معلومة عن نوع و استهلاك البنزين ليجو 3008
السلام عليكم و رحمة الله
كان في حد سأل عن نوع استهلاك البنزين لبيجو 3008 .. و أنا قلت له أنا أعرف واحد معاه العربية و هسأله .. و الراجل قال لي معلومات أعتقد انها مهمه .. فقلت أعملها في موضوع.
مبدأيا هو صاحب العربية أستاذ في الجامعة و كان عايش في أمريكا و جه من فترة بسيطة و اشترى العربية في 23.01.2013
هو فاجئني بانه سألني انت لاحظت اني غيرت العربية؟ قلت له لأ طبعا .. قال لي دي مش ال 3008 اللي كانت معايا في الأول .. هما الاتنين نفس الشكل و اللون بس دي 2014 و الأولى كانت 2012.
حسب كلامه .. عربيته كانت موديل 2012 .. و التوكيل كان معدل فيها عشان تمشي ببنزين 92 بعد ما بنزين 95 غلي .. و ده كان بيخلي العربية تستهلك بنزين كتير .. بالضبط 4.8 كيلومتر لكل لتر .. يعني 100 كيلومتر في الصفيحه (وسط المدينة) .. طبعا راح التوكيل و حاول معاهم و في الاخر طلب منهم تغيير العربية بموديل 2014 و دفع الفرق و هما وافقوا.
و حسب كلامه موديل 2014 نازله من بره مصممه انها تشتغل ببنزين 92 .. و استهلاك بنزين عربيتة الجديدة 8.8 كيلومتر لكل لتر .. يعني 180 كيلومتر في الصفيحة تقريبا (وسط المدينة)
ونصحني لو حد حب يشتري 3008 مستعمل يجيب اللي نازلة بالتعديل من بره.
بس أنا قلت أقول المعلومة .. عشان لو حد فكر يشتري العربية يراعي الموضوع ده.
