مشكلة في سحب الفيرنا

**ahm_eng2004** · 02-03-2014 01:45 PM

السلام عليكم و رحمة الله و بركاته

انا معايا فيرنا المشكلة فيها انها يوم تسحب كويس و استهلاك بنزين ممتاز ممكن تاني يوم الاقيها سحبها

ضعيف جدا و مخنوقة قوي و بتحرق بنزين بالهبل و صوت الموتور بيعلى و بحس الصوت مسمع في الشكمان و سخونية

عالية غيرت زيت و رحت لميكانيكي نضفلي الحساسات و البوابة و غيرت بوجيهات مع انها جديدة و رحت

للكهربائي قلت يمكن مشكلة دينامو قالي الشحن تمام .... شكيت انها مشكلة اسطوانة كل مايشوفها

ميكانيكي او حد ليه خبرة يقولي الاسطوانة تمام ... اخر حاجة من بحثي عالنت شاكك انها مشكلة رشاشات

خصوصا ان العربية 2008 و الرشاشات شغالة 200000 كيلو لكن الماكنة مغيرها ماشية 3000 كيلو و سحبها

في العادي فوق الممتاز سواء بنزين 80 او 92 .... ارجو المساعدة من اهل الخبرة

**ahm_eng2004** · 02-03-2014 01:50 PM

مع العلم الزيت مش بينقص و لونه تمام

**Ahmed.Essam** · 02-03-2014 01:55 PM

مش عارف بصراحة ممكن المشكلة تكون ايه بالظبط
بس ممكن تحط منظف الرشاشات من اي محطة بنزين في يوم تكون مسافر فيه وتحرق على الغيارات وتستخدم كل غيارات الفتيس
واستنى كده تشوف باقي الزملاء هيقولوا ايه

**ahm_eng2004** · 02-03-2014 02:41 PM

الف شكر على سرعة الرد ياباشا انا فكرت في موضوع منظف الرشاشات زي حضرتك مابتقول لكن المشكلة العربية عاملة 20000 و خايف احطه في التانك يبهدل الدنيا من وساخة التانك خصوصا اني عمري مانضفت التانك و من ناحية تانية خايف اكلف نفسي في تنضيف الرشاشات عند متخصص و تطلع المشكلة مش رشاشات ... انا ممكن فعلا احط منظف رشاشات مبدأيا طالما هانضف رشاشات بعد ما اتاكد من المشكلة من منتدانا العزيز

سؤال بس ايه افضل انواع المنظفات و اسعارهم

**enghany** · 02-03-2014 03:40 PM

زميلي الفاضل
معلش هو المنظف محسن للاداء وليس لما تكون العربيه مخنوقه
اللي يخلي العربيه مخنوقه هو الاتي
الفلاتر و البوجيهات و بيتغيروا كل 20000 كم
طقم الدبرياج و التسطوانه بالتحديد
والبوابه بتاعه ااحقنو اخيرا طلمبه البنزين بس ليها اعرلض معينه

**ahm_eng2004** · 02-03-2014 04:02 PM

باشمهندس هاني انا لسة مغير ماكينة مشيت 3000 كيلو بس و مغير بوجيهات مرتين و منضف فلتر البنزين و مغير فلتر هواء و الديسك و الاسطوانة كله بيقول تمام المشكلة لو خنقة بس من غير اكل بنزين كنت قلت طرمبة او فلاتر او حتى ديسك و اسطوانة لكن المشكلة لما بتعمل المشكلة دي معايا بتحرق بنزين بطريقة فظيعة لدرجة مرة اكلت معايا 10 لتر في 5 كيلو ... اخر حاجة فكرت فيها موضوع الرشاشات لان من اعراض انسدادها صوت عالي و اكل بنزين و قلت سحب ... انا عملت الموضوع ده في المنتدى هنا لاخذ المشورة من اهل الخبرة قبل ما اروح انضف رشاشات ... سؤال اخير لو الاسطوانة او الرشاشات تعبانين ممكن العربية تسحب يوم و تمشي تمام و يوم لا.؟؟؟ العربية باختصار بتمشي على سطر و تسيب سطر

**enghany** · 02-03-2014 05:13 PM

المشاركة الأصلية كتبت بواسطة ahm_eng2004

باشمهندس هاني انا لسة مغير ماكينة مشيت 3000 كيلو بس و مغير بوجيهات مرتين و منضف فلتر البنزين و مغير فلتر هواء و الديسك و الاسطوانة كله بيقول تمام المشكلة لو خنقة بس من غير اكل بنزين كنت قلت طرمبة او فلاتر او حتى ديسك و اسطوانة لكن المشكلة لما بتعمل المشكلة دي معايا بتحرق بنزين بطريقة فظيعة لدرجة مرة اكلت معايا 10 لتر في 5 كيلو ... اخر حاجة فكرت فيها موضوع الرشاشات لان من اعراض انسدادها صوت عالي و اكل بنزين و قلت سحب ... انا عملت الموضوع ده في المنتدى هنا لاخذ المشورة من اهل الخبرة قبل ما اروح انضف رشاشات ... سؤال اخير لو الاسطوانة او الرشاشات تعبانين ممكن العربية تسحب يوم و تمشي تمام و يوم لا.؟؟؟ العربية باختصار بتمشي على سطر و تسيب سطر

باشا في طلمبه تاكل بنزين ماينفعش
ممكن حضرتك تكلمني بس افهم 01060900088