المشاركة الأصلية كتبت بواسطة rotanamasoud
شوف يا باشا انا شارى واحد وكنت ناوى اعمله تقرير ومجهز معظم الصور
مبدئيا المولد قدرته لها شقين ملفات تقويم وملفات تحميل
يعنى ايه ملفات التقويم هى قدره البدء والتحميل هى قدره التشغيل
مثال يقولك مولد 5 كيلو بس بيطلع 2.5
معناها ان المولد يستطيع تشغيل حمل متواصل 2.5 وحمل بدء تشغيل 5 ك
عشان تفهمها اكتر (خاصه المواتير بتحتاج حمل يصل ل50%زياده تقويم زى المراوح)مروحه 200 واط عند بدء تشغيلها تستهلك حمل يصل ل300 واط احيانا وعند الوصول لسرعتها تستقر على 200
كده خلصنا الاحمال
الملفات
ملفات الومنيوم وملفات نحاس الالومنيوم اقل قدره واقل ثبات كهربى والعكس يعنى النحاس الافضل
تتعرف ازاى لانهم بيطلو الالومنيوم اصفر شبه النحاس ملهاش حل غير انك تخربش جزء من السلك بيبان فى الدينمو من تحت
التليين
كل الناس بتدور وتشغل انت تعتبره زى العربيه انا لينته 10 سعات بدون احمال وساعه نصف حمل وساعه حمل كامل
التطبيقات
تحاول تلغى اى لمبه فتيل وتخلى شغلك موفر 25 واط ولو استاذ تخلى شغلك ليدات 7 واط ونفس الاضائه
طبعا لو هو فعلا 2.5 كيلو لو شغلته تشغل 2 كيلو عشان يعيش ويتحمل تشغيل سعات كتير ومتنساش تعمل احتياطى بنزين له
الاجهزه الحساسه
شاشات رسيفر الكترونيات عموما متتوصلش دايركت تجيب استبلايزر للاجهزه الحساسه
انتظر التقرير الشامل لانى عامله اوتوماتك يحول بدون تدخل ويطفى الدينمو يعنى بعد النور ما ييجى كل اللى حتحس بيه ان الدينمو اطفى فتعرف ان النور جه