السلام عليكم ورحمة الله وبركاته
رجعت ليكم بالتقرير بعد زوال الغمة والتعافى من الحمى
الراجل الميكانيكى المحترم اللى بتعامل معاه وهو على فكرة عارف اننى بفك وبعمل حجات بنفسى وقلت ليه قال عادى مادمت عاوز تعمل حاجتك بنفك اعمل ولو احتجتنى انا تحت امرك نادر منلاقى صنايعى كدا ولا يمكن علشان انا شغال فى الضرائب؟؟؟؟ الله اعلى واعلم**
طبعا بعد ما سلكنا فتحة الخرطوم الرفيع اللى فى القربة وروحتالشغل اليوم بسم الله مشاء الله المؤشر على النصف ولو على تشتغل المروحة تنزل المرادى هههههههه وتنزل الحرارة حتى انى لما وصلت الشغل بعد المشوار قلت افك غطاء القربة اشوف فيها هواء ولا لاء لقيت حاجة بسيطة**
وعلى فكرة الهواء اللى فى القربة دا ليه فوائد كثيرة وهو الضغط على المياه للوصول الى الطلومبة التى بدورها تقوم برفع المياه داخل البلوكة وعلشان كدا غطاء القربة مهم جدا فيه سيكس بلف بيفرغ الزائد من ضغط الهواء حتى انك لو ضغط على غطاء القربة تلاقيه بينفس اكتر حاول تجربها وتتاكد من ان غطاء القربة يعمل بحالة جيدة **
يبقى احنا لازم نتفق ان لابد من وجود نسبة هواء فى دورة التبريد وبيكون مكانها فى الجزء الخالى من القربة علشان كدا القربة ليه مينى مم وميكسمم ولو زادت المية فى القربة الدور بتتخنق والعربية بتسخن**
وطبعا انا الصبح جبت خرطومين واحد ركبته فى حنفية المية (مهو مينفعش الزير ياعم وليد) والخرطوم التانى ركبتة فى الوصلة الرفيعة اللى جاية من الكوعة وعلى الأرض براقب فقاقيع الهواء الى ان كانت المياه تندفع باستمرر واخدت العملية دى بتاع 20 دقيقة**
لاحظت تولد بعض الفقاعات من وقت لأخر واستمر الحال عند تزويد البنزين وانخفاضة تخرج فقاعات صغيرة فعرفت ان دور هذه الفقاعات التجمع فى القربة وممارسة الضغط على المياه لسرعة المرور بالريداتير لتصل الى الطلومبة عملية ميكانيكية بسيطة**
طيب واحد حيطلع يقول اى التخريف دا هوا فى الدورة حقولة اه امال فايدة السيكس بلف اللى فى غطاء القربة ايه مهو علشان التنفيس عن انضغات الهواء بدرجات عليا ولتظبيط عملية الضغط يعنى لابد (الماء والهواء سر الحياة حتى فى السيارات)
المشكلة التانية لو كنتم فاكريت سماع صوت خروشة وتروس فى الغيار الثانى والثالث وكان السبب نصف لتر زيت فتيس وزال المرض وتعافت فيفورتى ولله الحمد**
وهذا يعود الى استجاب رب العباد لدعاء عباده الصالحين**
جزاكم الله خير وجنبكم الشرور والحمى الألمانى** وبارك الله لكم وفيكم**
وبرضو مش حنزل صورة فيفورتى فى التوقيع ههههههههههه