استفسار بس صغير لمالكي سوبارو امبريزا الجديدة ٫٫ انا سمعت ان الامبريزا استهلاك البنزين فيها كتيز الكلام ده صح ؟
و ممكن بالارقام ؟
شكراً
عرض للطباعة
استفسار بس صغير لمالكي سوبارو امبريزا الجديدة ٫٫ انا سمعت ان الامبريزا استهلاك البنزين فيها كتيز الكلام ده صح ؟
و ممكن بالارقام ؟
شكراً
كدب كدب كدب
لا طبعا مش كدب السوبارو استهلاك البنزين فيها عالى انا معايا 2007 و جربت ال 2010 و الاتنين استهلاكهم اعلى من العادى يعنى:
لو بتحسب بالصفيحة الصفيحة بتعمل حوالى 170-180 كم
لو بتحسب باللتر لكل 100 كم بتسهلك حوالى 12-13 لتر لكل 100 كم
الارقام دى طبعا داخل المدينة
على طرق السفر الصفيحة بتعمل من 200-220 كم
او من 9-10 لتر لكل 100 كم
بس طبعا على طرق السفر المتعة كلها فى الثبات مش فى استهلاك البنزين 120 كم فى الساعة زى 180 كم فى الساعة بالظبط مفيش اى فرق
الصراحة لأ . .مجربتش الجديدة..بس هى هتكون اعلى من العادى بردو لسببين الاول ان وزن العربية تقيل و ده شئ مش وحش خالص لأن ده بيدى ثبات عالى السبب التانى هو ان العربية awd طوال الوقت ف الموتور بيحرك 4 عجلات طوال الوقت مش عجلتين و دى بردو ميزة مش عيب لأن الثبات الى بيديه ال awd مش طبيعى
عاما استهلاك البنزين اه اعلى من الطبيعى بس مش بكتير .. الفارق بسيط و فرق الثبات و المتعة فى السواقة يستاهل فارق البنزين
السوبارو عربية ممتازة مشهورة طول عمرها بحاجتين.. الاندفاع بالأربع عجلات وموتورها البوكسر
والاتنين دول هما اللي بيدوا السوبارو سمعتها في الثبات .. مش الوزن العالي.
بس فرق وزن السوبارو عن معظم العربيات التانية ما بيزيدش عن 100 كيلو.. والزيادة كلها جاية من أجزاء نقل الحركة الزيادة في الخلف.. ده غير إن وضعية الموتور بالطول بتخلي نقل الحركة للكبالن الأمامية أصعب ومحتاج أجزاء زيادة.
على فكرة.. موضوع الوزن العالي معروف إنه أحد أسباب عدم الثبات على عكس الفكرة الخاطئة في السوق المصري
عايز تعرف أكثر عن عيوب العربيات الثقيلة.. ادخل على الموضوع ده
http://www.nilemotors.net/Nile/375709-a.html
...