بطاريه جديدة- فارتا 55 امبير ( بقالها 4 شهور) تموت فجاءه - حد حصل معاه كدة

يا جماعه انا مغير البطاريه من 4 شهور بالظبط بـ فارتا 55 امبير

امبارح نسيت نور الانتظار حوالى 3 ساعات شغال و لما نزلت لقيت العربيه قطعه كهربا تماما حتى لمض التابلوه مش منورة

المهم حطيت بطاريه تانية و دورت ثم رجعت البطاريه النايمه لماكنها لشحنها على العربية و مشيت بيها شويه و جربتها لقيتها بتدور كويس و كله تمام

الصبح النهاردة لقيتها نايمه

دا بقى اية ( بطاريات مضروبه مع العلم انها فارتا 55 امبير - السوداء × ابيض ) و لا دة دينامو ( مع العلم انى لما شيلت كابلات البطارية و العربية دايرة مبطلتش و دا معناه ان الدينامو شغال )

حد حصل معاه الهبل دة

للعلم عملت تشيك على نور الصالون و نور الشنطه و لقيتهم مطفيين - فدا مش جاى من انوار مفتوحه

ممكن تفريغ شديد لا ينفع معه غير شحن كامل على التنجر وده اقوى احتمال وبعد الشحن الكامل تعود لطبيعتها

حطها على التونجر ساعه ولا اتنين

قدم الضمان وبدلها لو العيب فيها هيغيرها فى هدوء وربنا معاك

متابع ..............

وديها لكهربائى يحطها على التونجر وتقول له يشحنها شحن بطئ مش سريع

روح لحد بتاع بطاريات شوف الدينامو قاري كام و لو الدينامو تمام يبقي البطارية باظت لانك طلعت بيها مشوار و المفروض تكون شحنت

اقتباس:

---

المشاركة الأصلية كتبت بواسطة mido

روح لحد بتاع بطاريات شوف الدينامو قاري كام و لو الدينامو تمام يبقي البطارية باظت لانك طلعت بيها مشوار و المفروض تكون شحنت

---

انا رحت النهارده للتوكيل و كشف على شحن الدينامو قدامى و لقينا الشحن طبيعي و مفيش مشاكل

كده انتفى ان السبب هو الدينامو

اقتباس:

---

المشاركة الأصلية كتبت بواسطة a_mohamedsamir

وديها لكهربائى يحطها على التونجر وتقول له يشحنها شحن بطئ مش سريع

---

ما هو الى حيجننى ليه فضيت

الدينامو تمام و شحنه تمام بعد قياسه فى التوكيل

و البطارية بقالها حوال ٤ شهور

اقتباس:

---

المشاركة الأصلية كتبت بواسطة mmtronic

انا رحت النهارده للتوكيل و كشف على شحن الدينامو قدامى و لقينا الشحن طبيعي و مفيش مشاكل

كده انتفى ان السبب هو الدينامو

---

خلاص تبقي البطارية باظت و لو معاها ضمان روح رجعها و اخصم عدد الشهور و هات واحدة تانية