كيا سيراتو 2014 خليجي ولا وكيل

ارجو من الجميع اعطاء رأيه في الاتي ...المشكلة اني محتار بين الوكيل ولا الخليجي التنين نفس السعر...الوكيل فيها حاجات كتير اوي زي باركنج سنسور فوانيس شبورة ناقل الحركة في الدركسيون طارة مالتي فانكشن بلوتوث جنوط 17 فوانيس ليد وطبعا ضمان 5 سنين اما الخليجي تزيد عنها فتحة سقف و تكييف ديوال زون امامي و خلفي ده غير طبعا ميزة التسليم الفوري..الوكيل قال لي احجز والتسليم في خلال 3 شهور و فيه موزعين معتمدين يقول لك اختار 3 الوان واحجز و بيسلموك في وقت قريب بس اول ماتيجي حيديك لون من التلاتة..طب افرض انا عجبني لون واحد بس... المشكلة كمان ان في بعض الاماكن قالوا لي ان الوان الخليجي مختلفة عن الوكيل يعني انا لو عجبني لون في الخليجي وحجزت بيه في الوكيل ممكن تكون مش نفس درجة اللون هل ده صحيح ام لا...كمان حاجة هو الجنوط كلها بتبقي شكل واحد ولا كل شحنة جيه بتبقي بشكل جنط مختلف....ارجو التكرم بافادتي ....شكرا

وكيل يا باشا طبعا علشان الضمان بس انا مش فاهم هى الخليجى فيها نفس الحاجات اللي فى الوكيل +فتحه السقف زيادة لو السعر واحد هات الخليجى واشترى لها ضمان

Sent from my GT-S5282 using Forum Runner

الف شكر يا باشا... ايوه الوكيل 169000 و الخليجي 168500 يعني الفرق 500 جنيه..نفس الكماليات بس الخليجي يزيد عليها فتحة سقف و تكيف امامي و خلفي كمان ..الخليجي استلام فوري اما الوكيل حجز

ايه افضل ضمان ممكن الواحد يشتريه و هل بيفرق عن ضمان الوكيل و هل الخليجي بيفرق في سعر السيارة عند اعادة البيع

يقال هنا ان افضل ضمان تريبل a ومبيفرقش فى اعادة البيع

Sent from my GT-S5282 using Forum Runner

اشتري خليجي ياباشا واتمتع
الضامن ربنا

الفئة الحضرتك بتتكلم عنها الوكيل هىsxب169الف جم وموش موجودة عند التوكيل فعلاً، لاكن موجودة عند الموزعين بنفس السعر واعتقد موجود منها الوان، انا سالت عند المتحدة وبى اوتو
والفئة دى هى نفس الفئة sx srfوكيل ب179الف جم من غير فتحة سقف وبصمة فقط لاغير.
ويقال عليها هاى لاين والفئتين فيهم تكييف خلفى.
ويعادلها فى الخليجى الهاى لاين واسعارها من 165الف حتى170الف، تقريباً نفس تجهيزات ال sx srf وكيل باستثناء البصمة (مفيش خليجى بصمة).
والخليجى فيهاتكييف ديوال زون امامي .
بالنسبة للضمان هو من تربيل اية واسعارة:
سنة او 20 الف كيلو ايهم اقرب ب1400جم
2 سنة او40 الف كيلو ايهم اقرب ب2000جم
3سنة او 60 الف كيلو ايهم اقرب ب2400جم
وهو لغاية 5 سنوات او 100 الف كيلو ايعم اقرب ودى بتكون بحوالى 4500جم

رأى الشخصى ال sx وكيل من عند اى موزع ب169 الف جم افضل من الخليجى وبناقص فتحة السقف والتكييف الديوال، طالما بنفس السعر.
وربنا يوفقك للخير (على فكرة انا معاياسيراتو خليجى)

الله يبارك فيك الف شكر....طبعا التوكيل لازم استني كتير عشان استلمها يبقي ادامي اشتري من موزعين معتمدين و مستوردين..ايهما افضل....حضرتك معاك خليجي طيب فيه اي مشاكل مع aaa يعني تعاملهم ايه اخباره..هي الفئة اللي ب 69000 دي وكيل فيها اسبويلر خلفي زي الخليجي ولا لأ....شكرا

