موضوع محرج اوى
مش عارف ابتدى منين انا فى حيرة ابنى 7 سنوات وعايز اعلمة الاستنجاء من البول والطهارة من التبول
وخايف انة ياخد على انة يلمس المنطقة الحساسة بطريقة معينة او ياخدها لعبة او .........
بصراحة محتار اقولة ازاى وباى طريقة
انا اسف على الموضوع الاهبل دة بس الاستنجاء من البول سبب عذاب نص اهل القبور !!!
دة حديث للرسول الكريم
فارجو الاعتذار لسخافة السوال والمووضوع
يا باشا انت اتأخرت اوى انا ابنى عنده 3 سنوات و 5 اشهر ومعوده من اول ما قلع البامبرز انه يستنجى بس طبعا مقولتلوش على الاسم عشان مش هايفهم بس بقيت لما بدخله الحمام اقوله لازم تتشطف عشان ربنا يحبك والكلام ده والحمد لله بقه متعود على كده
حاول تقوله ومتقلقش ان شاء الله خير
أيه الأحراج في كدة دي نظافة !
مفيهاش اى احراج قولهاله بأى طريقه تريحك ومتقلقش مفيهاش خوف ولا حاجه ده لسه طفل .
يا راجل احراج ايه
انت مش متخيل النعمه دى لنا كمسلمين عامله ازاى. الحمد لله اننا مسلمين فى دى خصوصا
مهو انا مش عارف اقولة ازاى وبطريقة مبسطة وباسم الحاجة لا يكون ملفت للانظار
حد فاهم انا قاصد اية
سلام الله عليكم ورحمته وبركاته
ما لو فيه إهتمام في مدارسنا بالتربية الدينية ماكنت حضرتك وجدت أي مشكلة دلوقتي
لكن عامة مافي إحراج في شيء يخص فقه الإسلام خاصة إن حضرتك مسئول عنه
يا أفندم ممكن نوصل كل شيء لأولادنا بطريقة سلسة وبسيطة المهم يحسوا فينا الجدية
والحب وما نشعرهم بالحرج
( ابدأ الموضوع معاه كأنك بتشرح له درس في الدين )
قوله علمنا الإسلام الطهارة في كل شيء في لبسنا وفي نضافتنا إلخ............
وبعدين التفت له كأن الموضوع خطر فجأة ببالك وبطريقة عفوية وقوله
(( تعرف حتى في دخول الحمام وتطهرك ونظافتك من البول لازم يكون فيه إتقان ونعتني بنفسنا يعني تعمل كذا وكذا .................... ))
تقوله بشكل ما يجرح شعوره وبدون ايحاءات وبعدين وقتها تفهمه
إن فقط ده يحصل بس وقت التنزه من البول غير كدة حرااااااااااااااااااااااا اااااااااااااام
ثم انتقل على الموضوع الأساسي بشكل طبيعي ...ولما تخلص كل كلامك
(( قربه منك وقوله:ـ لو فيه اي حاجة حابب تسأل فيها ، بابا موجود وتحت أمرك )) ربنا يحميه ليك ويباركلك فيه .
دمتم طيبين برعاية الله وحفظه
ممكن يا باشا تقوله بوص يا حبيبي بعد ما تعمل حمام الستات بتعقد على التواليت عشان تتشطف لكن احنا بنطشطف و احنا واقفين و ممكن تستخدم مناديل مبلله
اولا حضرتك بدأت متأخر جدا لان الموضوع ده بيبدأ مع اول قعدة على البوتى يعنى بيعرف انه لازم يتشطف اول ما يقوم من على البوتى سواء فى التويلت او فى البانيو او وهوا قاعد على البوتى نفسها وده بيختلف من ام لام ومن طفل لطفل
الطفل من اول سنة ونص بيبدأ يحفظ اسماء الحاجات حتى لو مرددهاش فى وقتها وبيختلف تسمية العضو من بيت لبيت والشائع فى اخر عشره خمستاشر سنه فى معظم البيوت هو "التوتو"
معذرة محدش يضحك ولكن ده على قدر علمى وده ما علمته لاولادى وسمعته وسط اولاد اقاربى
طبعا الطفل وهوا قاعد على البوتى وخاصة فى سن تعليمه انه لازم يعمل علشان ميعملش كخ فى البامبرز بيبقى قعدته طويله وبيبدأ اثناءها انه يتعرف على جسمه فتلاقيه بيلعب فى سرته تاره وبيحاول يمسك "التوتو" تارة اخرى وده دور ولى الامر سواء الاب او الام انهم يعلموه ان كده كخ وسرته هيبقى فيها واوا ولو مسك التوتو ايده مش هتبقى نضيفة ومحدش هيرضى يسلم عليه وممكن ييجى واوا فى التوتو كمان
طبعا الاسلوب طفولى وقد يراه البعض مبتزل ولكنه هوا الاسلوب الفعال الذى يتماشى مع هذا العمر دون الوقوع فى خطأ شرعى او تربوى
