بشكر حضرتك علي توضيح ايه اللي حصل ، بس انا عندي استفسار :
هل التوكيل حل المشكلة كلها ؟
هل حضرتك راضي عن التوكيل ؟
اخبار العربية ايه مع حضرتك ، و هل راضي عنها؟
ده عشان نستفيد و نعرف هل التوكيل اساء التصرف و لا اتصرف ازاي و شكرا لحرتك
عرض للطباعة
بص حضرتك
* التوكيل حل المشكله و المشكله معدش ليها وجود الحمد لله
* التوكيل كويس جدا بس الاسعار أغلى من الخارج 400%
مثلا الزجاج الخلفي كان ممكن اركبه بره - بس انا مصبرتش لاني كنت مستعجل - بـ 650 جـ
في التوكيل عامل 3100 جـ بتركيبه
* العربيه كويسه بس مش رائعه يعني زي اي عربيه و سعرها مبلغ فيه جدا .
بس معلش سؤال بقى
انا قريت موضوع عن تعديل في كل موديلات تويوتا هوه ايه اصل الموضوع ده
تويوتا تستدعي ملايين السيارات حول العالم للفحص - نايل موتورز
متقلقش كلها عربيات بتنزل برة مصر في الغالب في امريكا و كندا.
اللي عندنا تمام متقلقش.
افضل قرار عملته انك ركبت الازاز في التوكيل :
١. عشان سخانات الشبورة الخلفية ، حتي لو موجودة ممكن متشتغلش مظبوط و ممكن تخلي الازاز يسرطن و يتكسر.
٢. العزل ممكن يبقي سئ ، و هتسمع اصوات و صفافير و هتبقي مش طايق العربية.
٣. الازاز التقليد بيبقي خامته و مواده اقل من الاصلي و تأكد انه مش هيستحمل و هيتكسر من اقل خبطة.
٤. ممكن ميبقاش متظبط خصوصا ان العربية لسة جديدة و يبقي في تسريب مياه لو الدنيا مطرت .
٥. متضمنش الازاز التقليد بعد ميركب ابعاده متباش بظبوته و ساعتها مش هتعرف تتصرف و هتبقي مضطر تركبه.
فتأكد انك عملت الصح.
فداك يا كبير والحمد لله انها جت على كده...
بالنسبة لنقطة ان التوكيل كويس جدا... انت روحت اول مرة وكذبوا عليك ودفعت فلوس في الهوا... وروحت تاني مرة واضطروا يقولوا لك الحقيقة المرة... بعد كده قدمت شكوى.... بعد كده المسمار اتوفر وركبته...
يبقى ازاي بتقول ان التوكيل كويس جدا؟؟؟
هو في توكيلات بيحصل فيها اكتر من كده؟؟؟
ههههههههههه معلش انا مش مقتنع بحتة إن العربيات اللي فيها المشكله مبتنزلش مصر
يا راجل دي مصر أم الدنيا
يعني هوه سؤال بالمنطق كده العربيات اللى مصنع تويتا منتجها هيكون فيها مشاكل في أمريكا و كندا - البلاد الصناعيه - و مصر - أم الإستهلاك - لا
معلش انا غير مقتنع
و على العموم إحنا عاوزين حد يسال لينا على الموضوع ده في التوكيل
بس برضو التوكيلات بتاعتنا ممكن ينكرو الموضوع ده
على العموم ربنا معانا
و شكراً
للأسف كل التوكيلات في مصر بقت كده