اصلاح كبوت 301 فى التوكيل
السلام عليكم ياشباب
من حوالى 3 اسابيع كده وعملت حادثه بسيطه وخبطه فى الكبوت
http://im40.gulfup.com/tGxkk.jpg
وخدت راى الشباب فى المنتدى وخلاص نويت اروح ورشه نايل موتورز اعملها هناك
وقلت اخد راى شركه التأمين اللى مأمن معاها
المهم المندوب قالى لا روح التوكيل واوعى توديها اى مكان بره وانت ملكش دعوه باى حاجه هو بس انت هتشيل 10 % من المقايسه طبعا انا اتخديت ورحت التوكيل قالوا متتردش ولازم الكبوت كله يتغير علشان من تحت المونيوم تقريبا ومينفعش تترد مش عارف الكلام ده صح ولاغلط
المهم قلت امرى لله وغيروه وخلاص الموضوع خد اسبوع الكبوت تمنه 2330 من غير الضريبه ومصنعيه 1500 الموضوع كله خد 4300 علشان الخبطه الهبله دى :untitled 1: وانا شلت 10 % و200 جنيه شرط كده فى الوثيقه يا عنى كله حوالى 600 جنيه :majd(4):
انا عملت الموضوع ده علشان حاجتين
اولا : ياريت ما حدش يعمل اى سمكره فى التوكيل نهائيا وانا استغبيت فى الموضوع ده
ثانيا : الكبوت القديم معايا والخبطه دى ممكن اى سمكرى شاطر يعملها ويرجع زى الاول لو انا حبيت ابيعه ممكن يجيب كام خصوصا ان سعره جديد من غير مصنعيه 2600 جنيه
مبروك الإصلاح و ربنا يحفظك
الحمد لله إنها جت على قد كده
و الحمد لله إنها أتصلحت بدون خوض في التفاصيل
كان في واحد زميل في المنتدى عمل حادثة جامدة و كان بيدور على نص أمامي
ممكن تساعده بالكابوت و شوف ممكن ياخدوا منك بكام
أو تعمل زي محمد بدر مقال و تخليه إحتياطي
محدش عارف الظروف ايه
هي المشكلة هتبقى في مكان التخزين..بس تدبر إن شاء الله
مبروك الإصلاح