الموضوع: رايكم في nexus 5 .؟؟

بص بغض النظر عن ان الجهاز بروسيسور Snapdragon S800والرامات 2GB فاللي بيخلي حد يشتري Nexus هو انها بيشتغل stock Android... يعني الناس اللي حابة الأندرويد بدون اي رتوش وحابة تكون اول حد يوصل له الـsoftware updates من جوجل مباشرة، بيروحوا لأجهزة الـNexus... والجهاز بشكل عام ممتاز وعيبه الوحيد في رأيي هو الـbuild quality لأنه بلاستيك ومش نوع نظيف قوي (عامل زي سامسونج وإل جي كده)... وانا رأيي معروف في الحتة دي: لا يمكن ادفع مبلغ كبير في حاجة not premium...

اللي بقى عايز اللمسة الخاصة بكل شركة فوق نسخة الأندرويد بيروح للإتش تي سي بواجهة الـSense الرائعة، أو سامسونج بواجهة الـTouchWiz أو سوني بالـUX او إل جي بالـOptimus OS، وهكذا...

وبالنسبة للأسعار فهو غالي زي غيره وان كان اغلى من المطلوب... عندك السامسونج S4 بحوالي 4500 والـHTC One بـ5000 والأيفون بـ5500 والسوني إكسبيريا Z تقريبا بـ4000 وهكذا...

ولو ليك في البلاكبيري فيه جهاز حلو قوي هو الـQ10 كان لحد اسبوعين فاتو بـ4600 وعاملين عليه عرض بـ3200... بس مش اي حد بيمشي معاه وعايز واحد يستخدمه كـbusiness tool من ايميلات وإكسيل وغيره، انما مش هيديلك نفس رفاهية أجهزة الأندرويد التقيلة من تطبيقات وكاميرا وشاشة وخلافه...

يا رب اكون قدرت افيدك!

أنا جبت الجهاز أول ما نزل من أمريكا, يعني بقاله معايا يجي 6 شهور

أنا بصراحه مش خبير أوي ومش هاعرف أقارن بس عامة تجربتي كلآتي:

الشاشه: حلوه جداً كاحجم وألوان ووضوح ودقه. باعرف أقرأ النصوص الصغيره بسهوله عشان الشاشه دقيقه أوي. شتان الفارق بينها وبين شاشة التابلت بتاعي جالاكسي نوت بتاع 2012.

البطاريه: متوسطه بتقعد يوم, بس فيها ميزه إنها بتشحن بسرعه. بتتشحن كاملة في ساعه.

الآداء: أنا مش خبير أوي في تقييم الآداء بس أنا راضي عن أداء الجهاز وعمره ما هنج معايا ولا كان بطئ. دايماً بافتح نوافذ كتير أوي في المتصفح مثلاً وعمره ما بيهنج ولا يكون بطئ.

شكراً

بلااااااش ضمان دلتا