الحمدلله رخصت النهاردة العربية انا مستلمها بالورق يوم الثلاثاء الماضى وحبيت انقل ليكم التجربة علشان اللى حابب يروح يرخص يبقى عامل حسابة
اول حاجة انا تبع مرور مدينة نصر
اول لما دخلت بالعربية حوالى الساعة 8 صباحآ فحصت واخد البصمة الحمدلله حافظين العربية هناك المهندس قالى اركن العربية برة واختم الأفراج وتعالى ودخلت على موظفة الأفراج الجمركى علشان تراجع الأفراج وختمتة ورجعت للمهندس مضى على ورق الفحص وقالى تمام اشتريت الطفاية و حطيت الورق فى الدوسية الأبيض + صورة البطاقة ورحت على موظف الشباك بتاع الترخيص الجديد فحص الورق وكله تمام وكتب على الدوسية حروف وارقام اللوحات وبعد كدة لقيتة بيقولى ازاى 2015 المهم بدون جدال رئيس الوحدة كان معدى قالة اكتب اللى موجود قدامك ومفيش اكتر من كدة وقدر الضريبة دفعتها وخد الأيصال واستلمت الرخصة ورحت استلمت بيها اللوحات والحمدلله مشيت من المرور الساعة 9 الا خمس دقائق
الترتيب بالمصاريف
1 - اشتريت نموذج ترخيص وفحص 3 سنوات 45 جنية
2- أمنت اجبارى 320 جنية 3 سنوات
3- دوسية ابيض 1,50
4- طفاية حريق 139 جنية
5- ضريبة 3 سنوات 851 جنية
6- اكراميات انتوا عارفينها وكل واحد وشطارتة هههههههههه