-
27 d cairo
ارجو المساعدة بخصوص فرامل datsun 120y العربية ممتازة من جميع النواحى ولكن فراملها ضعيفة جدا والمشكلة مش فى التيل, هل الحل الوحيد انى اغير الطنابير بطنابير اكبر ولكن الموضوع دة مش سهل واحتمال تظهر مشاكل بعد تركيبة ومكلف جدا نرجو الحل المفيد ,العربية اكثر من رائعة ولكن فراملها اسوأ ما يكون ...............وشكراااا.
-
صديقي المواطن
زمان كان عندي أخت العربية دي وكانت فراملها ممتازة وقولا واحدا أكيد المشكلة مش في الطنابير الطنابير ممكن تخليها ترج في الفرملة ولو هي رقيقة تنغير غير كده مغيش أي مشاكل ولكن 90% المشكلة عندك في ماستر الفرامل العمومي أكيد تعبان ومحتاج تغيير جلد طقم إصلاح ولو من جوه مخربش أو الماستر صغير بيتغير بماستر أكبر ولو عندك تحجيرة في أول الفرملة فده بلف السيرفو ولو عندك تحجيرة وصوت هوا عند الظغط على.الفرامل فده سيرفو وكمان ماسترات الفرد اﻷربعة يتراجع عليهم وكمان نوع زيت الباكم يلعب دور مش تحطلي علبة أبو 10 وأبو 14 جنيه حط اﻷلماني واﻹنجليزي أبو 35 جنيه
وكلمة السر في كل مشكلتك هي بسيطة
إوعاك توديها لميكانيكي قولا واحد حيضيعك الصح تروح لورشة إصلاح فرامل فقط لا غير وتطلب منه يسلمك عربية بفرامل غير كده حتحرق بنزين وفلوس عالفاضي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
-
شكرا جدا لردك الحمد الله مفيش مشكلة من اللى حضرتك ذكرتهم عندى بصراحة الفرامل بتأدى مهمتها بالكامل المشكلة بقى ان الفرامل اصلا كأمكانيات واداء مش كويسة بمعنى لما تبقى ماشى على 100 وفرملت العربية مش هتقف الا بعد 10 متر ولو انتة محمل بتبقى المهمة مستحيلة. وشكرا...
Content Relevant URLs by
vBSEO 3.6.0 PL2