للخبراء ...لو غيرت زيت الباور بزيت موتور تروح صون الونة؟؟

**ضى القمر** · 04-03-2014 10:01 AM

صعب الكلام ده مينفعش طبعا

**a_mohamedsamir** · 04-03-2014 11:12 AM

المشاركة الأصلية كتبت بواسطة madoahmad

شكراً جزيلاً ليكم عالردود القاطعه ... بس معني كلامكم اني اغير طرنبة الباور واريح دماغي عشان الصوت المزعج ده

هو زيت الباور بينقص ؟
لو بينقص يبقى تشوف التسريب منين وتعالجه
لو مش بينقص جرب تروح لحد كويس ممكن يكون فى هوا فى دورة الباور و ممكن يكون نوعية الزيت سيئه روح لحد يكون كويس قبل ما تاخد قرار بتغيير طرمبة الباور

**ahmed salah90** · 04-03-2014 11:45 AM

انا كل اللي اعرفه ان الباور هيتقل علشان زيت الماتور تقيل عن زيت الباور كل ما الزيت كثافته خفت بيعطي قوه اكتر يعني زيت الفرامل اخف زيت في العربيه لو انت حطيت زيت ماتور و جيت تدوس فرامل انسى موش هتلاقي هرامل تقريبا و لو حطيت زيت باور مكان زيت الفرامل برضوه هتلاقي الفرامل ضعيفه نفس الحوار للباور ماينفعش غير زيت الباور اللي هو زيت الاوتوماتيك علشان كثافه الزيت محدده و ده اللي درسته تقريا او المعلومه اللي اكتسبتها و لو في غلطه يا ريت تقولو عنها غير اخطاء الاستهجاء علشان ماتكسفونيش

**mostafa8085** · 04-03-2014 02:09 PM

الصوت مش هيروح الا بتغيير طرمبة الباور

**madoahmad** · 05-03-2014 01:52 PM

المشاركة الأصلية كتبت بواسطة mostafa8085

الصوت مش هيروح الا بتغيير طرمبة الباور

كلامك صحيح .... غيرت زيت الباور لموبيل بتاع فتيس الاوتوماتيك والصوت مراحش ...فريحت دماغي واشتريت طرنبة باور استيراد ب 290 ج وغيرتها بمصنعية 50 ج والحمد لله الصوت راح والهدوء رجع من تاني ....ربنا يديمها نعمة . وقولولي رأيكم في الاسعار . عشان الميكانيكي بيقولي ديه سعرها 200 ج بس