معروض عليا عربيه للبيع ... المشكله ان العربيه ورقها اتحرق في المرور ..
و الرخصه ضيعه ... و صاحبها مكنش عامل محضر
بس اللوح موجوده
و ورق الجمرك موجود ...
هي ده ممكن تترخص ؟؟؟
المشكله ان العربيه مترخصتش من 6 سنين ....
هو ممكن تترخص تاني و تبئا عادي ؟
عرض للطباعة
معروض عليا عربيه للبيع ... المشكله ان العربيه ورقها اتحرق في المرور ..
و الرخصه ضيعه ... و صاحبها مكنش عامل محضر
بس اللوح موجوده
و ورق الجمرك موجود ...
هي ده ممكن تترخص ؟؟؟
المشكله ان العربيه مترخصتش من 6 سنين ....
هو ممكن تترخص تاني و تبئا عادي ؟
الافراج الجمركى باسم المالك و لا باسم شخص تانى او باسم شركة ؟
صديقي المواطن
نعم ممكن تترخص وحصلت معايه نفس القصة في عربيتي رقم 4 حيث مرورها إتحرق ومفيش رخصة والبائع كان مدير عام في مجلس الوزراء لكني مكنتش مرتاح لشوية حاجات
والرخصة مش مهمة تروح تعمل مذكرة فقد رخصة في أي وقت ومش.محتاج إفراج جمركي ما دامت العربية عليها نمر ومتقلقش كل المعلومات موجودة على الكمبيوتر الرئيسي كل اللي حيحصل مش حتعرف تطلع رخصة ولا حتى شهادة بيانات من غير مجيء العربية للفحص ويتفتحلها ملف جديد وشكرا ونظرا ﻷن صاحب العربية إنت مش مرتاحلو أطلب منه يحضر معاك خطوات فتح الملف وفحص العربية ليطلع مشكلة في رقم الشاسيه أو المكنة ومن هنا تبدأ المشاكل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
خصوصا ان العربيه عليها اللوحات القديمه و مترخصتش من 6 سنين تقريبا
صديقي المواطن
يعني إيه تبدأ منين مهو حضرتك مش مدينا معلومات كافية ووافية
يعني حضرتك إشتريت العربية ولا لسه وهل البائع متعاون ولا سايبها عليك وهل عندك علاقات ولا عايزها رسمي
المفروض للسهولة صاحب العربية يلف معاك
يعني مذكرة فقد رخصة في قسم الشرطة مش محتاجة صاحب العربية تقدر حضرتك تروح تعملها في ربع ساعة
ثم تطلع على المرور بتاع العربية لو قال لك ملفها محروق ومرضاش يدفعك الضرايب القديمة حيطلب منك تجيب ملف فحص جديد وتدفع تأمين سنة وتروح تجيب العربية تفحصها لمطابقة رقم الشاسيه والمحرك مع الكمبيوتر العمومي وهنا عند الفحص تشتغل الكوسة واﻷفلام والرشاوي والوسايط ﻷنه الصح والقانون إن العربية تيجي حتى لو مش دايرة حتى لو تيجي على ونش يطلع بس يرفع بصمة شاسيه ومكنه ولكن موظفي الفحص الفشلة بتشديد الشين واللام حيقللك إزاي ومينفعش لازم تيجي العربية دايرة وعلى سنجة عشرة ومفيهاش غلطة عشان نفحصها فطبعا لو مش حتدفع حتظطر تروح تشد العربية بمبالغ خيالية عشان تفحص وهنا الحيرة حتكون إزاي أشد في عربية وهي لسه مبقتش بتاعتي فعشان كده بقول ليك خلي المالك يلف معاك وأنا بالنسبة لي والله دخلت العربية الفحص من عير ولا لوح زجاج واحد في كل العربية ولا فيها شكمان ولا فيها فوانيس ولا فيها إكصدامات ولا فيها شبكة والكبوت مخبوط والبوهية نصها واقعة ومفيش شلته والراجل بتاع الفحص قال لي شكلك جاي تهزر معانه وفحصتها ورخصت وفتحتلها ملف جديد والسلام