وكيل يا باشا كفايه الضمان

انا رأيي الخليجي خاصة ان فيه تكييف خلفي وانا شايف انه مفيد جداً لعربية أسرية وزي مانت شايف كل صيف بيبقى اصعب من اللي قبليه والتكييف الامامي بس مش كافي للي قاعد ورا.
بالنسبه للضمان انت هتشتريه ويبقى الوكيل مش متميز عن الخليجي في حاجه. الكام ألف سعر الضمان هتصرفهم في ال3 شهور اللي هتستناهم لحد الوكيل مايجيبلك العربيه
وربنا يكتبلك اللي فيه الخير

السلام عليكم
اولا شكرا لصاحبه الموضوع لان هيا عربيه مهم جدا و فيها اخلفات كتير
ثانيا يا ريت اعرف مكان السيرات الخليجي الفتحه وتكييف خلفي فين لو سمحت ضروري
انا بخلص في سيراتو وكل اللي لقيته في الخليجي فتحه تكييف امامي فقط ب 160 الف لكن زجاج ملون
اما التكرييف الخلفي مه فتحه تقريبا كان ب 180 او 175
ويا ريت تفاصيل اكتر عن الفئه اللي بتتكلم عليها يعني abs وشفتات وكدا والاهم الزجاج الملون
شكرا ومتابع جدا جدا لان العربيه دي المعلومات عندها قليله شويه

اقتباس:

---

المشاركة الأصلية كتبت بواسطة mhmdabdo

السلام عليكم
اولا شكرا لصاحبه الموضوع لان هيا عربيه مهم جدا و فيها اخلفات كتير
ثانيا يا ريت اعرف مكان السيرات الخليجي الفتحه وتكييف خلفي فين لو سمحت ضروري
انا بخلص في سيراتو وكل اللي لقيته في الخليجي فتحه تكييف امامي فقط ب 160 الف لكن زجاج ملون
اما التكرييف الخلفي مه فتحه تقريبا كان ب 180 او 175
ويا ريت تفاصيل اكتر عن الفئه اللي بتتكلم عليها يعني abs وشفتات وكدا والاهم الزجاج الملون
شكرا ومتابع جدا جدا لان العربيه دي المعلومات عندها قليله شويه

---

يا باشا الف شكر علي مشاركتك....بص يا باشا انا كنت بلف في القرش اللي في المريلاند لقيت عندو سيراتو خليجي مواصفتها كالاتي ..جنوط 17 . طارة مالتي. بلوتوث. مرايات ضم كهرباء. اشارات في المرايا. مثبت سرعة. شيفت درايف. 2 اير باج. فرامل abs. فتحة سقف. سنسور امامي وخلفي. سعرها 168500 الكلام ده من 3 ايام....بصراحة لونها تحفة و شكلها جبار...وهي دي اللي انا محتار بينها و بين الوكيل علشان الوكيل هي هي بالظبط بس من غير فتحة سقف... اما التكيف الخلفي اعتقد فيها بس مش متأكد..وربنا يكرمك يا رب

يا ريت يا جماعة حد يقول لي هي الوان الخليجي زي الوكيل يعني نفس درجة اللون...بمعني تاني يعني لو عجبني لون في الخليجي زي الموكا مثلا و روحت حجزت نفس اللون في الوكيل حتبقي نفس الدرجة ولا ممكن تكون مختلفة... و الجنوط بردو كله نفس الشكل ولا مختلف

اقتباس:

---

المشاركة الأصلية كتبت بواسطة 2tsh

يا ريت يا جماعة حد يقول لي هي الوان الخليجي زي الوكيل يعني نفس درجة اللون...بمعني تاني يعني لو عجبني لون في الخليجي زي الموكا مثلا و روحت حجزت نفس اللون في الوكيل حتبقي نفس الدرجة ولا ممكن تكون مختلفة... و الجنوط بردو كله نفس الشكل ولا مختلف

---

نفس اللون ونفس شكل الجنط طبعا

Sent from my GT-S5282 using Forum Runner

لو الضمان اللى هاتشتريه للخليجى هايحللك اى مشكله او عيب صناعه لاقدر الله مهما كانت مكلفه يبقى هات الخليجى

لكن انا شخصيا أفضل الوكيل عشان معرفش موضوع الضمان اللى بيتشرى دا زيه زى الوكيل ولا لأ