الطفل بيبدأ يعتمد على نفسه فى دخول الحمام تقريبا من سن 3 سنوات يعنى بيدخل وحدة ويقلع ويقعد بس غالبا ممكن ميعرفش يفتح الشطاف او البنطلون الجينز بالذات فماما بتساعد فى القلع وبيتعلم انه لما يخلص ينادى على ماما او بابا "خلصت تعالى شطفينى" وهنا بيبدأ ولى الامر فى تعليمه انه ينظف مكان الكخ باقل طريقة للمس يعنى انه يرش ماية الاول وبعدين بحرف الاصبع ينظف طرف العضو فقط اى محل النجاسة شرعا وفى حالة التغوط ان يزيل الكخ الاول باندفاع الماء من الشطاف ثم يمرر يده فقط لتحرى عدم وجود اثرللنجاسة لم يزله الماء وبالطبع هنا بيبدأ بعد ان يكون ولى الامر هو من يقوم بالعملية كلها خلال سته اشهر الى سنه اى ان الطفل حينها عمره 4 سنوات تقريبا وهو سن الحضانة والذى يطالب فيه بان يقوم بالتشطيف وحده فى المدرسة والا يسمح للدادة ان تراه بدون سروال او ان تقوم هى بتشطيفه منعا لما نسمعه من كوارث والعياذ بالله وهو ايضا او قبله باشهر السن المناسب لتعليمه انه ينبغى ان لا يرى عورته احد ولا يكشف هذه المنطقة امام اى احد الا ماما او بابا ىان يتعلم كيف يستحم وهذا غالبا يبدأ من اربعة سنوات ونصف او خمس سنوات وقد يمتد عند البعض الى ست او سبع اذا كان الطفل ليس قادرا على استيعاب الموضوع ولكن ينبغى الا يزيد عن هذا العمر لانه عمر التمييز
وبالطبع ابتداء من اربع سنوات الى خمس سنوات يتم تعليم الطفل الوضوء حيث انه قبل هذا العمر يتم تعويده على الصلاه كلعب بجوار اباه وامه وليس صلاة بحق وحقيقى ولكن ابتداء من اربع الى خمس سنوات يتم تعليمه الوضوء وكيف يصلى صلاه كاملة حتى لو تلفت فيها او لم يتم ركوعها او سجودها ومن عمر ست سنوات يتم متابعته وتقويمه فى الصلاة كتوقيت وكأداء حتى اذا وصل الى السابعة يتم تعويده على الصلاة فى المسجد واتقان هيئاتها وبالطبع سوف يكون قد تعلم من القرأن الكثير ابتداء من الرابعة او الخامسة بل البعض من الثالثة فيمكن تحفيزه على الامامه بامه واخواته فى قيام الليل مثلا بما حفظ كنوع من متابعة هيئته فى الصلاة وتعويده على اتمام هيئات الصلاة ومراجعة حفظه
قد يرى البعض ان هذا لا يتماشى مع الطفولة او ما شابه ذلك من الكلام الذى ضيع جيلنا واجيال تالية له ولكنه ما ثبت انه السر وراء خروج من على شاكلة صلاح الدين ومحمد الفاتح والسر وراء وجود شباب الان اسأل الله ان يجعل النصرة والتمكيين على ايديهم
إلحق نفسك و لازم تعلمه بأى شكل .من شب على شيىء شاب عليه
للأسف يا أخى كنت شغال فى شركة مقاولات فى أول الألفية و كان صاحبها ذو الأربعين ربيعا من عائلة ثرية جدا و التى يطلق عليها أرستقراطية و أولاده حاجة ستايل فرنساوى و مرة صادفت إنه كان فى الموقع عندنا و صادفت وقت صلاة العصر فدخلت أتوضأ و لاقيته داخل يتبول فى المبولة دون أن أسمع أى صوت للمياة نهائيا و فجأة عندما بدأنا الصلاة شعر بالحرج فوقف معنا يصلى - أى والله - لا أنسى هذا الموقف أبدا . مش تقولى يستبرأ من بولة ده فيه ناس أصلا ماتعرفش يعنى إيه وضوء .
أرجع أقولك الأم عليها دور كبير جدا فى المسائل اللى زى دى .
خلى أمه بالراحة تفهمه إنه لازم يكب مية على المنطقة دى بعد التبول علشان مثلا ما تسقطش نقطة تعمل ريحة وحشة و علشان يبقى نضيف و حلو ...كدة يعنى
بارك الله فيكم وفي الفجر اخونا الي فتح الموضوع
الحقيقة زي ما قال البشمهندس احمد ... الموقف ده بيتكرر وبنشوفوا كتير شخص دخل الحمام وخرج دون صوت للمياه ولا غسيل ايدين ولا حتى يتعب نفسو ويشد السفون !!! والمصيبة انو يطلع من الحمام اول ما يشوفك تلاقيه عاوز ياخدك بالحضن والبوس ويسلم عليك بايدو ... حقيقةً لو اقول لحضراتكم امراض بتطلع في العالم كلو وتختفي. إلا في مصر بتفضل موجودة فده سببها قلة النظافة .
فبارك الله في كل اب وكل ام تعلم ابنها معنى النظافة ... ومع الاسف في ناس كتير متعرفش حاجة عن الصابونة. غير انو لو لقاها في حمام عام وريحتها حلوة يحطها في جيبوا ويمشي :) .... وتحياتي .
اخى العزيز حاول تعرف ابنك الاول اضرار عدم التبرلء من البول والبراز وبعدين تعرفه انى ده حرام اهم حاجة انك تحسسه بانو له كيانه ولهو الحرية وماعليك الى التنبيه والتوجيه وليس الاجبار لانه اذا اجبر فسوف يتمر على الامر الذى تسعى الى توصيله اليه
انت لفت نظري لموضوع مهم جدا ............... هركز كده مع ابني و اشوف امه بتعمل ايه معاه ... عمره 2 ونص دلوقتي
......
من المواضيع المهمه جدا ولازم كلنا ناخد بالنا من اولادنا ونقرب منهم اكتر وننزل بفرنا ليهم
تمام كدة
اقتباس:
المشاركة الأصلية كتبت بواسطة eng_hatemfathy
بارك الله فيك...شرح وافى وأسلوب راقى..جزاك الله خيرا
ابني وهو عنده سنين بيعمل كدة لوحده لاني عودته وانا بعمل كدة كنت بعمله بنفسي واصبحت عادة وهو بقي يقلدني ولما يكبر حيعرف لوحده