دا قبل كدا بس شكرا على النصيحة



 

المواضيع المتشابهه

  1. مشاركات: 183
    آخر مشاركة: 11-04-2017, 11:06 PM
  2. أخيييراً حجزت ..... يا رب نستلم أول ١٠
    بواسطة mark_milad_95 في المنتدى بــروتـــون
    مشاركات: 14
    آخر مشاركة: 25-08-2009, 12:05 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2