وفي حال صاحب العربية قال لك مليش دعوة مش فاضي ألف معاك فحتروح معاه للشهر العقاري يعمل ليك توكيل إدارة ثم توكيل عام سيارات مثلا في كل السيارات لنفترض من ماركة هوندا عشان تعرف تخش المرور ورغم كده أحب أحبطك لو حتمشي رافع مثاليات وشعارات مش حترخص لازم الكفته للأسف الموظف حيقعد يقوللك أصل شاكك في التوكيل ويطلعلك أي سبب عشان تدفعله
وأنا من كثرة سياراتي توصلت للعلاج الناجح في مصر وهو هين قرشك ولا تهين نفسك ودورت على مواطن شريف مكافح خبير تسليك بقيت أروح معاه باب المرور أي مرور يخش يرخص ويتخانق ويتوسط ويعمل اللي هو شايفه صح مليش أنا دعوة ويطلع آخر اليوم مرخص وبديله صافي ليه 400 أو 600 جنيه حسب العربية ونواقصها
فدورلك على واحد أو توكل على الله رسمي جايز تعرف ترخصها في يومين أو ثلاثة
وندعوا لك بالتيسير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
تمام شكرا جدا لحضرتك و فعلا افادتني :]
هوضح لحضرتك المعلومات
انا لسا مشترتش العربيه ... انا لقيتها واقفه سئلت الجراج قالي صاحبها عايز يبيعها عشان مش عارف يرخصها بسبب ان الرخصه ضاعت من 6 سنين و هو كان مسافر و لما رجع لقا ورقها اتحرق
فا هو مش عارف يبيعها عشان مش معاه ورق و قالي مش معاها غير ورق الجمرك و اللوح
فا انا مش عارف و بس غالبا مش هيكون متعاون
و العربيه حالتها مش هتنفع فحص (مرفوعه 6 سنين ف الشارع)
السؤال هنا انا اتئكد منين ان الشخص ده هو صاحب العربيه و اني مش بتعامل مع نصاب ؟
خصوصا اني لما دخلت علي النت و اعرف المخالفات معرفتش اجيب اسم الشخص اللي العربيه ب اسمه
انا اتئكد ازي
و اسف علي تعبك معايا بس ربنا يجازيك خير ان شاء الله انك بتساعد شخص جاهل بهذا المجل
صديقي المواطن
أنا في خدمتك دوما حتى تنهي ترخيص هذه السيارة فأنا خلاص بقيت خبرة وطنيه في مشاكل الترخيص ومش حنقصر معاك
بص يا مواطن
كلم الراجل وتطلب منه يديك إسم صاحب العربية اللي موجود في الرخصة وحتعمل مذكرة فقد رخصة في قسم الشرطة ثم عايزك تسأله هل يقصد بحرق الورق أن الورق إحترق في بيته ولا في المرور زي اللي حصل في بعض وحدات الترخيص بعد الثورة فلكل حادث حديث وصاحبك ده أنا مش مرتاحله عامة تعمل اللي عليك بس اﻷول هي معروضة عليك أقل من سعر السوق بسعر يستاهل ولا حاجات بسيطة متستاهلش تعبنا وأهم من كل ده ممكن تكلمني عالخاص أو عالموبايل عشان أفهم الملابسات بالكامل وأنصحك تخش عليها ولا ﻷ
وعامة نرجع لكلامنا
لو حضرتك رجل كبير في السن أو وقور ممكن تطلع على الظابط مدير الوحدة وتخش عليه وتطلب منه بشكل ودي يطلعلك معلومات العربية دي عن طريق رقم اللوحات وهي بإسم مين ويديك رقم الشاسيه والمكنة وفهمه إنك خايف على فلوسك تضيع
أما لو كنت شاب فإنسى الموضوع مش حيحترمك أساسا فحتظطر تكلم الموظف وتديه 100 جنيه وتعيطله شوية وحيجيبلك قرارها ولو معرفتش حتلاقي المعقبين في باب المرور قول له هاتلي قرار العربية دي وبرضو حياخد 100 جنيه ويطلع معلوماتها من الكمبيوتر والموظفة تكتبهالك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال