عرض للطباعة
يا جماعة انا عايز اجيب السيينا موديل 2008 شكلها عجبنى جدا جدا
ومن جوة جميلة جدا وماتورها ايطالى والعفشة ايطالى ولكن التقفيل يتم فى الصين
العربية دى مشفتهاش مع حد كتير ودة اللى مدايقنى جدا وخاي من التوكيل اللى سمعتو زى الزفتتتت
ياريت حد يدلنى ويساعدنى وياريت ملامح عن اداء العربية دى هى 1500 سى سى
خايف لية يا استاذ احمد شركة فيات شركة عظيمة وجمدة جدااقتباس:
المشاركة الأصلية كتبت بواسطة Ahmedn76
وفيات سيينا نجحت جامد فى مصر على فكرة انا هجيب العربية دى ان شاء الرحمن
بعد العيد وسوف اوافيكم بالتقييم ان شاء المولى
اذا كنت عايز تريط عفشه مع كل غيار زيت ( كل 3000 كم )
اذا كنت عايز تصاحب ميكانيكى وتقعد عنده على المدى الطويل ( بعد 2-3 سنين من الزيرو)
اذا كنت عليز تعمل عمره على 100 الف وتغيير عفشه عن 70 الف
اذا كنت مش عايز تكييف عدل ولا كماليات متطوره
يبقى فكر فى السيينا
كريم كريبتون هو اللي ممكن يفيد حضرتك في القصة دي
انت منين جبت الكلام ده!!!اقتباس:
المشاركة الأصلية كتبت بواسطة noon_eg
السيينا عربية سمعتها كويسة جدا, و بقالها كتير فى مصر و عمرنا ما شفنا سيينا ماشية بتدخن و الحاجات الغريبة دى, عكس الهيونداى مثلا اللى اصبح من المعتاد نشوف اكسنت و لا اكسل بتدخن و ساعات فيرنا كمان!
و كل اللى معاهم سيينا بيشكروا فيها, و عمرى ما شفت حد بيشتكى منها أبدا, و كل ده رغم انها سيارة مخصصة أصلا للبلاد النامية,
فيات أثبتت من خلال هذه السيارة أنها لا تعامل سائقى العالم الثالث كسائقين من الدرجة الثالثة, و نجحت من خلال السيينا فى تقديم سيارة اعتمادية و قوية و ممتعة فى القيادة و لا تقل كثيرا(بل لا تقل فى اى شىء) عن السيارات الأخرى الأعلى ثمنا, و هو ما فشلت فيه رينو التى حاولت تكرار التجربة مع اللوغان لكن مستوى السيارة لم يكن بحجم الأمال المعقودة.
انا مش باحبها شكلا
بس هي عربيه محترمه
وموترها قوي جدا
وعفشتها محترمه
واثبتت كفاءه
السيينا عربية محترمة بدون كلام زيادة عن تجربة لا هيونداى بعد اليوم
بص انا معايا سيينا 2003 عربية رهيبة بمعنى الكلمة .. عربية ناعمة جدا جدا وصوتها مفيش وعفشتها قوية جدا واقتصادية في النزين وعضمها ناشف خالص واهم حاجتين فيها تكيفها تلاجة ثلاجة وثابتة على الارض جدا جدا احسن من عربيات كتير مع السرعات العالية حتى 160 ومفيش الكلام اللي بيقولواالاستاذ فادي خالص بس الموديلات القديمة فيها نسبة السخونة شوية وقريت انهم عالجو ده في الموديلات الجديدة وانا شفتها في تاكسات وده يدل على انها عربية حلوة انت عارف التاكسات استهلاكم في العربيات جامد قد ايه وعلى فكرة انا عاجبني خالص شكل 2008 وكنت بفكر ابيع اللي عندي واجيب 2008 . بس ليه مقررتش بس في رائي اتكل على الله وهاتها وربنا يوفقك وقولنا ايه رايك ..