مساعدة بخصوص الاكسنت rb

**SHEVA11111** · 01-03-2014 09:45 AM

محتار بقالى شهرين بينها وبين اللانسر البومة 2014 .. بس للاسف اللانسر شكلها بقى قديم بالاضافة ان اللانسر الجديدة مفيهاش abs ومش لاقى لانسر 2013 كاملة حتى .. وبعدين استقريت على الاكسنت .. فياريت حد يقولى مميزاتها وعيوبها .. وتنصحونى اشتريها ولا اشوف حاجة تانية ؟

وخصوصا انها هتبقى اول عربية ليا ومش عاوز حاجة تتعبنى .. وهى هتبقى عربية لاربع افراد .. والاوزان بتاعتهم مش كبيرة ..

**SHEVA11111** · 01-03-2014 09:52 AM

وياريت برده حد يقولى على استهلاكها للبنزين .. وهل مشكلة المساعدين موجودين برده فى ال 2014 ولا لا .. وع السرعات العالية خفيفة فعلا ؟ .. وحد يقولى على الصاج برده نظامه ايه

**profimh** · 01-03-2014 10:48 AM

صباح الخير و ربنا يهديك للصالح
شوف يا استاذى العربية كويسة و شكلها شيك و من مميزاتها اقتصاديات التشغيل من توافر قطع الغيار اصلى و غيره و كمان استيراد
و كمان استهلاك البنزين فيها كويس طبعا حسب ماشى فين و على سرعة كام الموضوع يترواح ما بين 9 - 14 كيلومتر فى اللتر
الصاج كحال معظم العربيات خفبف جدا
مشكلة المساعدين قتلت بحثا هناك بعض الزملاء قالوا اتحلت بعد التغير و هناك اللى قال الموضوع لسه زى ما هو حتى بعد التغيير و هى مازالت بتنزل بنفس المساعدين اللى بتطلب تغيرهم بعد كده لو اشتكيت
بالنسبة للمشى و الجرى اه هى خفيفة جدا جدا
اما راى بما انك بتكلم على حاجة فيها abs يبقى احنا دخلنا على سعر يجيب لنا عربية افضل زى البيجو 301 و سى اليزيه و الاتنين واحد الفرق التوكيل
معلش طولت عليك

**SHEVA11111** · 01-03-2014 11:22 AM

بس البيجو ال 301 والسى اليزيه مشكلتهم ان انا من المنصورة وعلى مااظن مفيش ليهم وكلاء هنا !!

**elmo7amed** · 01-03-2014 11:30 AM

الاكسنت عربيه جميله جدا ومحترمه لكن للاسف لا تصلح لاغلب الطرق المصريه الجميله
هيه عربيه معايا وانا بعتبرها مظلومه هنا

http://www.nilemotors.net/Nile/31431...post3874585710

كمان عربيه مشفتش منها اى شئ مزعج غير انها بعد حل مشكله المساعد والتنطيط واطيه برده على الطريق
صدقنى هيه صفقه جميله بس
لو عايز النصيحه اللى انا اتمنى انى اعملها بس المشكله انى مجربتش بيجو 301 او اللانسر بومه بس انا شايف انهم اعلى ارتفاع عن الاكسنت وعربيه صناعه برده محترمه يعنى اللانسر يبانى واعتقد اعتماديتها ونجاحها فى مصر
بس انا لو مكانك البيجو 301 جميله وسعر اجمل

بالنسبه ان ملهاش توكيل عندك فى المنصوره
فحضرتك مش حتبقه كل يوم فى التوكيل يعنى لما يبقه مشوار كل شهرين مش حتزعلك واعتبرها فسحه :)

**amagroup** · 01-03-2014 10:35 PM

الاكسنت عربيه شبابيه انما لو لعيله منصحش بيها عشان بتوطي لما تركب فيها فردين متوسطين الحجم

انما الثبات ....فوق الممتازه وعن تجربه

انا عن نفسي بدور ازاي اخليها متوطاش قوي مع الحموله من غير ما اضيع الثبات

العيب في السوست انها طريه وكمان المساعد طري صحيح ان بعد تغيير المساعدين لزيت اصبحت مختلفه تماما واحسن بمراحل بس بتوطي برضه بس مش زي الاول

ربنا يوفقك في اختيارك

بس مفكرتش في كارينز...عربيه عاليه وجميلة انا بتكلم علي الشكل القديم

**ahm.mngm** · 01-03-2014 11:39 PM

المشاركة الأصلية كتبت بواسطة elmo7amed

كمان عربيه مشفتش منها اى شئ مزعج غير انها بعد حل مشكله المساعد والتنطيط واطيه برده على الطريق

هوا حل مشكلة المساعد دى ايه ؟؟؟؟

**elmo7amed** · 02-03-2014 02:17 AM

المشاركة الأصلية كتبت بواسطة ahm.mngm

هوا حل مشكلة المساعد دى ايه ؟؟؟؟

ان حضرتك ترروح التوكيل وتقولهم ان المساعد بيزيق وانا ماشي بالعربيه وبيتنطط بالعربيه وانا ماشي وضعيف قوى ...بس طبعا حضرتك تكون فى الضمان وبتعمل صيانتك بس وهما حيغيروهولك فى الضمان من غير حاجه

الموضوع دا ممكن ياخد اسبوع او اتنين معاك ان شاء الله لاما يطلبلك المساعد وبالتوفيق يا جميل

**drcobra** · 02-03-2014 11:32 AM

المشاركة الأصلية كتبت بواسطة profimh

صباح الخير و ربنا يهديك للصالح
شوف يا استاذى العربية كويسة و شكلها شيك و من مميزاتها اقتصاديات التشغيل من توافر قطع الغيار اصلى و غيره و كمان استيراد
و كمان استهلاك البنزين فيها كويس طبعا حسب ماشى فين و على سرعة كام الموضوع يترواح ما بين 9 - 14 كيلومتر فى اللتر
الصاج كحال معظم العربيات خفبف جدا
مشكلة المساعدين قتلت بحثا هناك بعض الزملاء قالوا اتحلت بعد التغير و هناك اللى قال الموضوع لسه زى ما هو حتى بعد التغيير و هى مازالت بتنزل بنفس المساعدين اللى بتطلب تغيرهم بعد كده لو اشتكيت
بالنسبة للمشى و الجرى اه هى خفيفة جدا جدا
اما راى بما انك بتكلم على حاجة فيها abs يبقى احنا دخلنا على سعر يجيب لنا عربية افضل زى البيجو 301 و سى اليزيه و الاتنين واحد الفرق التوكيل
معلش طولت عليك

انا متفق مع رأى حضرتك فى اغلبة لكن الاكسنت ركوبة للمدينة عائلة صغيرة تحميل خفيف قلة اعطال استهلاك بنزين افضل منظر شيك
اما 301 عائلية للسفر اكتر تحميل

**amagroup** · 02-03-2014 02:13 PM

طبعا العليات دي غير الصدادات ..اصل واحد نصحني اني اركب صدادات وخصوصا اني مش عاوز اعلي العربيه...انا عاوزها متوطاش في الحموله انما تكون عاديه في غير كده