اقتباس:

---

المشاركة الأصلية كتبت بواسطة amgomaa

نفس اللون ونفس شكل الجنط طبعا

sent from my gt-s5282 using forum runner

---

اللي مخوفني ان بعض الموزعين قالوا لي ان لون الموكا و الفيراني في الوكيل افتح من الخليجي و البعض الاخر قال لي انه نفس اللون....بعضهم قالوا لي انه نفس لون الريو و البعض الاخر قالوا لي اللون هو نفس لون الكارينز يعني افتح شوية ف ده عمل لي لخبطة لاني لما هحجز طبعا مش هشوف اللون الا لما تيجي لاني مش لاقي اللونين دول وكيل في اي حتة

اقتباس:

---

المشاركة الأصلية كتبت بواسطة 2tsh

اللي مخوفني ان بعض الموزعين قالوا لي ان لون الموكا و الفيراني في الوكيل افتح من الخليجي و البعض الاخر قال لي انه نفس اللون....بعضهم قالوا لي انه نفس لون الريو و البعض الاخر قالوا لي اللون هو نفس لون الكارينز يعني افتح شوية ف ده عمل لي لخبطة لاني لما هحجز طبعا مش هشوف اللون الا لما تيجي لاني مش لاقي اللونين دول وكيل في اي حتة

---

لا اللون الموكا انا متاكد انه واحد وفى تقرير فى المواضيع المثبته عن العربيه وهى موكا خليجى نفس اللون بتاع الوكيل و احييك على اختيار اللونين لان هما احلى لونين علي العربيه

Sent from my GT-S5282 using Forum Runner

اقتباس:

---

المشاركة الأصلية كتبت بواسطة 2tsh

اللي مخوفني ان بعض الموزعين قالوا لي ان لون الموكا و الفيراني في الوكيل افتح من الخليجي و البعض الاخر قال لي انه نفس اللون....بعضهم قالوا لي انه نفس لون الريو و البعض الاخر قالوا لي اللون هو نفس لون الكارينز يعني افتح شوية ف ده عمل لي لخبطة لاني لما هحجز طبعا مش هشوف اللون الا لما تيجي لاني مش لاقي اللونين دول وكيل في اي حتة

---

مفيش حاجه إسمها كدا العربيات كلها خارجه من نفس المصنع ودرجة الألوان ثابته في كل الدول

سمير ريان معندوش غير واحجه بالمواصفات دي ب 167,5 لونها احمر وفيها نقره واضحه جدا في السقف
القرش 167 بس لون ابيض فقط
المصريه 167.5 لون ابيض وواحده فقط لون سيلفر
الملك معندوش خالص

اقتباس:

---

المشاركة الأصلية كتبت بواسطة 2tsh

الله يبارك فيك الف شكر....طبعا التوكيل لازم استني كتير عشان استلمها يبقي ادامي اشتري من موزعين معتمدين و مستوردين..ايهما افضل....حضرتك معاك خليجي طيب فيه اي مشاكل مع aaa يعني تعاملهم ايه اخباره..هي الفئة اللي ب 69000 دي وكيل فيها اسبويلر خلفي زي الخليجي ولا لأ....شكرا

---

الفئة متوفرة عند الموزعين مفيش مشاكل فى كونها تشتريها من معرض الوكيل المباشر او موزع، وممكن الموزع يعمل لحضرتك خصم فى السعر ودى موضوع موش موجود عند الوكيل تماماً.
انا فضلت لحضرتك الوكيل علشان نفس السعر،
انا لما اشتريت جبت الخليجى علشان كام فى فرق سعر عن الوكيل فى نفس الفئة تقريباً حوالى 13 الف جم، واشتريت ضمان aaaومعنديش اى مشاكل معاة حتى الان، ومسمعتش عن مشاكل مع ال اشتروة قبل كدة(فى حدود معارفى فقط للامانة)، وممكن تعمل الصيانات عن التوكيل (الوكيل موش تبع aaa) لاكن طالما معاك فواتير الصيانة بيعتمودها عادى خالص.
وفى كمان مراكز خدمة تابعة لهم تابعة للوكيل زى السبع فى المعادى.
اما بالنسبة للفئة ال169000جم فيها اسبويلر خلفى.