عاوز اجيب عربية معايا وانا راجع من السعودية..أيه أخبار الجمارك

**jackson_75** · 01-03-2014 01:39 PM

أنا عاوز اجيب عربية رينو داستر أتوماتيك 2000 سى سى وعاوز اعرف حاجتين
لو أنا هبعتها من ميناء جدة ، هل ممكن أستلمها فى ميناء نويبع بجنوب سيناء ولاه لازم ميناء السويس وياترى بيتكلف كام نقل السيارة بالمركب وشحنها ؟
ثانياً عاوز أعرف التكايف هتبقى كام ؟ يعنى هدفع كام جمارك عليها ، هى سعرها بالمملكة السعودية 55 ألف ريال يعنى حوالى 102 ألف جندى مصرى
وايه الاوراق المطلوبة عشان محدش يشتغلنى فى الجمرك ويخلينى اكره نفسى وأرجع العربية عشان ورقة ناقصة ولا ختم مش واضح والكلام اللى أنتوا عارفينه ده ؟

على فكرة انا معايا تاشيرة معتمر .
أسف على الاطالة وجزاكم الله خيراً

**ahmedalaahosny** · 01-03-2014 02:08 PM

الداستر اللي عندنا 1600 سي سي وبالتالي هتبقي مشكلتك ف الصيانة وقطع الغيار

**jackson_75** · 01-03-2014 02:15 PM

شاكر ياباشا على الرد ، طب لو انا هركز وأجيب عربية أى نوع وتكون 1600 سى سى يبقى أيه اخبار الجمارك بردوا
وبالنسبة لقطع الغيار لل 2000 سى سى فمش مشكلة لان اخويا وأختى عايشين هناك فممكن يساعدونى فى شرائها ويرسلوها على مصر

**ahmedalaahosny** · 02-03-2014 12:31 PM

بص ياباشا من وجهة نظرى حضرتك عقبال ما هتخلص العربية وجماركها هيبقى تمنها وصل لنفس تمن العربيات ف مصر ف من رايي جهز القرشيين ولما ترجع مصر بالسلامة اشترى من عندنا لسبب ان العربيات الخليجى مواصفاتها احيانا من مكنة وفتيس وكماليات وخلافة بتختلف عن مصر